2 Mose 24 - Biblia alo Ŋɔŋlɔ Kɔkɔe La Le Eʋegbe Me 1913

Nubahiagbalẽ kple nubablavɔsa.

¹ Eye wògblɔ na Mose bena: Lia toa va Yehowa gbɔ, wò ŋutɔ kple Aron, Nadab kple Abihu kpakple Israel-me tsitsiawo dome ame blaadre, eye míado gbe ɖa le adzɔge.

² Eye Mose ɖeɖe nate ɖe Yehowa ŋu, ke woawo megate vo o, eye dukɔ la hã megana to la kplii o.

³ Eye Mose yi ɖagblɔ Yehowa ƒe nyawo katã kple ɖoɖoawo katã na dukɔ la. Tete dukɔ la katã ɖo ŋu yoo gblɔ bena: Nya, siwo katã Yehowa gblɔ la, míawɔe!

⁴ Eye Mose ŋlɔ Yehowa ƒe nyawo katã, eye wòtso ŋdi kanya ɖaɖi vɔsamlekpui, eye wòɖo dzesikpe wuieve ɖe Israel ƒe to wuieveawo nu ɖe to la te.

⁵ Eye Mose dɔ Israel-viwo dome ɖekakpuiwo ɖa, eye wotsɔ nyitsuwo mè numevɔsawo, eye wosa akpedavɔwo na Yehowa.

⁶ Eye Mose ku ʋu la ƒe afã ɖe ze me, eye wõhlẽ ʋu la ƒe afã ɖe vɔsamlekpui la ŋu.

⁷ Eye wotsɔ agbalẽ, si me nubablanyawo le, hexlẽ sesĩe ɖe dukɔ la ƒe to me. Tete wogblɔ bena: Nya, siwo katã Yehowa gblɔ la, miawɔe, eye míalé eme ɖe asi!

⁸ Eyome Mose, tsɔ du la wu ɖe dukɔ la dome gblɔ bena: Esia enye nusi Yehowa bia kpli mi, ɖe nya siawo katã dzi la, ƒe ʋu.

Nunɔlawo kple amegã blaadre wo kpɔ Mawu ɖa.

⁹ Esia megbe Mose kple Aron, Nadab kple Abihu kpakple Israel-me tsitsiawo dome ame blaadre la wolia to la,

¹⁰ eye wokpɔ Israel ƒe Mawu la, eƒe afɔgbɔ le abe gbloti, alo abe alesi alilime kɔna keŋkeŋ ene.

¹¹ Ke mewɔ naneke Israel-viwo ƒe ame ŋkutawo o, eye woɖe ŋku ɖe Mawu ŋu, emegbe woɖu nu, eye wono nu.

Mose galia yi to la dzi.

¹² Eye Yehowa gblɔ na Mose bena: Va gbɔnye le to la dzi, eye natsi anyi, ne matsɔ kpe, siwo dzi meŋlɔ ɖoɖoawo kple seawo ɖo, bena nafia wo la, na wo!

¹³ Tete Mose tso, eye eƒe subɔla Yosua kpe ɖe eŋu, eye Mose lia Mawu ƒe to la.

¹⁴ Eye wògblɔ na ame tsitsiawo bena: Mina afisia, vaseɖe esime míagatrɔ ava mia gbɔ. Kpɔ ɖa, Aron kple Xur le mia gbã, ne ʋɔnunyaa ɖe le amea ɖe si la, wòatsɔe ayi wo gbɔe.

¹⁵ Esi Mose yi toa dzi la, tete alilikpo va tsyɔ to la.

¹⁶ Eye Yehowa ƒe ŋutikɔkɔe va nɔ Sinai-to la dzi, eye alilikpo tsyɔ to la ŋkeke ade sɔŋ Le ŋkeke adreagbe la eyɔ Mose tso alilikpo la me.

¹⁷ Eye Yehowa ƒe ŋutikɔkɔe dze na Israel-viwo le toa tame abe dzobibi ene.

¹⁸ Eye Mose to alilikpoa me lia to la, eye Mose nɔ toa dzi ŋkeke blane kple zã blane sɔŋ.