Psalmowo 3 - Biblia alo Ŋɔŋlɔ Kɔkɔe La Le Eʋegbe Me 1913

Dziɖoɖo de Mawu ŋu le futɔwo katã ŋuti.

¹ Dawid ƒe ha, esime wòsi le via Absalom nu.

² Yehowa, aleke nye ketɔwo sɔ gbɔ ale! Ame geɖewo tso ɖe ŋunye.

³ Ame geɖewo le gbɔgblɔm le ŋunye be: Xɔnamea ɖeke mele Mawu gbɔ nɛ o! Sela.

⁴ Ke wò, Yehowa, enye nye akpoxɔnu kple nye bubu, eye wòe fɔ nye ta ɖe dzi.

⁵ Metso gbenye yɔ Yehowa, eye wòtɔ nam tso eƒe to kɔkɔe ta dze. Sela.

⁶ Memlɔ anyi, eye meɖɔ alɔ; meganyɔ, elabena Yehowa lém ɖe asi.

⁷ Ame akpe nane, siwo ho ɖe to ɖem goɖoo la, mele ŋɔ dzim nam o.

⁸ Tso, Yehowa, nye Mawu, xɔ nam! Elabena wòe ƒo tome na nye futɔwo katã, eye nʋŋe aɖu na ame vɔ̃ɖiwo.

⁹ Yehowa si me xɔname le. Wò yayra neva wò dukɔ dzi! Sela.