Psalmowo 25 - Biblia alo Ŋɔŋlɔ Kɔkɔe La Le Eʋegbe Me 1913

Kukuɖeɖe ɖe Mawu ƒe ame takpɔkpɔ, kpɔkplɔ kple nuvɔ̃ tsɔtsɔke ta.

¹ Dawid tɔ. Yehowa, wòe mewu nye luʋɔ ɖe dzi na.

² Nye Mawu, wò ŋu mele ŋu dom ɖo; megana ŋu nakpem, ne nye futɔwo natso aseye ɖe ŋunye o!

³ Amesiwo katã kpɔa mɔ na wò hã, ŋu makpe wo o; ke ŋu akpe amesiwo trɔ le yowòme yakatsyɔ.

⁴ Yehowa, ɖe wò mɔwo fiam, eye nafia wò toƒewom!

⁵ Na mazɔ le wò nyateƒe me, eye nafia num; elabena wòe nye nye xɔname Mawu, wòe mele mɔ kpɔm na ɣesiaɣi.

⁶ Yehowa, ɖo ŋu wò nublanuikpɔkpɔ kple wò amenuveve, elabena woli tso tititi ke!

⁷ Megaɖo ŋu nye ɖevimenuvɔ̃wo kple nye dzidadawo o, ke boŋ ɖo ŋku dzinye le wò amenuveve kple wò dɔmenyo ta, Yehowa!

⁸ Yehowa ƒe dɔme nyo, eye wòwɔa nuteƒe, elabena afiaa mɔ nuvɔ̃wɔlawo.

⁹ Enaa hiãtɔwo zɔa dzɔdzɔenyenye me, eye wòfiaa eƒe mɔ hiãtɔwo.

¹⁰ Yehowa ƒe toƒewo katã nye amenuveve kple nyateƒe na amesiame léa eƒe nubabla kple seawo me de asi.

¹¹ Le wò ŋkɔ la ta, Yehowa, tsa nye vodada kam, elabena esa gbɔ!

¹² Ŋutsu kae vaa Yehowa? Eya wòafia mɔ, si wòatsɔ lae.

¹³ Eƒe luʋɔ anɔ dzɔgbenyuie me, eye anyigba la anɔ viawo si me.

¹⁴ Yehowa bɔa ha kple amesiwo vɔ̃nɛ la, eye wònana wonyaa eƒe nubabla.

¹⁵ Nye ŋkuwo li de Yehowa dzi daa, elabena eya aɖe nye afɔ le ɖɔ me.

¹⁶ Trɔ kɔ ɖe ŋunye, eye nave nunye, elabena metsi akogo, eye mele hiã ɖim.

¹⁷ Nye dzimexãxàwo do gã de dzi, dem tso nye hiãwo me!

¹⁸ Kpɔ nye nuxaxa kple nye hiã ɖa, eye natsɔ nye nuvɔ̃wo katã kem!

¹⁹ Kpɔ nye futɔwo ɖa, elabena wode ha, eye wolé fum ŋutasẽtɔe.

²⁰ Dzra nye luʋɔ ɖo, eye naɖem, ŋu makpem o, elabena wòe mesi tso.

²¹ Fɔmaɖimaɖi kple dzadzɛnyenye nakpɔ tanye, elabena mele mɔ kpɔm na wò.

²² Mawu, ɖe Israel tso eƒe xaxawo katã me!