Lododowo 4 - Biblia alo Ŋɔŋlɔ Kɔkɔe La Le Eʋegbe Me 1913

Nuxɔxlɔ̃ bena, woadze nunya ƒe nufiafia yome.

¹ Mi viwo, mise fofowo ƒe amehehe, mido ŋku anyi, ne miadze si gɔmesese.

² Nufiafia nyui mele tsɔtsɔm na mi, migagblẽ nye nufiame ɖi o.

³ Elabena esi menye ɖevi na fofonye, vi fe kple tenuvi na danye la,

⁴ efia num gblɔ nam bena: Wò dzi neku ɖe nye nyawo ŋu, dzra nye sededewo ɖo, ekema anɔ agbe.

⁵ Ele nunya, ƒle gɔmesese! Megaŋlɔe be o, eye megate ɖe aga tso nye nu me nyawo ŋu o.

⁶ Megaɖe asi le eŋu o, ekema adzra wò ɖo; lɔ̃e, ekema akpa tawò.

⁷ Nunya ƒe gɔmeloto enye be, woaƒle nunya, eye natsɔ wo kesinɔnuwo katã aƒle gɔmesesee.

⁸ Kɔe ɖe dzi, ne wòakɔ wò ɖe dzi, akplɔ bubu aƒu wò, ne ekpla asi kɔ nɛ.

⁹ Aɖɔ seƒoƒotsihe nyui ɖe la na wò, eye woana fiakuku dzeani wò.

¹⁰ Vinye, see, eye naxɔ nye nyawo awɔ tɔwòe, ekema agbenɔƒe geɖe anɔ asiwò.

¹¹ Nunyamɔ fiam mele wò, eye mekplɔ wò to toƒe dzɔdzɔe.

¹² Ne ele yiyim la, wò atame maxaxa o, eye ne èle ɖu dzi la, màkli nu o.

¹³ Le amehehe ɖe asi sesĩe, megage le asiwò o, dza eŋu, elabena wò agbee wonye.

¹⁴ Megage ɖe ame vɔɖiwo toƒe o, eye megazɔ ame vlowo ƒe mɔ dzi o.

¹⁵ Ɖe kɔ ɖa le eŋu, eye megato edzi o; dze le eŋu, eye nato eŋu ayi

¹⁶ Elabena woawo la, ne womewó vɔ o kpea, wometea ŋu ɖɔa alo o, eye ne womeƒu ame anyi o la, alɔ̃dɔdɔ buna ɖe wo.

¹⁷ Elabena woɖua nu vɔ̃ɖi wɔwɔ ƒe abolo, eye wonoa sesẽnuwɔwɔ ƒe wein.

¹⁸ Ame dzɔdzɔe ƒe toƒe le abe agudzedze ƒe kekeli, si nua kɔkɔm ɖe dzi, vaseɖe esime ŋu kena keŋ ene.

¹⁹ Ke ame vɔ̃ɖi ƒe mɔ le abe blukɔ ene; womenya afika wole nu kli ge le o.

²⁰ Vinye, lé to ɖe nye nyawo ŋu, eye naƒu to anyi ɖe nye nuƒoƒo ŋu.

²¹ Womegate ɖa le ŋkuwò me o, dzra wo ɖo ɖe wò dzi ƒe gogloeaƒe.

²² Elabena agbe wonye na amesiwo katã ƒe asi su wo dzi la, eye woyɔa ɖɔ woƒe ŋutilã blibo la.

²³ Dza wò dzi ŋu wu nuwo katã, elabena eya me agbe tsona.

²⁴ Ɖe alakpanu da le ɖokuiwò ŋu, eye nam aʋatsonuyi ɖa le ɖokuiwò gbɔ.

²⁵ Wò ŋkuwo nekpɔ ŋgɔ te, eye wò aɖabawo nelé mɔ ɖeka tso le ŋgɔwò.

²⁶ Ɖe toƒe dzɔdzɔe na wò afɔwo, eye wò mɔwo katã nesɔ ɖe eteƒe.

²⁷ Megadze ɖe ɖusi alo mia me o, te wò afa ɖe aga tso vɔ̃ gbɔ.