Psalmowo 120 - Biblia alo Ŋɔŋlɔ Kɔkɔe La Le Eʋegbe Me 1913

Le alakpatɔwo ta.

¹ Mɔzɔha. Meyɔ Yehowa le nye xexe me, eye wòɖo tom.

² Yehowa, de nye luʋɔ tso aʋatsonuyi kple alakpaɖe si me!

³ Nuka alakpaɖe ana wò, eye nuka wòatsɔ akpee na wò?

⁴ Ele abe aʋawɔlawo ƒe aŋutrɔ, siwo wonyrẽ; eye abe yɔkuti ƒe dzokawo.

⁵ Baba nam be, medze Mesex gbɔ, eye mele Kedar ƒe agbadɔwo gbɔ!

⁶ Nye luʋɔ le ŋutifafa ƒe ketɔwo gbɔ eteƒe didi ŋutɔ.

⁷ Nye la ŋutifafa ɖeɖe menye, ke ne meƒo nu ko la, woawo dzea aʋa gɔme.