Lododowo 25 - Biblia alo Ŋɔŋlɔ Kɔkɔe La Le Eʋegbe Me 1913

Bubu vavãtɔ enye nunya ƒe fetu.

¹ Lododo siawo hã nye Salomo tɔ, eye Yuda-fia Xiskiya ƒe ŋutsuwoe ƒo wo nu ƒu.

² Mawu ƒe bubue wònye be, wòaɣla nya, eye fiawo ƒe bubu wònye be, woadzro nye me.

³ Alesi dziƒo kɔ, eye anyigba gogloe la, nenema fiawo ƒe dzimedzodzro meli o.

⁴ Ne woɖe aŋuka ɖa le klosalo ŋu le ekema edzana keŋkeŋ.

⁵ Ne woɖe ame vɔ̃ɖi ɖa le fia ŋku me la, ekema dzɔdzɔenyenye ali ke eƒe fiazikpui.

⁶ Megadi bubu na ɖokuiwò le fia ŋku me o, eye megatsi tre ɖe ame ŋkutawo nɔƒe o;

⁷ elabena ne wogblɔ na wò be: „Te va dzi gome!“ enye wu esi woabɔbɔ wò de anyi le bubume, si nékpɔ hafi la ŋku me.

⁸ Megatsi klokloklo dzi de dzrewɔwɔ ŋu o, elabena nuka nawɔ emegbe, ne hawòvi do ŋukpe wòa?

⁹ Wɔ wò ŋutɔ wò dzre kple hawòvi; ke megaʋu go ame tutɔ ƒe enya ɣaɣla,

¹⁰ ne amesi see la, nana dzuwòm, eye ŋkɔ vɔ̃e natsi ŋuwò o.

¹¹ Nya, si wogblɔ de egblɔɣi la, sikatɔtɔŋuti wònye le klosalogba me.

¹² Nuxlɔ̃la nyanu enye sikasigɛ kple kɔgɛ, si wotsɔ sika nyuitɔ tui la, na to senu.

¹³ Alesi sno fa le nuŋeɣi la, nenema dɔla nuteƒewɔla le na amesi dɔe, eye wòfaa dzi na eƒe aƒetɔ.

¹⁴ Amesi doa nunana ŋugbe ƒuƒlu la, le abe tsie ɖo ya le ƒoƒom, gake tsi gbe dzadza ene.

¹⁵ Dzigbɔɖie xɔa nu le fia si, eye aɖe tafɛ gbãa ƒuwo.

¹⁶ Nu èkpɔ anyitsi la, noe ɖe wò dɔ nu, ne megati wò, eye wòado le nuwò emegbe o.

¹⁷ Meganɔ afɔ ƒom hawòvi ƒe me, ne wò nu nagati kɔ nɛ, eye wòalé fu wò o.

¹⁸ Amesi ɖia aʋatsoɖase le ehavi ŋu la, zũ kple yi kpakple aŋutrɔ ɖaɖɛ wònye.

¹⁹ Dziɖoɖo ɖe ame mawɔnuteƒe ŋu le hiãɣi le abe aɖu nyonyo kple afɔ, si te ke mele o ene.

²⁰ Amesi le ha dzim na dzi xanu la, le abe amesi ɖe avɔ ɖi le vuvɔŋɔli, eye abe ahaƒãe wokɔ ɖe adzalẽɖaɖi dzi ene.

²¹ Ne dɔ le wò ketɔ wum la, na aboloe wòaɖu, eye ne tsikɔ le ewum la, na tsii wòano;

²² elabena dzoka ƒom nèle ƒu ɖe eƒe ta me, eye Yehowa aɖo eteƒe na wò.

²³ Anyieheya hea tsidzadza vɛ, nenemae ame ŋu liɖe nana mo vena heliheli.

²⁴ Enyo, ne woana dzogoe dzi le xɔta, wu ne nyɔnu nyawɔla nanɔ aƒe me kple ame.

²⁵ Nya nyui xɔxɔ tso duta le abe tsi fafɛ na amesi ƒe ve me ƒu la ene.

²⁶ Ame dzɔdzɔe, si ke ɖe le ete le ame vɔ̃ɖi ŋku me la, le abe tsidzidzi bublu kple vuɖo kpɔtɔ̃ ene.

²⁷ Anyitsi geɖe nono menyo o; ke nya sesẽwo me dzodzro enye bubu.

²⁸ Amesi mate ŋu aɖu eƒe gbɔgbɔ dzi o la, le abe du, si wogbã gli le eŋu, wòtsi nuvo ene.