Psalmowo 143 - Biblia alo Ŋɔŋlɔ Kɔkɔe La Le Eʋegbe Me 1913

Gbedodoɖa le ɖeɖe ŋuti.

¹ Dawid ƒe ha. Yehowa, se nye gbedodoɖa, lé to ɖe nye kokoƒoƒo ŋu, eye naɖo tom le wò nyateƒe kple dzɔdzɔenyenye nu!

² Eye megaɖrɔ̃ ʋɔnu wò dɔla o, elabena ŋkuwò me la agbagbea ɖeke menye dzɔdzɔetɔ o.

³ Elabena futɔ la ti yonyeme, exlã nye agbe ɖe anyi, eye wòdem viviti me abe amesiwo ku xoxoxo ene.

⁴ Nu te nye gbɔgbɔ ŋu, eye nye dzi lulu ɖe menye.

⁵ Meɖo ŋu blemaŋkekewo, mede ŋugble le wò nuwɔwɔwo kalã ŋu, eye mesusu wò asinudɔwɔwɔwo ŋu.

⁶ Meke nye alɔwo me na wò; nye luʋɔ ƒe veme ƒu ɖe ŋuwò kplakplakpla abe anyigba ene. Sela.

⁷ Yehowa, netsɔ naɖo tom, nu te nye gbɔgbɔ ŋu, megaɣla wo ŋku me ɖem, ne maɖi amesiwo yi aʋli me la o.

⁸ Na mese wò amenuveve le ŋdi, elabena ŋuwò mele ŋu ɖom ɖo; ɖe mɔ, si mato la fiam, elabena wòe mewu nye luʋɔ dzi na.

⁹ Yehowa, ɖem tso nye futɔwo si me, elabena gbɔwò mebe ɖo.

¹⁰ Fia wò lɔlɔ̃num mawɔ, elabena nye Mawu nènye; wò gbɔgbɔ nyui la nekplɔm to anyigba sɔsɔe dzi!

¹¹ Yehowa, gbɔ agbem le wò ŋkɔ la ta; ɖe nye luʋɔ tso xaxa me le wò dzɔdzɔenyenye la ta!

¹² Le wò amenuveve la ta gblẽ nye futɔwo, eye natsrɔ̃ amesiwo katã lé fu nye luʋɔ, elabena wò dɔla menye.