Psalmowo 149 - Biblia alo Ŋɔŋlɔ Kɔkɔe La Le Eʋegbe Me 1913

Zion nakafu Aƒetɔ!

¹ Mikafu Yehowa! Midzi ha yeye na Yehowa, eƒe bubu neɖi le mawumemewo ƒe ha me!

² Israel nekpɔ dzidzɔ ɖe ewɔla ŋu; Zion-viwo netso aseye ɖe woƒe ena ŋu!

³ Woatsɔ ɣeɖuɖu akafu eƒe ŋkɔ, eye woafsɔ asiʋui kple kasaŋku aƒo ha nɛ!

⁴ Elabena Yehowa ƒe dukɔ ƒe nu nyo eŋu, etsɔa xɔname ɖoa atsyɔ̃ na hiãtɔwo.

⁵ Mawumemewo nekpɔ dzidzɔ le bubu me, eye woagli le wo ɖɔƒewo.

⁶ Mawu ƒe dodoɖedzi le woƒe nu me, eye yi nuvee le wo si,

⁷ ne woabia hlɔ̃ le dukɔwo dome, eye woahe to le anyigba dzi tɔwo dome,

⁸ ne woade kɔsɔkɔsɔ woƒe fiawo kple kunyowu woƒe ame ŋkutawo;

⁹ ne woawɔ ʋɔnudɔdrɔ̃, si woŋlɔ di la, dzi ɖe wo ŋu. Atsyɔ̃ nye esia na eƒe mawumemewo katã. Mikafu Yehowa!