Psalmowo 12 - Biblia alo Ŋɔŋlɔ Kɔkɔe La Le Eʋegbe Me 1913

Konyifafa le mawuvɔ̃lawo ƒe vɔvɔ kple mawumavɔ̃lawo ƒe ŋusẽ kpɔkpɔ ŋuti.

¹ Dawid ƒe ha na henɔ la, ne woaƒo ɖe gbe gã me.

² Yehowa, xɔ na ame, elabena mawumemewo nu tso, eye anukwaretɔwo bu le amegbetɔviwo dome!

³ Amesiame vivia nume henɔa aʋatso kam na nɔvia, eye wogblɔa aɖevee.

⁴ Yehowa netsrɔ nume ŋanɛ tɔwo kple aɖe, siwo gblɔa nya gãwo,

⁵ amesiwo gblɔna be: Míaƒe aɖewo doa ŋusẽ mí, míaƒe nuyiwo li kpli mí, ameka nye aƒetɔ de mía nu?

⁶ Yehowa be: Metso azɔ le ŋutasesẽ le hiãtɔwo ŋu kple ame dahewo ƒe hũɖeɖe ta, eye mahe xɔname vɛ na amesi le eyome dim la.

⁷ Yehowa ƒe nyawo dza abe klosalo, si wolólona le kpo me wotstana ɖe anyigba, eye woklɔe zi gbɔ zi adre la ene.

⁸ Oo, Yehowa, dzra mí ɖo, eye nakpɔ mía ta le dzidzime sia ŋuti tegbee!

⁹ Ne yakanuwɔwɔ le ga dom ɖe dzi le amegbetɔwo dome la, eyae ame vɔ̃ɖiwo doa dzodzo.