Lododowo 6 - Biblia alo Ŋɔŋlɔ Kɔkɔe La Le Eʋegbe Me 1913

Nuxɔxlɔ̃ le ŋgɔgbenɔnɔ ŋuti.

¹ Vinye, ne èƒu asi akɔ ɖe hãwòvi nu, eye nèlé fe nu na ame tutɔ,

² wò numenya ɖe nyagbatee dowòme, eye wò numenya lé wò la,

³ ekema, vinye, wɔ ale, ne naɖe ɖokuiwò — ège ɖe hawòvi si me ɖe — Yi naxlã ɖokuiwò ɖe eƒe afɔ nu, eye naƒoe ɖe hawòvi nu.

⁴ Megana alɔ̃ nava wò ŋku dzi o, eye akɔlɔ̃e megaɖo wò aɖaba me o.

⁵ Ɖe ɖokuiwò le esi abe sãde ene, eye abe xevi tso mɔ̃trela si me ene.

Nyagbegbe na ame le kuviawɔwɔ ŋuti.

⁶ Wo kuviatɔ, yi anyidi gbɔ, kpɔ eƒe nuwɔna ɖa, eye nadze nunya!

⁷ Esi amegã, dzikpɔla kple dziɖulaa ɖeke mele esi o hã la,

⁸ eƒoa eƒe abolo le dzomeŋɔli, eye wòtua eƒe nuɖuɖu ɖo le nuŋeɣi.

⁹ Kuviatɔ, ɣekaɣi nanɔ aba dzi ase do? Ɣekaɣi nenyo tso wò alɔ̃dɔdɔ me?

¹⁰ Gadɔ alɔ̃ vie, gadɔ akɔlɔ̃e vie, de asi asitɛ me nagbɔ ɖe eme vie!

¹¹ Ekema wò ahedada aɖi kpe wo ahe mazɔla ene, eye wò hiã ahe ŋutsu, si bla akpa ene.

Nuxɔxlɔ le vɔ̃ɖinyenye ŋuti.

¹² Yakame kple ame gbegblẽ enye amesi tsɔa alakpadanu nɔa yiyimee,

¹³ eya, amesi mlãa ŋku ɖe ame, etoa nya kple eƒe afɔ, eye wòtsɔa eƒe asi fiaa dzesii,

¹⁴ eya, amesi ƒe dzi me ayedzedze le, edoa va de tame ɣesiaɣi, eye wòdea dzra aƒe.

¹⁵ Eyata eƒe gbegblẽ aƒo ɖe edzi kpoyi, agbã zi ɖeka, eye hayahaya manɔ eŋu o.

¹⁶ Nu ade Yehowa lé fui, eye adadrelia nye ŋunyɔ na eƒe luʋɔ:

¹⁷ dadaŋkuwo, aʋatsoɖe kple asi, siwo kɔa nu maɖifɔ ɖi,

¹⁸ dzi, si ɖoa tame gbegblẽ, afɔ, siwo tsɔna ɖe vɔ̃ ŋu,

¹⁹ amesi ɖua aʋatsoɖasefo hedaa alakpa, kpakple amesi dea dzre nɔviwo dome.

Le ahasiwɔwɔ ŋuti.

²⁰ Vinye, dzra fofowò ƒe sedede do, eye megagblẽ dawò ƒe nufiame ɖi o.

²¹ Blae ɖe wò dzi ŋu dam eye naxatsae ɖewò kɔ ŋu.

²² Ne èle azɔli dzi la, akplɔ wò, ne èmlɔ anyi la, adzɔ ŋuwò, eye ne ènyɔ la, aɖo dze kpli wò.

²³ Elabena akaɖie nye se la, kekelie nye nufiame la, eye agbemɔ enye mokaname, siwo fiaa mɔnu ame la.

²⁴ Ne nadzra ɖokuiwo do tso nyɔnu vɔ̃ɖi la si me kpakple dutanyɔnu ade zɔzrɔ̃etɔ la si me.

²⁵ Eƒe tugbedzedze megadzro wò le dzi me o, eye megatsɔ eƒe aɖaba le wò o.

²⁶ Elabena gbolo ɖe wòɖia gbɔ ame vaseɖe abolo dzi, eye nyɔnu srɔ̃tɔ le agbe xɔasi la minyam.

²⁷ Ɖe amea ɖe ate ŋu aɖe dzo de akɔnu, eye eƒe avɔ nagbe fiafiã?

²⁸ Alo ɖe amea de azɔ dzoka xɔxɔ dzi, eye eƒe afɔ nagbe fiafiã?

²⁹ Alea ke wòanɔ na amesi de ehavisrɔ̃ gbɔe; amesiame, si de asi eŋu la, metsi to mahemahe o.

³⁰ Womedoa vlo fiafitɔ, ne efi fi, be wòatsɔ atsi eƒe dɔwuame nu, esime ƒomenui le ewɔm o;

³¹ ke ne asi tui la, ado eteƒe zi adre, eye wòatsɔ eƒe me nuwo katã ana.

³² Gake amesi wɔ ahasi kple nyɔnua ɖe la, tagbɔ gbegblẽtɔ wonye; amesi le didim be, yeatsrɔ̃ yeƒe agbe la, eyae wɔa ale nusia tɔgbe.

³³ Ƒoƒo kple dzu atso eme nɛ, eye eƒe ŋukpe nu matsi o.

³⁴ Elabena ŋutsu ƒe dziku ɖe wòʋãa ŋu, eye mekpɔa nublanui le hlɔ̃biagbe o.

³⁵ Avulénua ɖeke malé enuo, eye ne ena nu geɖe hã la, mãlɔ̃ o.