Psalmowo 16 - Biblia alo Ŋɔŋlɔ Kɔkɔe La Le Eʋegbe Me 1913

Mawu enye domenyinu nyuitɔ.

¹ Dawid ƒe ha ɖe futamee la. Mawu dzram ɖo, elabena wòe mesi tso!

² Megblɔ na Yehowa be: Aƒetɔnyee nènye, nu nyuia ɖeke mele asinye kpe ɖe ŋuwò o.

³ Ame kɔkɔe, siwo le anyigba dzi, kple ame ŋkulawo ƒe nu nyea ŋunye ŋutɔŋutɔ.

⁴ Vevesesewo dzina ɖe dzi na amesiwo tsɔa Mawu ɖɔa li mawu bubuwoe; nyemaƒo woƒe vɔsaʋu ɖe anyi o, eye woƒe ŋkɔ mava nye nu me o.

⁵ Yehowa enye nye domenyinu kple nye kplu me nu; ele nye dzidzenu de asi.

⁶ Dzidzenu la dze nyuiaƒe nam; domenyinu la dze ŋunye.

⁷ Makafu Yehowa, amesi doa aɖaŋu nam; le zã me hã nye ayikuwo xlɔ̃ã num,

⁸ Metsɔa Yehowa ɖoa ŋkunye me ɖaa; ne ele nye nuɖusi me la, ke maɖe le tenye o.

⁹ Eyata nye dzi le dzidzɔ kpɔm, eye nye bubu le aseye tsom, nye ŋutilã hã anɔ anyi dedie.

¹⁰ Elabena màgblẽ nye luʋɔ ɖe tsiẽƒe si me o, eye màlɔ be, wò mawumeme la nakpɔ yɔdo o.

¹¹ Àna menya agbemɔ la, dzidzɔ bɔ ɖe ŋkuwò me, eye vivisese le wò nuɖusi me tegbee.