Nyagblɔla 12 - Biblia alo Ŋɔŋlɔ Kɔkɔe La Le Eʋegbe Me 1913

Ɖo ŋku Mawu dzi le wo ɖekakpuime, ekema akpɔ akɔfafa le amegãkuku me.

¹ Ɖo ŋku wɔwòla dzi le wò ɖekakpuiŋkekewo me, hafi ne ŋkeke vɔ̃wo nava, eye ƒe, siwo ŋu nele gbɔgblɔ ge le be, womedze ye ŋu o la, nagogo;

² hafi ne ɣe, ɣleti kple ɣletiviwo naɖo viviti, eye alilikpo nagatrɔ ava le tsidzadza megbe;

³ esime aƒe ŋu dzalawo dzona nyanyanya, eye ŋutsu kakowo xana gobaa, nyɔnu wɔtulawo dzudzɔa dɔwɔwɔ, elabena womegasɔ gbɔ o; esime fesrenukpɔlawo ƒe mo ɖoa viviti,

⁴ eye wodoa ʋɔtru, siwo lrɔ ɖe abla me, elabena wɔtutu megale ɖiɖim sesĩe o, eye wofɔna, ne xevi ƒe gbe tete ɖi, eye nyɔnu hadzilawo ƒe gbeme xena;

⁵ togbɛwo hã dzia ŋɔ na ame, eye ŋɔdzi nɔa mawo dzi; wotsria azi, eye ʋetsuviwo tea texlolo, eye nuɖuɖu medzroa ame o; elabena amegbetɔ yia eƒe aƒe mavɔ me, eye konyifalawo nɔa yiyim le kpɔɖome;

⁶ hafi ne klosaloka natso, eye sikagba nagbã, trekpezi nafli le vudo to, eye tsidumɔ̃ nakaka;

⁷ hafi ne ekewɔ nagatrɔ yi anyigba, si wònye tsã la gbɔ, eye gbɔgbɔ la nagbugbɔ ayi Mawu, amesi tsɔe na la gbɔ.

Mawuvɔvɔ̃ enye nufiafiawo katã ƒe blibotɔ.

⁸ Toflokowo ƒe tofloko! Nyagblɔla be: Nuwo kalã toflokowoe!

⁹ Nyagblɔla sia la menye nunyala ko o, ke boŋ eda sidzedze dukɔ la, edo nu kpɔ, edi nu gɔme, eye wòdo lo geɖewo.

¹⁰ Nyagblɔla la di nya viviwo be, yeakpɔ, eye nyateƒenya, siwo woŋlɔ ɖi la, wole eteƒe.

¹¹ Nunyalawo ƒe nyawo le abe ŋu kple gatagbadza, si woƒo ɖe nu ene. Kplɔla ɖekae ɖo amewo woƒo wo nu ƒu.

¹² Hekpe ɖe esia ŋu la, vinye, na woaxlɔ̃ nu wò! Agbalẽ geɖe wɔwɔ mekpɔa seƒeɖo o, eye nusɔsrɔ̃ geɖe ɖe wòtea ɖeɖi ŋufilã ŋu.

¹³ Mina míase nyaawo kalã ƒe taƒonya be: Vɔ̃ Mawu, eye nalé eƒe seawo me ɖe asi; elabena esia nye amegbetɔtvo katã tɔ!

¹⁴ Elabena Mawu le nuwɔwɔwo katã, siwo ɣla la, he ge ava ʋɔnui, eɖanye nyui alo vɔ̃ o.