Konyifahawo 5 - Biblia alo Ŋɔŋlɔ Kɔkɔe La Le Eʋegbe Me 1913

Dukɔ la ƒe amenuveve yome didi.

¹ Yehowa, do ŋu nusi dzo ɖe mía dzi la; ɖo ŋku anyi nakpɔ míaƒe ŋukpe ɖa!

² Míaƒe domenyinu ge ɖe amedzrowo si me, eye míaƒe aƒewo ge ɖe ɖu bubu me tɔwo si me.

³ Tsyɔ̃eviwo míenye, tɔ mele mía si o, eye mía nɔwo zu ahosiwo.

⁴ Gae míetsɔna hafi noa míaƒe tsi, eye ɖe míeƒlea míaƒe nakewo.

⁵ Woti mía yome kplikplikpli, ɖeɖi te mía ŋu, ke womena míegbɔ ɖe eme o.

⁶ Míena ta Egipte kple Asur, ne míakpɔ abolo aɖu aɖi ƒo.

⁷ Mia fofowo wɔ nuvɔ̃, eye womegali o, ke míawo míele woƒe vodadawo tsɔm.

⁸ Kluviwo le amegã ɖum ɖe mía nu, ke amea ɖeke mele mía ɖem le wo si me o.

⁹ Míaƒe agbe míetsɔ ɖaɖi aboloe, le yi, si le gbe dzi ta.

¹⁰ Dɔwuame heliheli na míaƒe ŋutigbalẽ ʋu dzo hẽ abe kpo ene.

¹¹ Wogblẽ nyɔnuwo le Zion kple ɖetugbiwo le Yuda-duwo me.

¹² Wode ke ve na amegãwo, eye womesi amegã ɖeɖiwo ŋku me o.

¹³ Ɖekakpuiwo le te ɖe te, eye ɖeviwo dze anyi ɖe nake te.

¹⁴ Ame tsitsiwo vɔ le ʋɔnu, eye ɖekakpuiwo megale saŋku ƒom o.

¹⁵ Míaƒe dzidzɔ nu tso, míaƒe ɣeɖuɖu zu nuxaxa.

¹⁶ Míaƒe fiakuku ge le mía ta. Baba na mí be, míewɔ nuvɔ̃!

¹⁷ Eyata míaƒe dzi le nu xam, eye míaƒe ŋkuwo zu vi

¹⁸ ɖe Zion-to la ŋu, elabena ezu gbegbe, eye abeiwo le edzi tom.

¹⁹ Ke wò Yehowa, èlí tegbee, eye wò fiazikpui nɔa dzidzimewo katã me.

²⁰ Nukaŋuti nèŋlɔ mí be ɖikaa, eye negblẽ mí ɖi eteƒe didi ale?

²¹ Yehowa, trɔ mí ɖe ŋuwò, ne míatrɔ; wɔ míaƒe ŋkekewo yeye abe tsa ene.

²² Alo ɖe negbe nu keŋ, eye nèɖo dɔmedzoe ɖe mia ŋu vevie ŋutɔŋutɔa?