Psalmowo 140 - Biblia alo Ŋɔŋlɔ Kɔkɔe La Le Eʋegbe Me 1913

Kukuɖeɖe na Mawu le futɔwo ŋuti.

¹ Dawid ƒe ha na henɔ la. Yehowa, ɖem tso ame vɔ̃ɖiwo si me, eye nakpɔ tanye tso ŋutsu ŋutasẽlawo si me!

³ Amesiwo le nu vɔ̃ɖi susum ɖe dzi me, eye wole aʋawɔwɔ dim gbesiagbe;

⁴ wole woƒe aɖewo nyrem abe da fɔ ene; ƒli ƒe aɖi le woƒe nuyiwo te. Sela.

⁵ Yehowa, kpɔ tanye tso ame vɔ̃ɖiwo si me, eye nadzram ɖo tso ŋutsu ŋutasẽlawo si me, amesiwo ɖo ɖe tame be, yewoaɖe afɔ le tenye aƒu anyi.

⁶ Dadalawo ɖo adoboli kple ka nam, woɖo ɖɔ ɖe mɔ to, eye wotre kpa nam. Sela.

⁷ Megblɔ na Yehowa be: Nye Mawu nenye, Yehowa; se nye kokoƒogbe.

⁸ Yehowa, Aƒetɔ la, enye nye xɔname sesẽ, ètsyɔ nu ta nam le aʋakpegbe.

⁹ Yehowa, megawɔ ame vɔ̃ɖi la ƒe didi dzi o; megaxɔ de eƒe tameɖoɖo dzi, ne wòado eɖokui ɖe dzi o. Sela.

¹⁰ Ne woke ta dzi ɖe to ɖem la, ekema woƒe nuyiwo ƒe dzɔgbevɔ̃e nenyẽ tsyɔ wo!

¹¹ Nena dzoka nadza ɖe wo dzi, netsɔ wo ƒu dzo kple ʋe me, be womegafɔ akpɔ o.

¹² Ŋutsu aɖe vɔ̃e tɔ megali ɖe anyigba dzi o; ŋutsu ŋutasẽla la dzɔgbevɔ̃e neyɔe ɖe nu kplikplikpli.

¹³ Menyae be, Yehowa adrɔ̃ nya na hiãtɔwo, eye wòatso na ame dahewo.

¹⁴ E, ame dzɔdzɔewo ada akpe na wò ŋkɔ, nuteƒewɔlawo abɔbɔ nɔ ŋkuwò me.