Psalmowo 148 - Biblia alo Ŋɔŋlɔ Kɔkɔe La Le Eʋegbe Me 1913

Xexeme katã nakafu Aƒetɔ!

¹ Mikafu Yehowa! Mikafu Yehowa tso dziƒo; midoe ɖe dzi le kɔkɔƒewo!

² Mikafui, mi eƒe dɔlawo katã, mi eƒe aʋakɔwo katã, mikafui!

³ Ɣe kple ɣleti, mikafui; mikafui, mi dzinuvi keklẽwo katã!

⁴ Mikafui, mí dziƒo ƒe dziƒowo kple mi dziƒotametsiwo!

⁵ Woakafu Yehowa ƒe ŋkɔ, elabena ede se, eye wodzɔ,

⁶ etsɔ wo ɖo anyi ɖaa tegbee; ena ɖoɖowo, eye emagatrɔ wo o.

⁷ Mikafu Yehowa tso anyigba dzi, mi bosowo kple tɔ goglowo katã,

⁸ mi dzo kple dzikpe, sno kple adzudzɔ kpakple ahom, si wɔa eƒe gbe dzi;

⁹ mi towo kple togbɛwo katã afi tsekuwo kple sedertiwo katã;

¹⁰ mi gbemelãwo kple aƒemelãwo kalã kpakple xevi dzogoewo;

¹¹ mi anyigba dzi fiawo kple dukɔwo katã, amegãwo kple anyigba dzi ʋɔnuɖrɔ̃lawo katã,

¹² ɖekakpuiwo kple ɖetugbiwo siaa, amegã ɖeɖiwo kple ɖeviwo!

¹³ Woakafu Yehowa ƒe ŋkɔ, elabena eƒe ŋkɔ ɖeɖekoe ɖo kpo, eye eƒe gãnyenye xɔ anyigba dzi kple dziƒo.

¹⁴ Ewu eƒe dukɔ ƒe dzo ɖe dzi, eyata kafukafu neɖi le eƒe mawumemewo katã, Israel-viwo, dukɔ, si tsɔ ɖe egbɔ la nu! Mikafu Yehowa!