Lododowo 26 - Biblia alo Ŋɔŋlɔ Kɔkɔe La Le Eʋegbe Me 1913

Bometsilawo, kuviatɔwo kple ame wɔnutovowo madze na bubu o.

¹ Bubu medze bometsila o, abe sno le dzomeŋɔli kple tsidzadza le nuŋeɣi ene.

² Alesi atsutsure dzena, eye sagbadre saa agbae la, nenema nye tiƒoƒo de ame naneke mawɔmawɔ.

³ Sɔƒoka li na sɔ, numega li na tedzi, bometsila ƒe medome tae nye ati.

⁴ Megado nya ŋu na bometsila ɖe eƒe bometsitsi nu, ne wò hã nasɔ kplii o.

⁵ Ɖo eŋu na bometsila ɖe eƒe bometsitsi nu, ne magabu eɖokui nunyalae o.

⁶ Amesi dea du asi na bometsila la, lãa eya ŋutɔ ƒe afɔ, eye wògblẽa eɖokui ɖome.

⁷ Alesi ata tu ɖe xɔɖrɔ̃ ŋu ɣleɖee la, nenema nunyagbe nɔa nu me na bometsilae.

⁸ Ne woɖe bubu bometsila ŋu la, ele abe kpe wobla ɖe akafo me ene.

⁹ Alesi ŋu nɔa ahamula si mee la, nenema nunyagbe nɔa nu me na bometsila.

¹⁰ Nu geɖe wotsɔna kpɔa nui fũ, ke bometsila ƒe fetu kple fetuanala ŋutɔ woatsrɔ̃.

¹¹ Alesi avũ trɔna ɖe eya ŋutɔ ƒe xeɖeɖe ŋui la, nenema bometsila gbugbɔa eƒe bometsinu wɔnae.

¹² Ele ŋutsu, si le eɖokui bum nunyalae la kpɔma? Mɔkpɔkpɔ le bometsila ŋu wu eyama.

¹³ Kuviatɔ be: Gbeɖela le xexe, dzata le kpɔdome.

¹⁴ Alesi ʋɔtru trona le eƒe megbega me la, nenema nye kuvlatɔ le aba dzi.

¹⁵ Ne kuviatɔ de asi agba me la, edede nu me nyea dɔ nɛ.

¹⁶ Kuviatɔ bua eɖokui nunyalae wu ame adre, siwo ɖoa nya ŋu ɖe nunya me.

¹⁷ Amesi dzre metsɔ egbɔ nya o, hafi wòku dzi nɛ la, ele to na avũ, si tso me yina.

¹⁸ Alesi ŋɔdzo me nuwɔla daa akakati bibi kple aŋutrɔ hewua nui la,

¹⁹ nenema nye ŋutsu, si blea ehavi, eye wògblɔna be: Fefem nye mele!

²⁰ Ne nake vɔ la, dzo tsina; eye ne sakplitɔ meli o la, ɖoɖoe zina le dzrewɔwɔ nu.

²¹ Aka nyia dzo, eye nake doa dzo, nenema ŋutsu dzretɔ traa dzre ɖoe.

²² Sakplitɔ ƒe nyawo le abe nuɖuɖu vivi ene, eye wodea keke dɔ me ke.

²³ Nugbugbɔ xɔdzo, si ŋu dzi vɔ̃ɖi kpe ɖo la, le abe senu gaglɛ, si ŋu wofa klosaloŋuka ɖo ene.

²⁴ Ketɔ la tsɔ eƒe nuyiwo trɔa eɖokui bubui, ke alakpa le eƒe dzi me.

²⁵ Ne eƒe gbe vivina ha la, megaɖo dzi ɖe eŋu o, elabena ŋunyɔnu adre le eƒe dzi me.

²⁶ Ne fuléle ɣla ɖe beble me ha la, aɖi go le dutoƒo.

²⁷ Amesi ɖe ʋe la, eya ŋutɔ adze eme, eye kpe age adze emlila dzi.

²⁸ Alakpaɖe léa fu amesiwo dome wògblẽ keŋkeŋ la, eye nu zɔzrɔ̃e hea gbegblẽ vɛ.