Nehemia 12 - Biblia alo Ŋɔŋlɔ Kɔkɔe La Le Eʋegbe Me 1913

Nunɔlawo kple Lewitɔwo ƒo ŋkɔwo.

¹ Nunɔlawo kple Lewi-vi, siwo gbɔ kple Zerubabel. Sealtiel vi, kpakple Yesua, wo ye Seraya, Yeremya, Ezra,

² Amarya, Malux, Xatus,

³ Sexanya, Rexum, Meremot,

⁴ Ido, Ginetoi, Abiya.

⁵ Miyamin, Maadya, Bilga,

⁶ Semaya, Yoyarib, Yedaya,

⁷ Salu, Amok, Xilkiya kple Yedaya. Amesiawo nye nunɔlawo kple wo nɔviwo ƒe tatɔwo le Yesua ŋɔli.

⁸ Lewi-viwo nye Yesua, Binui, Kadmiel, Serebya, Yuda kple Matanya; eya kple nɔviawo le kafukafuhadzihawo nu,

⁹ Bakbukya kple Uni kpakple nɔviawo tsi tre ɖe wo kasa le woƒe hawo nu.

¹⁰ Yesua dzi Yoyakim, Yoyakim dzi Elyasib, eye Elyasib dzi Yoyada,

¹¹ Yoyada dzi Yonatan, eye Yonatan dzi Yadua.

¹² Nunɔla, siwo nye tatɔwo na aƒekɔwo le Yoyakim ŋɔli la, wonye: Meraya na Seraya; Xananya na Yeremya;

¹³ Mesulam na Ezra; Yoxanan na Amarya;

¹⁴ Yonatan na Meluxi; Yosef na Sebanya;

¹⁵ Adna na Xarim; Xelkai na Merayot;

¹⁶ Zaxarya na Ido; Mesulam na Gineton;

¹⁷ Sixri na Abiya, Piltai na Minyamin-Moadya;

¹⁸ Samua na Bilga; Yonatan na Semaya;

¹⁹ Matenai na Yoyarib; Uzi na Yedaya;

²⁰ Kalai na Salai; Eber na Amok;

²¹ Xasabya na Xilkiya; Netaneel na Yedaya.

²² Le Elyasib, Yoyada, Yoxanan kple Yadua ŋɔli la woŋlɔ Lewi-viwo ƒe aƒekɔwo ƒe tatɔwo kple nunɔlawo ɖi le Persiatɔ Dario ƒe fiaɖuɖu me.

²³ Woŋlɔ aƒekɔwo ƒe tatɔ, siwo nye Lewi-viwo, ɖe nyadzɔdzɔgbalẽ la me vaseɖe Yoxanan, Elyasib vi ŋɔli.

²⁴ Lewi-viwo ƒe aƒekɔwo nye; Xasabya, Serebya kple Yesua, Kadmiel vi; eye wo nɔyiwo tsi tre ɖe wo kasa, be woakafu, eye woada akpe le Mawu ƒe ame Dawid ƒe sedede nu, ameha ɖe ameha yome.

²⁵ Matanya, Bakbukya kple Obadya, Mesulam, Talmon kple Akub wonye agbonudzɔlawo, siwo dzɔa nudzraɖoƒexɔ, siwo le agboawo nu la ŋu.

²⁶ Amesiawo nɔ agbe le Yoyakim, Yesua vi, amesi nye Yozadak vi ŋɔli kple anyigba dzikpɔla Nexemya kpakple nunɔla Ezra, amesi nye agbalẽfiala la ŋɔli.

Yerusalem glia ŋu kɔkɔ.

²⁷ Esi wole Yerusalem ŋu gliawo ŋu kɔ ge la, woɖadi Lewi-viwo tso wo nɔƒewo katã vɛ, ne woatsɔ akpedahawo, hadzidziwo, gakogoewo, saŋkuwo kple kasaŋkuwo aɖu glia ŋu kɔkɔ ŋkekenyuie kple dzidzɔ ŋkekenyuie lae.

²⁸ Tete hadzihawo va kpe ta tso Yerusalem nutowo me godoo kple Netotatitɔwo ƒe agbletawo

²⁹ kple Bet-Gilgal kple Geba-gblewo me kpakple Azmawet; elabena hadzilawo tso agbletawo na wo ɖokui ɖe Yerusalem ŋu goɖoo.

