Psalmowo 21 - Biblia alo Ŋɔŋlɔ Kɔkɔe La Le Eʋegbe Me 1913

Akpedaha dzidzi le Mawu ƒe kpekpeɖe fia ŋu ŋuti.

¹ Dawid ƒe ha na henɔ la.

² Yehowa, fia la kpɔ dzidzɔ le wò ŋusẽ ŋu, eye aleke gbegbe mehele aseye tsom ɖe wò xɔname ŋui o!

³ Ewɔ eƒe dzimedidiwo dzi nɛ, eye mète nusi eƒe dzi di lae o. Sela.

⁴ Etsɔ yayra, siwo nye nu nyuiwo, va kpee, eye néɖɔ sikafiakuku ɖe la nɛ.

⁵ Ebia agbe tso asiwò, eye néna agbe didii ɖaa tegbee.

⁶ Wò xɔname na eƒe ŋkɔxɔxɔ ɖe dzi; bubu kple atsyɔ̃ nètsɔ ɖe eŋu.

⁷ Elabena éɖoe wonye yayra tegbee, eye nètsɔ dzidzɔkpɔkpɔ na eƒe dzeme kɔ la ŋkuwò me.

⁸ Elabena fia la ɖo ŋu ɖe Yehowa ŋu, eye ŋusẽkatãtɔ ƒe amenuveve ana be, ke maɖe le ete o.

⁹ Wò asi axe wò futɔwo katã, eye wò nuɖusi atu wò ketɔwo.

¹⁰ Ne èdo la, àwɔ wo abe kpodzo ene; Yehowa ami wo le eƒe dɔmedzoe me, eye dzo afiã wo.

¹¹ Àtsrɔ̃ wo viwo da le anyigba dzi kple woƒè dzidzimeviwo le amegbetɔviwo dome.

¹² Elabena wobe, yewoahe gbegblẽ ava dziwò; woɖo tame vɔ̃, gake womete ŋu wɔe o.

¹³ Elabena ana woatrɔ ʋume; àtsɔ wò da adzidze woƒe ŋku mee.

¹⁴ Yehowa, tso kple wò kamesesẽ, ekema míadzi ha, eye míakafu wò ŋusẽ!