Lododowo 10 - Biblia alo Ŋɔŋlɔ Kɔkɔe La Le Eʋegbe Me 1913

Dzɔdzɔenyenye yayiɔ nuvɔ mayramayra.

¹ Salomo ƒe lododowo. Ɖevi nyanu doa dzidzɔ na fofoa; ke ɖevi tsibome enye nuxaxa na dada.

² Kesinɔnu madzɔmadzɔ menye viɖea ɖeke o; ke dzɔdzɔenyenye ɖea ame tsoa ku; me.

³ Yehowa megbea ame dzadzɔewo ƒe dɔwuamenutsitsi o; ke etutua ame vɔ̃ɖiwo ƒe didi ɖa.

⁴ Amesi wɔa alɔgblɔlɔ le dɔ ŋu la, ado ko, ke veviedolawo ƒe asi hea kesinɔnu vɛ.

⁵ Amesi ƒoa nu ƒu le dzomeŋɔli la, vi nyanue, amesi dɔa alɔ̃ le nuŋeɣi la, vi wɔŋukpenanue.

⁶ Yayra ava ame dzɔdzɔe ƒe ta dzi, ke ŋutasesẽ ɣla de ame vɔ̃ɖiwo ƒe nu me.

⁷ Ŋkuɖoɖo ame dzɔdzɔe la dzi zua yayra, ke ame vɔ̃ɖi la ƒe ŋkɔ nyunyɔna.

⁸ Amesi nunya le tagbɔ na la, xɔa sedede na eɖokui: ke bometsila si glãgbɔ li na la, ɖea eɖokui gbegblẽ me.

⁹ Amesi ƒe azɔlime ŋu fɔɖiɖi mele o la, azɔ dedie; amesi glɔ̃ eƒe mɔ la, asi atui.

¹⁰ Amesi miãa ŋku ɖe ame la, hea dziku ve; bometsila, si glãgbɔ li na la, ɖea eɖokui gbegblẽ me.

¹¹ Agbevudo enye ame dzɔdzɔe ƒe nu, ke ŋutasesẽ yɔ ame vɔ̃ɖiwo ƒe nu me.

¹² Fuléle dea dzre aƒe, ke lɔlɔ̃ tsyɔa dzidadawo katã dzi.

¹³ Nugɔmeselawo ƒe nuyiwo dzi wokpɔa nunya lena, ke ame manyanuwo ƒe mẽdome tɔ enye ali.

¹⁴ Nunyalawo dzraa sidzedze ɖo; ke bometsila ƒe nu te ɖe gbegblẽ ŋu.

¹⁵ Hotɔ ƒe kesinɔnuwo nye du sesẽ nɛ, ke hiãtɔ ƒe gbegblẽ enye eƒe ahedada.

¹⁶ Ame dzɔdzɔe wɔa eƒe dɔwɔfetu ŋu dɔ hena agbenɔnɔ, tame vɔ̃ɖi la wɔa eƒe viɖe ŋu dɔ hena nuvɔ̃wɔwɔ.

¹⁷ Amesi dzraa amehehe ɖo le ele agbemɔ dzi; ke amesi mebua mokaname o la, etra mɔ.

¹⁸ Amesi léa fu ame le adzame la, alakpanue; eye amesi ha ame gɔme la, bometsilae.

¹⁹ Dadaƒu megbea nuƒoƒo vivivo me o, ke amesi kpɔa eƒe nuyiwo dzi la, nunyalae.

²⁰ Klosalo nyuitɔ enye ame dzɔdzɔe le aɖe, ke eme vɔ̃ɖi ƒe dzi mele ɖeke me o.

²¹ Ame dzɔdzɔe ƒe nuyi kplɔa ame geɖewo; ke numenya wua bometsilawo.

²² Yehowa ƒe yayra wɔa ame kesinɔtɔ agbagba madzemadzee.

²³ Alesi nu vlo wɔwɔ nye fefenui na bometsila la, nenema nunya le na nugɔmesela.

²⁴ Nusi sim ame vɔ̃ɖi le la, eyae dzɔna ɖe edzi; ke ame nzɔdzɔewo ƒe didi vaa eme na wo.

²⁵ Ne ahomya ƒo la, ekema ame vɔ̃ɖi la nu ayi; ke ame dzɔdzɔe la ali ke tegbee.

²⁶ Alesi aha tsitsi le na aɖuwo kple dzudzɔ na ŋkuwo la, nenema kuviatɔ le na amesi dɔ dɔe.

²⁷ Yehowa-vɔvɔ dzia agbe me ŋkekewo ɖo edzi; ke ame vɔɖiwo ƒe ƒewo ato ɖe eme?

²⁸ Ame dzɔdzɔewo ƒe lala zua dzidzɔ, ke ame vɔ̃ɖiwo ƒe mɔkpɔkpɔ zua ya

²⁹ Yehowa ƒe mɔ enye mɔ̃ sesẽ na fɔmaɖila, ke enye gbegblẽ na nu madzɔmadzɔ wɔlawo.

³⁰ Ame dzɔdzɔe maʋã akpɔ o tegbee, ke ame vɔ̃ɖiwo matsi anyigba dzi o.

³¹ Nunya míena tsoa ame dzɔdzɔe ƒe nu me, ke alakpaɖe atsrɔ̃.

³² Ame dzɔdzɔe ƒe nuyi nyaa nya dzeto gbɔgblɔ, ke ame vɔ̃ɖi ƒe nu enye alakpago.