Nahum 2 - Biblia alo Ŋɔŋlɔ Kɔkɔe La Le Eʋegbe Me 1913

Nyagblɔɖi le Niniwe gbegblẽ ŋuti.

¹ Kpɔ ɖa, ɖu nyui xɔla ƒe afɔwo ɖo towo dzi, eye wòle gbe ƒã ɖem ŋutlfafa be: Yuɖa, ɖu wò ŋkekenyuiewo, eye nawɔwò adzɔgbeɖeɖewo dzi; elabena ame vlo la magaƒo ɖe, dzlwò azɔ o, wo-tsrɔ̃e keŋkeŋ!

² Nughlẽla le ƒoƒo ge ɖe dziwò: Kpɔ mɔ̃ sesẽwo ta, eye natsa ŋu te mɔ dzl, bla ali dzi, eye nade dzo la me vevie!

³ Elabena Yehowa agaghughɔ Yakob ƒe gãnyenye vɛ abe Israel ƒe gãnyenye ene. Elabena nuhalawo hae keŋkeŋ, eye woghlẽ eƒe weinkawo.

⁴ Eƒe kalẽtɔwo ƒe akpoxɔnuwo biã hẽ, eye aʋawɔlawo le abe aɖabɛ dzitɔ ene, tasiaɖam ŋu gawo le dzo kem le akpablagbe, eye wole akplɔwo nyẽm.

⁵ Tasiaɖamwo le zi nyẽm le kpɔdomeewo; eye wole du dzi le ablɔwo me; wole abe kakatiwo ene, eye wole zɔzɔm abe dzikedzo ene.

⁶ Eɖo ŋku eƒe bubumewo dzi; wole ya mum le yiyim, eye woɖe abla yi ɖua ƒe gli gbɔ, ke wotu akpoxɔ ɖi xoxo.

⁷ Woaʋu agbo, siwo le tɔ to, eye dzidzi aƒo fiasã la.

⁸ Woaɖe ama fiasrɔ̃ akplɔ adzoe,: eƒe nyɔmidɔlawo anɔ fafam abe akpakpa ene, eye woanɔ akɔta ƒom.

⁹ Tso gbaɖegbe ke Niniwe le abe ta, si tsi yɔ fũ ene; ke woasi, eye ne wobe, „mitɔ, mitɔ“ la, amea ɖeke menye kɔ o.

¹⁰ Miha klosalo, miha sika! Aƒemenuwo teƒe mekɔ o, eye nu vevi vovovowo sɔ gbɔ kpaŋkpaŋ!

¹¹ Woaɖi gbɔloe ƒiaƒiaƒia, eye woahae! Dziwo alólo gbanaa eye klowo anɔ ƒoƒom kpakpakpa, aliwo katã adzo nyanyanya, eye ŋkumewo katã afu tititi.

¹² Afika dzatawo nɔƒe le azɔ, eye afika dzataviwo ƒe nuɖuƒe le, afisi dzatatsu kple dzatanɔ kpakple dzataviwo tsana le, eye amea ɖeke medoa vodi na wo o?

¹³ Dzata lé nu alesi atu viawo nu, eye wòwu nu na dzatanɔwo; etsɔ adzonu yɔ eƒe ɖowo fũ kple nuléle yɔ enɔƒewoe.

¹⁴ Ale Yehowa Zebaot gblɔ esi: Kpɔ ɖa, maƒo ɖe dziwò, eye wò dzataviwo atsi yi nu, matsi wò adzodada nu le anyigba dzi, eye womagase wò ame dɔdɔwo ƒe gbe azɔ o.