Psalmowo 29 - Biblia alo Ŋɔŋlɔ Kɔkɔe La Le Eʋegbe Me 1913

Dziɖegbe adreawo.

¹ Dawid ƒe ha. Mi mawuviwo, mitsɔbubu kple ŋusẽ na Yehowa, Yehowa ye míatsɔe na!

² Mitsɔ Yehowa ƒe ŋkɔ ŋu bubu nɛ; mide ta agu na Yehowa le atsyɔ̃ɖoɖo kɔkɔe me

³ Yehowa ƒe gbe di ɖe tsiwo dzi; bubu ƒe Mawu la ɖe gbe, Yehowa ɖe gbe ɖe tsi gãwo dzi.

⁴ Yehowa ƒe gbe ɖi kple ŋusẽ, Yehowa ƒe gbe ɖi le ŋutikɔkɔe me.

⁵ Yehowa ƒe gbe ŋe seɖertiwo, ẽ, Yehowa ŋe Libanon ƒe sedertiwo.

⁶ Ena woti kpo abe nyivi ene, Libanon kple Sirion abe tòvi ene.

⁷ Yehowa ƒe gbe ke dzo mia.

⁸ Yehowa ƒe gbe na gbedzi ʋuʋu, Yehowa na Kades-gbedzi ʋuʋu.

⁹ Yehowa ƒe gbe na fu ɖu zinɔwo, eye wòkɔ avemetiwo ta; eye nusianu le gbɔgblɔm le eƒe gbeɖoxɔ me be: Bubu!

¹⁰ Yehowa bɔbɔ nɔ anyi gli ɖe tɔɖɔɖɔ dzi; Yehowa bɔbɔ nɔ anyi gli abe fia ene tegbee.

¹¹ Yehowa atsɔ ŋusẽ na eƒe dukɔ; Yehowa atsɔ ŋutifafa ayra eƒe dukɔ!