³⁰ Nunɔlawo kple Lewi-viwo kɔwo ɖokui ŋu, eye woke dukɔ la, agboawo kple gliawo ŋu.

³¹ Mene Yuda-amegãwo de gli la dzi, eye meɖo kafukafuhadziha gã eve, ha ɖeka to glia dzi ɖo ta akoligbo la gbɔ le ɖusi me gome,

³² wo yomedzelawo nye Hosaya kple Yuda-amegãwo ƒe afa,

³³ Azarya, Ezra kple Mesulam,

³⁴ Yuda Benyamin. Semaya kple Yeremya.

³⁵ Nunɔlawo ƒe viwo dometɔa ɖewo, siwo tsa kpẽwo ɖe asi, wonye: Zaxarya, Yonatan vi, amesi nye Semaya vi, amesi nye Matanya vi; amesi nye Mixaya vi, amesi nye Zakur vi, amesi nye Asaf vi.

³⁶ Nɔvia, siwo nye. Semaya, Azareel, Milalai, Gilalai, Maai, Netaneel, Yuda kple Xanani la wole Mawu ƒe ame Dawid ƒe hadzinuwo ɖe asi, eye agbalẽfiala Ezra dze wo ŋgɔ.

³⁷ Woɖo ta vudogbo la gbɔ, eye wole ŋgɔmɔ tẽ heto atrakpuiawo dzi va Dawid ƒe du la gbɔ; wolia gli la to Dawid ƒe xɔ gbɔ vaseɖe tsigbo la gbɔ le ɣe dzeƒe gome.

³⁸ Kafukafuhadziha evelia, si yome mia kple dukɔ la ƒe afã míedze le, to glia dzi le mía me gome ɖo ta kpoxɔ tsrala la gbɔ vaseɖe gli keke la gbɔ.

³⁹ Wole Efrayim-gbo, ɖu xoxo la ƒe egbe kple tɔmelãgbo le la me va to xɔ tsrala Xananeel kple xɔ tsrala Mea ŋu vaseɖe alẽgbo la gbɔ, eye wotɔ ɖe gaxɔgbo la gbɔ.

⁴⁰ Tete kafukafuhadziha eveawo ɖo ɖe Mawu ƒe aƒe la me hekpe ɖe mía kple amegãwo ƒe afã, si le ŋunye la ŋuti.

⁴¹ Elyakim, Maaseya, Minyamin, Mixaya, Elyoenai, Zaxarya kple Xananya, amesiwo nye nunɔlawo la, wolé kpẽwo ɖe asi,

⁴² eye Maaseya, Semaya, Eleazar, Uzi, Yoxanan, Malkiya, Elam kple Ezer, amesiwo nye hadzilawo la, dzi ha, eye Yizraxiya le wo nu.

⁴³ Wosa vɔ geɖe gbemagbe, eye wokpɔ dzidzɔ, elabena Mawu do dzidzɔ gã na wo; nyɔnuwo kple ɖeviwo hã kpɔ dzidzɔ, eye wose Yerusalem ƒe dzidzɔ la ŋkɔ le didiƒe ke.

Gbedoxɔ ŋu nudzɔdzɔwo dzikpɔlawo.

⁴⁴ Gbemagbe wodo ŋutsuwo nudzraɖoƒexɔ, siwo me nudzɔdzɔ, nu gbãtɔwo kple nuwo ƒe ewolia le la nu, be woadzɔ nu tso agblededuwo me ade wo me na nunɔlawo kple Lewi-viwo, abe alesi wode see ene; elabena Yuda kpɔ dzidzɔ le nunɔla kple Lewi-vi, siwo tsi tre ɖi,

⁴⁵ eye woƒe Mawu ƒe dɔ kple ŋutikɔklɔdɔ le wo si me la ŋuti; eye hadzilawo kple agbonudzɔlawo tsi tre ɖi le Dawid kple via Salomo ƒe se la nu.

⁴⁶ Elabena tso gbaɖegbe ke le Dawid kple Asaf ŋɔli amegãwo le hadzilawo kple Mawu ƒe kafukafuhawo kpakple akpedahawo nu.

⁴⁷ Le Zerubabel ŋɔli kple Nexemya ŋɔli la Israel blibo la na nu hadzilawo kple agbonudzɔlawo, alesi nu hiã gbesiagbe; wotsɔ nunana kɔkɔeawo na Lewi-viwo, eye Lewi-viwo tsa nunana kɔkɔeawo na Aron viwo.