Psalmowo 105 - Biblia alo Ŋɔŋlɔ Kɔkɔe La Le Eʋegbe Me 1913

Mawu kafukafu to Israel ƒe tsã ŋutinya me.

¹ Mida akpe na Yehowa, miɖe gbe ƒã eƒe ŋkɔ, eye miɖe eƒe nuwɔwɔwo fia le dukɔwo dome!

² Midzi ha nɛ, miƒo saŋku nɛ, eye miƒo nu le eƒe nukunuwo katã ŋu!

³ Miƒo adegbe le eƒe ŋkɔ kɔkɔe la ŋu; amesiwo katã dia Yehowa la, ƒe dzi nekpɔ dzidzɔ!

⁴ Mibia Yehowa kple eƒe ŋusẽ la se, eye midi eƒe ŋku me ɖaa!

⁵ Miɖo ŋu eƒe nukunu, siwo wòwɔ, eƒe dzesiwo kple eƒe nu me fiatsotsowo!

⁶ Mi eƒe dɔlawo, Abraham-ƒomeawo, mi eƒe ame tiatiawo, Yakob-viwo,

⁷ eya nye Yehowa, mía Mawu la, eƒe ʋɔnudɔdrɔ̃ le anyigbawo kalã dzi.

⁸ Aɖo ŋu eƒe nubabla, nya, si wòɖo hena dzidzime akpewo la tegbee,

⁹ nu, si wòhla kple Abraham, kple atam, si wòka na Isak,

¹⁰ etsɔe wɔ ɖoɖoe na Yakob kple nubablae na Israel tegbee,

¹¹ hegblɔ bena: Wòe matsɔ Kanaan-nyigba na, ne wòanye miaƒe domenyinu ƒe gome!

¹² Esime womede ha o, wole ʋee, eye wonye amedzro le edzi ko,

¹³ eye woho tso dukɔ gbɔ yi dukɔ gbɔ, tso fiaɖuƒe gbɔ yi dukɔ bubu gbɔ la,

¹⁴ mana amea ɖeke te wo ɖe anyi o, eye wòhe to na fiawo le wo ta.

¹⁵ Migaka asi nye amesiaminawo ŋu o, eye migawɔ vɔ̃a ɖeke nye nyagblɔdilawo o!

¹⁶ Eyɔ dɔwuame va anyigba dzi, eye wòŋe abolo ƒe ziɔɖeŋutiwo katã.

¹⁷ Edɔ ŋutsua ɖe ɖe wo ŋgɔ; wotsɔ Yosef dzra kluvii.

¹⁸ Womimi eƒe afɔ ɖe atiboli ŋu, eye woɖee kunyowu me,

¹⁹ vaseɖe ɣeyiɣi, si eƒe nya va me, eye Yehowa ƒe nuƒoƒo lóloe wòdza.

²⁰ Tete fia la ɖɔ woɖaɖee, dukɔwo dziɖula na woɖe gae.

²¹ Etsɔe ɖo aƒetɔ ɖe eƒe aƒe nu kple eƒe nuwo katã dzikpɔlae,

²² ne wòabla eƒe amegãwo, alesi dze eŋu, eye wòafia nunya eƒe ame tsitsiwo.

²³ Eye Israel va Egipte, eye Yakob nye amedzro le Xam-nyigba dzi.

²⁴ Eye wòna eƒe dukɔ dzi ŋutɔ, eye wokpɔ ŋusẽ wu woƒe kelɔwo.

²⁵ Etrɔ woƒe dzi, be woalé fu yeƒe dukɔ, eye woado aye ɖe yeƒe dɔlawo ŋu.

²⁶ Edɔ eƒe dɔla Mose kple Aron, si wòtia la ɖa.

²⁷ Ewɔ eƒe dzesiwo le wo dome kple nukunuwo le Xam-nyigba dzi.

²⁸ Eɖo viviti ɖa, eye blukɔ do, ke womebu eƒe nyawo o.

²⁹ Ena woƒe towo zu ʋu, eye wowu woƒe tɔmelãwo.

³⁰ Woƒe anyigba dzi gblẽ kple akpɔkplɔwo, keke woƒe fiawo ƒe xɔwo me ke hã.

³¹ Eƒo nu, tete togbatowo kple mũwo va woƒe anyigba blibo la dzi.

³² Ena tsikpewo wu ɖe tsidzadza teƒe kple dzoƒaɖewo ɖe woƒe anyigba dzi.

³³ Eƒo woƒe weinkawo kple gbotiwo ƒu anyi, eye wòŋe woƒe anyigba dzi tiwo.

³⁴ Eƒo nu, eye ʋetsuviwo kple ʋetrawo ɖo bibibi,

³⁵ eve woɖu numiemiewo katã le woƒe anyigba dzi, eye woɖu woƒe agble me nukuwo.

³⁶ Ewo ŋgɔgbeviwo katã lewoƒe anyigba dzi, woƒe ŋusẽwo katã ƒe ŋgɔgbeawo.

³⁷ Ekplɔ wo dzoe kple klosalo kple sika, eye ame kudɔea ɖeke meno woƒe toawo me o.

³⁸ Dzi dzɔ Egipte le woƒe ʋuʋu la ta, elabena woƒe ŋɔdzi le wo,

³⁹ Ekeke alilikpo tsyɔ wo dzi, eye wòna dzo na zã me kɔ.

⁴⁰ Wobia nu, eye wòhe tegliwo va; dziƒobolo wòtsɔ di ƒo na woe.

⁴¹ Enu agakpe nu, eye tsi ɖuɖu hesi le gbegbe abe tɔsisi ene.

⁴² Elabena eɖo ŋku eƒe nya kɔkɔe, si wògblɔ na eƒe dɔla Abraham la dzi.

⁴³ Eye wòkplɔ eƒe dukɔ la le dzidzɔ me kple eƒe ame dadawo le aseyetsotso me.

⁴⁴ Etsɔ dukɔwo ƒe anyigbawo na wo, ne woaxe nusi dukɔwo dagba kpɔ la, woanye wo tɔ;

⁴⁵ ne woalé ŋku ɖe eƒe ɖoɖowo ŋu, eye woalé eƒe sewo me ɖe asi. Mikafu Yehowa!