Konyifahawo 3 - Biblia alo Ŋɔŋlɔ Kɔkɔe La Le Eʋegbe Me 1913

Yeremya ƒe konyifafa kple akɔfafa.

¹ Nyee nye ŋutsu, si kpɔ hiã teƒe le eƒe ameƒoti le.

² Ekplɔm, eye wòna mezɔ viviti me, menye kekeli me o.

³ Ŋunyee wòle eƒe asi trɔm ɖo ɖaa atraɖi le ŋkeke blibo la me.

⁴ Edze lã kple agbalẽ le ŋunye yaʋayaʋa, eye wògbã nye ƒuwo.

⁵ Etsɔ aɖi kple fukpekpe tɔ kpɔ ɖe ŋunye godoo va kpe.

⁶ Ena menɔ blukɔ me abe emesiwo ku gbaɖegbe ke ene.

⁷ Eɖo gli ɖe ŋunye, toƒe meli o, eye wòna nye kɔsɔkɔsɔwo nu sẽ ɖe dzi.

⁸ Ne mele ɣli dom le eyɔm hã le, etua nu ɖe nye gbedodoɖa nu.

⁹ Etsɔ kpe gãwo ɖo amli ɖe nye mɔ dzi, eye wògɔdɔ̃ nye toƒe.

¹⁰ Sisiblisi, si ɖe xa ɖi, kple dzata, si le xa me, wònye nam.

¹¹ Ekplɔm trae, eye wòvuvum hetsɔ wɔ nu dziŋɔe.

¹² Ehe eƒe ɖa me, eye wòtsɔm ɖo nudzidzea ne eƒe aŋutrɔwo.

¹³ Eɖo eƒe dakumeviwo ɖe nye ayikuwo me.

¹⁴ Metrɔ zu nu ɖikokoea na nye dukɔ kple woƒe hamelo ŋkeke blibo la.

¹⁵ Etsɔ ama veve ɖi ƒo nam, eye wòkpe atsa nam meno.

¹⁶ Ena ahliha ŋe aɖu nam, eye wòtigim ɖe dzowɔ me.

¹⁷ Woxɔ ŋutifafa le nye luʋɔ si, eye meŋlɔ dzɔgbenyuie be.

¹⁸ Mebe, nye ŋusẽ nu yi, eye mebu mɔkpɔkpɔ na Yehowa.

¹⁹ Ɖo ŋu nye hiã kple nye fukpekpe, atsa kple aɖi.

²⁰ Ɖo ŋui, nagaɖo ŋui ɖe dzi be, nye luʋɔ xa gobaa le menye.

²¹ Mene esia nade dzigbɔ nam, eyata mele mɔ kpɔm be:

²² Yehowa ƒe amenuveve nu metso o, eye eƒe nubianuikpɔkpɔ mese ɖo o;

²³ ke boŋ ete yeye ŋɖi sia ŋɖi, eye wò amenuveve tri akɔ!

²⁴ Nye luʋɔ be: Nye gome enye Yehowa, eyata mele esinu kpɔm ɖo.

²⁵ Yehowa ƒe ɖɔme nyo ɖe amesi le dzi ɖom ɖe eŋu, kple luʋɔ si le edim la ŋu.

²⁶ Enyo be, woanɔ anyi kpoo anɔ Yehowa ƒe xɔname sinu kpɔm.

²⁷ Enye na ŋutsu be, wòatsɔ kɔkuti le eƒe ɖevime.

²⁸ Nebɔbɔ nɔ aga, eye wòazi ɖoɖoe, elabena eyamae tsoe ɖo edzi;

²⁹ netsɔ eƒe nu ƒo ɖe ke me, ɖewohi mɔkpɔkpɔ gali;

³⁰ neɖo to me anyi na amesi le eƒom, eye netsɔ ŋukpe ɖi ƒoe.

³¹ Elabena Aƒetɔ la megbea ame ɖikaa o;

³² ke boŋ ne edo nuxaxa na ame la, egakpɔa nublanui le eƒe amenuveve geɖe la nu.

³³ Elabena mewɔa fu ame, eye medoa nuxaxa na amegbetɔviwo le dzidzɔ teƒe o.

