Hezekiel 19 - Biblia alo Ŋɔŋlɔ Kɔkɔe La Le Eʋegbe Me 1913

Konyifahadzidzi le Yuda dziɖulawo ŋuti.

¹ Ke wò la to konyifaha ɖe Israel ƒe amegã ŋu

² gblɔ bena: Ameka nye dawo? Dzatanɔ wònye tsyɔ akɔ ɖe dzatawo dome, eye wònyi viawo wotsi le dzataviwo dome

³ Enyi viawo dometɔ ɖeka wòtsi, eye wòzu dzatavi; esrɔ̃ nuléle, eye wòɖua amelã.

⁴ Ke esi dukɔwo se eŋkɔ la, woɖo asɔʋe nɛ heɖee, eye wode ŋɔtigae hekplɔ yi Egipte-nyigba dzii.

⁵ Eye esi dada kpɔ be, yelala dzodzro, eye yeƒe mɔkpɔkpɔ nu tsi la, etsɔ viawo dometɔ ɖeka heɖo dzatae.

⁶ Enɔ dzatawo dome, eye wòzu dzatavi; esrɔ̃ nuléle, eye woɖu amelã.

⁷ Egbã woƒe fiasãwo, eɖo aƒedo woƒe duwo, eye eƒe gbeɖeɖe ƒe ɖiɖi na ŋɔdzi lé anyigba kple edzinɔlawo.

⁸ Tete dukɔwo tso ɖe eŋu godoo tso anyigbawo dzi, woɖo ɖɔ ne, eye woɖee le woƒe asɔʋe me.

⁹ Woɖe ŋɔtigae, eye wotsɔe de kpẽ me hekplɔe yi na Babel-fia; wotsɔe de mɔ̃ sesẽ me, ne womagase eƒe gbe le Israel-towo dzi azɔ o.

¹⁰ Dawò nye weinka wodo ɖe to to abe wò ene, etse fũ, eye wòto aŋgba mlamlamla le tsi geɖe ta.

¹¹ Eƒe alo ɖeka lolo hezu dziɖula ƒe fiatikplɔ, eye wòkɔ alɔ gbɔ alɔ dodoawo ta. Esi wokpɔ be, akɔ alea, eye wòto geɖe la,

¹² wohoe ƒu anyi le dziku me, eye ɣedzeƒeya no tsi le eƒe tsetsewo me; woŋe eƒe alo gã la, eye wòƒu wotɔ dzoe.

¹³ Azɔ wotsɔe do ɖe gbegbe le kuɖinyigba kple anyigba ƒuƒu dzi.

¹⁴ Eye dzo do tso eƒe alɔwo ƒe zekpẽ me hefiã eƒe tsetsewo, eye alɔ gãa ɖeke megale eŋu ahanye dziɖula ƒe fiatikplɔ o. Konyifaha wònye, eye wòzu konyifaha.