2 Mose 11 - Biblia alo Ŋɔŋlɔ Kɔkɔe La Le Eʋegbe Me 1913

Dzadzraɖo hena gododo tso Egipte.

¹ Eye Yehowa gblɔ na Mose bena: Esusɔ fuwɔame ɖeka mahe ava Farao kple Egiptetɔwo dzii; emegbe la aɖe asi le mia ŋu miadzo le afisia. Ke menye asi ko wòaɖe le mia ŋu o; boŋ anyẽ mi atso afisia.

² Eyata gblɔ na dukɔ la bena: Ŋutsu sia ŋutsu kple nyɔnu sia nyɔnu nabia klosalo kple sikanuwo le eƒe aƒelika si!

³ Eye Yehowa na Egipte-tɔwo ve dukɔ la nu, eye Farao ŋu mewo kple eƒe dukɔ la bu Mese ŋuta le Egipte-nyigba dzi.

Ŋɔdzidodo na Egiptetɔwo kple fukpekpe ewolia.

⁴ Eye Mose gblɔ be: Ale Yehowa gblɔ esi. Le zã titina la mele Egipte-nyigba me to ge ayi,

⁵ eye ŋgɔgbeviwo katã aku le Egipte-nyigba dzi, tso Farao ƒe ŋgɔgbevi, si ava no eƒe zi dzi la dzi vaseɖe kosi, si le teƒo, ƒe ŋgɔgbevi kpakple lãwo ƒe ŋgɔgbeviwo katã dzi.

⁶ Eye nublanuiɣli aɖi le Egipte-nyigba blibo la katã dzi, esi tɔgbe meva kpɔ o, eye magava hã akpa o.

⁷ Ke avũ mawo ɖe ame alo lã ŋu le Israel-viwo katã dome o, bena mianyae be, Yehowa de vovo Egiptetɔwo kple Israel-viwo dome.

⁸ Emegbe ŋutiwò me siawo katã ava gbɔnye, eye woade ta agu nam agblɔ bena: Wò ŋutɔ kple amesiwo katã le ŋuwò la, miyi! Emegbe hafi madzo Eye wòdzo le Farao gbɔ kple dziku gã ŋutɔ.

⁹ Eye Yehowa gblɔ na Mose bena Farao maɖo to mi o, bena nye nukunuwo nasɔ gbe le Egipte-nyigba la dzi.

¹⁰ Eye Mose kple Aron wowɔ nukunu siawo katã le Farao ƒe ŋku me; ke Yehowa na Farao ƒe dzime sẽ, eye meɖe asi le Israel-viwo ŋu wodzo le eƒe anyigba dzi o.