³⁴ Ne wofanya anyigba dza gatɔwo katã kple afɔ,

³⁵ ne wote ame ƒe nya de to le dziƒoʋitɔ la ŋku me,

³⁶ eye wotrɔ gbo ame ƒe dzrenya la, ɖe Aƒetɔ la makpɔe oa?

³⁷ Amekae gblɔ nya wòva me, ne Aƒetɔ la meɖe se hafi o?

³⁸ Ɖe vɔ̃ kple nyui metsoa dziƒoʋitɔ la nu me oa?

³⁹ Nuka ta amegbetɔ le nu xam le eƒe agbe me? Amesiame nexa nu le eƒe nuvɔ̃ ŋu boŋ.

⁴⁰ Mina míaɖo míaƒe zɔzɔme a pɔ, míadzro eme akpɔ, eye míatrɔ ɖe Yehowa ŋu!

⁴¹ Mina míakɔ míaƒe dzi kple míaƒe asiwo dzi ɖo ɖe Mawu le dziƒo.

⁴² Míawo míedze aglã, eye míesẽ to, eye wo la mètsɔe ke o.

⁴³ Eɣla ɖokuiwò le dziku me, eye neti mía yome hewu mí, mèkpɔ mía ta o.

⁴⁴ Eɣla ɖokuiwò ɖe alilikpo me, ale be gbedodoɖaa ɖeke meɖi go ɖe egoɖo o.

⁴⁵ Etsɔ mi wɔ gbeɖuɖɔ kple ŋunyɔnui le dukɔwo dome.

⁴⁶ Miaƒe futɔwo katã ke nu ɖe mía ŋu baa.

⁴⁷ Mía tɔ gome enye ŋɔdzi kple ʋe, tsɔtsrɔ̃ kple gbegblẽ.

⁴⁸ Nye ŋku le esi kplɔm yoyoyo le nye dukɔ ƒe nyɔnuvi ƒe gbegblẽ ta.

⁴⁹ Nye ŋku le tsyɔtsyɔ dzi ɖaa, enu gbe tsotso,

⁵⁰ vaseɖe esime Yehowa naɖo ŋku anyi akpɔe tso dziƒo.

⁵¹ Nye ŋku le veyem ɖe luʋɔ me ke nam le nye ɖu ƒe nyɔnuviwo katã ta.

⁵² Nye futɔwo yɔm ɖe nu yakatsyɔ abe xevi ene.

⁵³ Wotigi nye agbe ɖe do me, eye wofɔ kpe ɖo dzinye.

⁵⁴ Tsi fiẽ tanye, eye mebe: Evɔ nam!

⁵⁵ Yehowa, wò ŋkɔe meva le do me ʋi ke.

⁵⁶ Ese nya ɣli, megaɖe wò to da te nye kokoƒoƒo ŋu nagbe akɔfata nam o.

⁵⁷ Etsɔ kpuie le gbesigbe meyɔ wo, eye nẽgblɔ be: Megavɔ̃ o!

⁵⁸ Aƒetɔ, asiwò me nye nya le, eye nèɖe nye agbe

⁵⁹ Yehowa, èkpɔ nye tetedeanyi, drɔ̃ nye nya nam.

⁶⁰ Ekpɔ woƒe hlɔ̃biabiawo katã kple tame, si wodo ɖe ŋunye la.

⁶¹ Yehowa èse woƒe alɔmeɖeɖe kple tame, si woɖo ɖe ŋunye,

⁶² nye futɔwo ƒe nuƒoƒo kple woƒe susuwo ɖe ŋunye gbesiagbe.

⁶³ De ŋku ɖe woƒe anyinɔnɔ kple tsitrenɔnɔ ŋu, hamelo menye na wo.

⁶⁴ Yehowa, ɖo eteƒe na wo le woƒe asinudɔwɔwɔwo nu.

⁶⁵ Tso tamesesẽ na wo, wo fiƒoɖe neva wo dzi!

⁶⁶ Ti wo yome le dziku me, eye natsrɔ̃ wo ɖa le Yehowa ƒe dziƒoa te!