Nyagblɔla 3 - Biblia alo Ŋɔŋlɔ Kɔkɔe La Le Eʋegbe Me 1913

Nuwuwu li na amegbetɔ ƒe nuwɔwɔwo, gake Mawu tɔ noa anyi.

¹ Ɣeyiɣi li na nusianu, eye azã li na lameɖoɖowo katã le dzi ƒoa te.

² Amedziɣi li, eye kuɣi li; nuɖoɣi li, eye nu dodoawo hoɣi li;

³ amewuɣi li, eye gbeɖaɣi li; xɔgbãɣi li, eye etuɣi li;

⁴ avifaɣi li, eye nukoɣi li; konyifaɣi li, eye ɣeɖuɣi li;

⁵ kpekakaɣi li, eyekpeƒoƒoƒuɣi li; asikplakɔɣi li, eye adzɔgenɔnɔ na asikplakɔɣi li;

⁶ nuɖiɣi li, eye nubuɣi li; nudzraɖoɣi li, eye nuƒugbeɣi li;

⁷ nuvuvuɣi li, nye nutɔɣi li; ɖoɖoeziɣi li, eye nuƒoɣi li;

⁸ lɔlɔ̃ɣi li, eye fuléɣi li; aʋawɔɣi li, eye ŋutifafaɣi li.

⁹ Viɖe ka ame kpɔna tsoa dɔ, si ŋu wòdzea agbagba lena la me?

¹⁰ Mekpe dɔ, siwo Mawu tsɔ de asi na amegbetɔviwo, ne woatsɔ aku kutrii la ɖa.

¹¹ Ewɔ nuwo katã nyuie ɖe wo wɔɣi, eye wòde: mavɔmavɔ dzi me na wo, negbe ɖeko amegbetɔ menya mɔnu le nusiwo Mawu wɔ la ƒe agɔmegbɔ, kple tagbɔ ŋu ne

¹² Medze sii bena, nu nyuia ɖeke meli na wo wu be, woakpɔ dzidzɔ, eye woaɖu agbe le woƒe agbenɔɣi o.

¹³ Ke be amea ɖe naɖu nu ano nu, eye wòanyo nɛ le eƒe agbagbadzedzewo katã me la, Mawu ƒe nunanae.

¹⁴ Medze sii be, nusiwo kam Mawu wɔ la, anɔ anyi ɖaa, womatsɔ naneke akpee o, eye womaɖe naneke le eme o. Mawu ɖe wòwɔe, alea, be woavɔ̃ ye.

¹⁵ Nusi li la, nɔ anyi tsã va yi, eye nusi gbɔna anyi nɔ ge la, nɔ anyi gbaɖegbe ke; eye Mawu gaɖia nusi nu va yi la.

Vɔ̃ Mawu, eye na wɔ gome nadze ŋuwo.

¹⁶ Eye megakpɔ le ɣea te be, nu madzɔmadzɔ le ʋɔnuɖrɔ̃ƒe, eye nu madzɔmadzɔ le dzɔdzɔenyenye nɔƒe.

¹⁷ Tete megblɔ le nye dzi: me be: Mawu le ʋɔnu drɔ̃ ge ame dzɔdzɔewo kple ame vɔ̃diwo, elabena eɖo azã na tameɖoɖowo katã kple nuwɔwɔwo katã.

¹⁸ Megblɔ le nye dzi me bena. Amegbetɔviwo ta esia va me do, ne Mawu naɖo wo akpa, eye ne woadze sii be, lãwo yewonye.

¹⁹ Elabena nya ɖeka tɔgbe dzɔna de amegbetɔviwo kple lãwo siaa dzi; alesi esiawo kunae la, nenema ke ekemeawo hã kunae, gbɔgbɔ ɖekae le wo katã si, eye amegbetɔ mexɔ asi wu lã o; elabena wo katã tofloko wonye.

²⁰ Wo katã woyina teƒe ɖeka; anyi me wo katã wotso, eye anyi wo katã woagazu.

²¹ De amea de nyae be, amegbetɔviwo ƒe gbɔgbɔ yia dzi, eye lãwo ƒe gbɔgbɔ yia anyi me loo?

²² Eyata mekpɔ be, enye wu na amegbetɔ be, wòakpɔ dzidzɔ le eƒe dɔwɔwɔwo ŋu, elabena esia nye eƒe gome. Elabena amekae akplɔe ayi afisi wòakpɔ nusiadzɔ le emegbe la le?