Psalmowo 30 - Biblia alo Ŋɔŋlɔ Kɔkɔe La Le Eʋegbe Me 1913

Dawid ɖa akpe na Mawu bena, eɖe yeƒe agbe.

¹ Dawid ƒe ha; xɔ ŋu kɔha.

² Mado wò ɖe dzi, Yehowa, elabena wòe hem ɖo goe, eye mèna be, nye futɔwo kpɔ dzidzɔ ɖe ŋunye o.

³ Yehowa, nye Mawu, wòe medo ɣli na, eye neda gbe le ŋu nye.

⁴ Yehowa, wòe he nye luʋɔ tso tsiẽƒe, eye nègbɔ agbem tso amesiwo yi aʋli me la dome.

⁵ Midzi kafukafuha na Yehowa, mi eƒe ame kɔkɔewo, eye mikafu eƒe ŋkɔ kɔkɔe la!

⁶ Elabena eƒe dziku nu mesena yina o, ke eƒe amenuveve nɔa anyi agbenɔɣi katã; fiẽ la avi dzɔna, ke ŋdi la aseyetsotso vaa aƒe.

⁷ Nyea megblɔ le nye dziɖeɖi me bena: Ke maɖe le tenye akpɔ gbeɖe o!

⁸ Yehowa, ètsɔ wò amenuveve li ke nye to zã. Esi nẽɣla wò ŋku me la, dzidzi ƒom.

⁹ Yehowa, wò yɔm mele; Yehowa, wòe mele koko ƒom na be:

¹⁰ Viɖe ka le nye ʋu ŋu, ne meyi aʋli me? Ɖe ʋuʋudedi akafu wò, eye wòaɖe gbe ƒã wò nuteƒewɔwɔa?

¹¹ Yehowa, see, eye nave nanye; Yehowa, nanye nye xɔnametɔ!

¹² Ena nye nuxaxa zu ɣeɖuɖu nam; èɖe akpanya le ŋunye hetsɔ dzidzɔ bla ali dzi nam,

¹³ ne nye bubu nadzi kafukafuha na wò, eye mazi ɖoɖoe o. Yehowa, nye Mawu, makafu wò tegbee!