Habakuk 3 - Biblia alo Ŋɔŋlɔ Kɔkɔe La Le Eʋegbe Me 1913

Nyagblɔla la do gbe ɖa kple mɔkpɔkpɔ.

¹ Nyagblɔɖila Xabakuk ƒe gbedodoɖa, ne woadzi ɖe konyifahawo nu.

² Yehowa, esi mese nya le ŋuwò la, vɔvɔ̃ ɖom! Yehowa, gbɔ agbe wò dɔwɔwɔ le ƒewo ƒe domedomee, ɖee fia Ie ƒewo ƒe domedomee; ɖo ŋku nublanuikpɔkpɔ dzi le dɔmedzoedodo me!

³ Mawu tso Teman, eye kɔkɔetɔ la tso Paran-towo dzi. Sela. Eƒe ŋutikɔkɔe nyẽ tsyɔ dziƒo, eye eƒe kafukafu yɔ anyigba dzi taŋ.

⁴ Keklẽ ɖo abe ɣe tɔ ene, keklẽ le eƒe axa dzi, eya mee eƒe ŋusẽ be ɖo.

⁵ Dɔvɔ̃ dze eŋgɔ, eye dzoxɔxɔ kplɔe ɖo.

⁶ Etɔ, eye anyigba ʋuʋu; eɖo ŋku anyi kpɔ nu, eye dzidzi ƒo dukɔwo, blema towo fe kpla, gbaɖegbe togbɛwo ŋe dze eme, eye wòzɔ blema mɔwo dzi.

⁷ Mekpɔ Kusan ƒe agbadɔ wòle hlã me, agbadɔvɔwo le dzodzom nyanyanya le Midian-nyigba dzi.

⁸ Yehowa, tɔsisiwo ŋue dzi le kuwòm ɖoa, tɔsisiwo ŋue nèle dɔmedzoe dom ɖo loo, alo atsiaƒu ŋue dzi le kuwòm ɖo, be nèdo wò sɔwo, eye neɖo wò tasiaɖamwoa?

⁹ Wò dati ɖi ƒeƒle, eye aŋutrɔwo yɔ wò daku fũ. Sela. Emã tɔsisiwo me wòzu anyigba ƒuƒui.

¹⁰ Towo kpɔ wò, eye wodzo kpekpekpe, eye tɔwo gbagba ɖe anyi bababa; agumetsiwo na wose wo ŋkɔ, eye wodo alo ɖe dzi.

¹¹ Ɣe kple ɣleti tɔ ɖe wo teƒe, bene wò aŋutrɔ, siwo le yiyim la, nanye kekeli, eyewò akplɔ, siwo le dzo kem la, nanye keklẽ.

¹² Eto anyigba dzi le dziku me, eye nè fanya dukɔwo ledɔmedzoe me.

¹³ Eho, be naxɔ na wò dukɔ, naxɔ na wò amesiamina la; egbã ta le ame vɔ̃ɖi ƒe aƒe nu, eye wòɖi ƒeƒle tso afɔ gɔme vaseɖe kɔ gbɔ. Sela.

¹⁴ Etsɔ eƒe akplɔ ƒo ɖe ta na eƒe amegãwo, wonyẽ zi va, be woakam ahlẽ; wole aseye tsom abe ɖe wohe, yewoaɖu ame dahe le bebe me ene.

¹⁵ Etsɔ wò sɔwo to atsiaƒu kple tɔ gã nyanyrãwo dzi.

¹⁶ Mesee, eye nye dɔme ʋuʋu, nye nuyiwo le ƒoƒom kokóko, eye ŋuɖui ɖo ƒuwo me nam; ne metsi tre ɖi la, menɔa dzodzom nyanyanya, elabena mele anyi nɔ ge kpoo akpɔ hiãɣi, si le dukɔ, si xaxa mí ɖo la dzi va ge.

¹⁷ Gboti magaƒo se o, eye weinka matse o; amiti agbe aminana, eye agblewo mana, nuɖuɖu o; woatsrɔ̃ alẽwo le lãkpɔwo me, eye nyiwo maganɔ lãxɔwo me o.

¹⁸ Ke nyea matso aseye, eye makpɔ dzidzɔ ɖe Mawu, nye xɔnametɔ la ŋu.

¹⁹ Aƒetɔ Yehowa enye nye ŋusẽ, awɔ nye afa abe zinɔ tɔ ene, eye wòana mazɔ: kɔkɔƒewo. Na kasaŋkuwo ƒe henɔ.