Psalmowo 129 - Biblia alo Ŋɔŋlɔ Kɔkɔe La Le Eʋegbe Me 1913

Ŋu nakpe Israel xaxalawo.

¹ Mɔzɔha. Israel negblɔ be: Woxaxam ɖo zi geɖe tso nye ɖekakpui me,

² zi geɖe woxaxam ɖo tso nye ɖekakpui me, ke womede nunye o.

³ Agbleŋlɔlawo ŋlɔ nye mẽdome, eye wodze boliƒo lebe.

⁴ Ke Yehowa nya dzɔdzɔetɔ, elã ame vɔ̃ɖiwo ƒe kawo.

⁵ Ŋu akpe amesiwo le fu Zion, eye woagbugbɔ ɖe megbe.

⁶ Woana abe xɔtagbe, si yrɔna hafi woava yi eho ge ene,

⁷ si meyɔa nuŋela ƒe asiƒome alo nublala ƒe abɔdome o!

⁸ Eye amesiwo tso eme va yina la, magblɔ be: „Yehowa ƒe yayra nenɔ mía dzi, míeyra mi le Yehowa ƒe ŋkɔ me“ o.