Lododowo 22 - Biblia alo Ŋɔŋlɔ Kɔkɔe La Le Eʋegbe Me 1913

Le alesi woaxɔ ŋkɔ nyui agabui la ŋuti.

¹ Ŋkɔ nyui xɔxɔ ƒo kesiuɔnu geɖe ta, eye ŋudzedzekpɔkpɔ nyo wu klosalo kple sika.

² Kesinɔtɔ kple ame dahe wodoa go wo nɔewo; wo katã wɔla enye Yehowa.

³ Nunyala kpɔa dzɔgbevɔ̃e, eye wòɣlaa eɖokui; ke ame bebewu dea ta eme, eye akpɔ etɔnua.

⁴ Kesinɔnu, bubu kple agbe enye fetu tso ɖokuibɔbɔ kple Yehowa-vɔvɔ̃ me.

⁵ Ŋu kple adoboliwo le mɔ dzi na alakpatɔ; amesi kpɔa eƒe agbe ta la, ƒoa asa na wo.

⁶ Mia ɖevi ɖe mɔ, si wòato la ŋu, ne eve tsi la, mate ɖa le edzi o.

⁷ Kesinɔtɔ ɖua fia ɖe ame dahe dzi; amesi doa nugbana la, dɔla wònye na agbanatɔ.

⁸ Amesi ƒãa nu madzɔmadzɔ la, axa dzɔgbevɔ̃e; eye eƒe dɔmedzoe ƒe toheti atsrɔ̃ eya ŋutɔ.

⁹ Woayra dɔmenyolɔ, elabena eɖe eƒe abolo hena ame dahe.

¹⁰ Ne ènyã vlodola ɖa la, ekema dzrewɔwɔ hã dzo, eye nyawɔwɔ kple dzu nu yi.

¹¹ Amesi laa dzi dzadza, eye eƒe nuyiwo nyo la, eya xɔlɔ̃e nye fia.

¹² Yehowa ƒe ŋkuwo dzɔa sidzedze ŋu; eye wòtrɔa gbo ame dzegowo ƒe nyawo.

¹³ Kuvlatɔ be, dzata le xexe ava wu ye le kpɔdome.

¹⁴ Gboloƒe nu laʋe goglo wònye; amesi Yehowa ƒe dɔmedzoe xe hã la, eyae gena ɖe eme.

¹⁵ Ne bometsitsi bla ɖe ŋutsuvi ƒe dzi ŋu la, ameƒoti afee ɖa le afima.

¹⁶ Ne wote ame dahe ɖe anyi la, eƒe nuwo ko wobe, nedzi ɖe edzi; ke ne wona nu kesinɔtɔ la, ahedada wònye wokplɔ ƒui.

¹⁷ Ƒu to anyi, eye nase nunyalawo ƒe nyawo, eye wò dzi netrɔ ɖe nye nufiame ŋuti.

¹⁸ Elabena enye, nenye be, nèdzra wo ɖo ɖe wò dzi me, eye wo katã woli ɖe nuyi ŋu na wò.

¹⁹ Be naɖo dzi ɖe Yehowa ŋu ta, mele nu fiam wò egbea ɖo he!

²⁰ Ɖe nyemeŋlɔ nya vevi, siwo me aɖaŋuɖoɖo kple sidzedze le la, na wò,

²¹ ne mafia wò be, nyateƒenyawo le eteƒe, eye nahe nya vavãwo ayi na amesiwo ɖɔ wò la oa?

²² Megaɖa adzo ahetɔ le esi wòda ahe ta o, eye megate hiãtɔ de anyi kple afɔ le ʋɔnu o;

²³ elabena Yehowa awɔ woƒe dzre na wo, eye wòada adzo amesiwo da adzo wo la ƒe agbe.

²⁴ Megade ha kple dɔmedzoetɔ o, eye mia kple dzikutɔ migado ka o;

²⁵ ne eƒe toƒe namã wò, eye nahe gbegblẽ vɛ na wò luʋɔ o.

²⁶ Meganɔ amesiwo léa le nu, eye woƒua asi akɔ ɖe fenyila nu la dome o;

²⁷ elabena ne mate ŋu axe fea o la, ɖe woagbe aha ɖeɖe le tewòa?

²⁸ Megatrɔ liƒo xoxo, siwo fofowòwo ɖo la o!

²⁹ Kpa amesi zã le eƒe ɖɔwɔwɔ me la ɖa, fiawoe wòasubɔ, eye menye ame tsɛwo wòasuhɔ o.