Psalmowo 17 - Biblia alo Ŋɔŋlɔ Kɔkɔe La Le Eʋegbe Me 1913

Gbedodoɖa le futɔwo ƒe yometiti ŋuti.

¹ Dawid ƒe gbedodoɖa. Yehowa, se nye dzɔdzɔe, ɖo to nye ɣlidodo, eye nalé to ɖe nye gbedodoɖa si metso alakpanuyiwo me o la ŋuti!

² Ŋkuwò me nye afiatsotso tsona; wòŋkuwo kpɔa nu tututu.

³ Eɖo nye dzi kpɔ, eye nèɖe ŋku dem le zã me; èlólom, eye mèkpɔ naneke le ŋunye o; eye susu vɔ̃ɖiwo medona le nunye o.

⁴ Le emegbelɔwo ƒe nuwɔwɔwo me le metsɔ wò numenyawo kpɔ ɖokuinye dzi ɖe ŋutasẽlawo ƒe mɔwo ŋu.

⁵ Nye afɔɖeɖewo li ɖe wò mɔwo dzi zã, eye ke meɖe le nye afɔwo te o.

⁶ Mawu, mele yɔwòm, elabena àtɔ nam; lé to ɖe ŋunye, eye nase nye nuƒoƒo!

⁷ Ɖe wò amenuveve fia nukutɔe, wò amesi nye xɔnametɔ na amesiwo sina le aglãdzelewo nu bena ɖe wò nuɖusi me la.

⁸ Dzram ɖo abe gadaglamakui le ŋkuvi me ene; ɣlam ɖe wò aʋala ƒe vɔvɔli te

⁹ tso ame vɔ̃ɖi, siwo dze dzinye, kple nye futɔ, siwo nyrã de to ɖem la, si me.

¹⁰ Ami nye tsyɔ woƒe dzi, eye wotsɔa woƒe nu gblɔa dadanyawo.

¹¹ Woɖe to ɖe mí le míaƒe afɔɖeɖewo katã me, eye woƒe ŋku le mía ŋu, be woaxlã mi ɖe anyi.

¹² Woɖi dzata, si di be, yeavuvu nu, kple dzatavi, si be ɖi la.

¹³ Yehowa, tso, naɖakpe wo, ƒu wo anyi, eye ɖe nye agbe tso ame vɔ̃ɖi la si me kple wò yi,

¹⁴ tso amegbetɔwo si me kple wò asi, Yehowa, tso ame kodzogbeawo si me, amesiwo kpa woƒe gome le agbe me, eye nètsɔ wò kesinɔnuwo te ɖe ko me na wo; viwo bɔ ɖe wo si kpaŋ, eye wogblẽ woƒe nu susɔeawo ɖi na wo viwo.

¹⁵ Ke nye la makpɔ wò mo le dzɔdzɔenyenye me, eye ne menyɔ la, wò nɔnɔme aɖi ƒo nam.