2 Kronika 18 - Biblia alo Ŋɔŋlɔ Kɔkɔe La Le Eʋegbe Me 1913

Yosafat kple Axab woho aʋa ɖe Asiriatɔwo ŋuti.

¹ Ale kesinɔnu kple bubu su Yosafat si taŋ, eye wòzu Axab ƒe to.

² Le ƒea ɖewo megbe la eyi Axab gbɔ le Samaria, eye Axab wu alẽwo kple nyiwo fũ na eya kple amesiwo kpe ɖe eŋu; eye woble enu yi Ramot-Gilead.

³ Israel-fia Axab gblɔ na Yuda-fia Yosafat bena; Ayi Ramot-Gilead kplima? Eɖo ŋu nɛ bena: Mele abe wò ene, eye wò dukɔ le abe nye dukɔ ene, mayi aʋa la kpli wò!

⁴ Ke Yosafat gblɔ na Israel-fia bena: Bia gbe Yehowa se gbɔ!

⁵ Tete Israel-fia ƒo nyagblɔɖila alafa ene nu ƒu, eye wògblɔ na wo bena: Maho aʋa yi Ramot-Gilead loo, alo nyemagayi oa? Woɖo ŋu bena: Ho yi, Mawu atsɔe ade asi na fia la!

⁶ Tete Yosafat gblɔ bena: De Yehowa ƒe nyagblɔɖilaa ɖeke mele afisia, ne míabia nu le egbɔ oa?

⁷ Israel-fia ɖo ŋu na Yosafat bena: Ame ɖeka li, si gbɔ wobiaa gbe Yehowa le; ke melé fui, elabena metoa nya nyuia ɖeke nam le eƒe agbe me ŋkekewo katã me o, negbe vɔ̃a ko; eya nye Mixa, Yimla vi. Yosafat gblɔ bena: Fia la megana nu ƒom alea o.

⁸ Tete Israel-fia yɔ aƒedzikpɔla ɖeka gblɔ bena: Yi ɖayɔ Mixa, Yimla vi vɛ fififi!

⁹ Eye Israel-fia kple Yuda-fia Yosafat wo dome ɖesiaɖe do fiawu bɔbɔ nɔ eƒe fiazikpui dzi, eye wobɔbɔ no lugbɔƒe le Samaria-gbo nu, eye nyagblɔɖilawo katã le nya gblɔm ɖi le wo ŋku me.

¹⁰ Zedekya, Kenaana vi, tsɔ ga wɔ lãdzowo gblɔ bena: Ale Yehowa gblɔ esi: Esiawo natsɔ atu Aramtɔwo, vaseɖe esime natsrɔ̃ wo avɔ.

¹¹ Eye nyagblɔɖilawo katã gblɔ nya ɖi alea gblɔ bena: Ho yi Ramot-Gilead, eye adze edzi na wò; elabena Yehowa atsɔe ade asi na fia la.

¹² Eye dɔla, si yi Mixa yɔ ge la, gblɔ ne bena: Kpɔ ɖa, nyagblɔɖilawo ƒe gbe sɔ, eye wogblɔ nya nyui na fia la; eyata wò nya nena abe wo dome ɖesiaɖe ta ene, eye ƒo nu nyuie!

¹³ Tete Mixa gblɔ bena: Meta Yehowa ƒe agbe: Ne menye nya, si nye Mawu ato nam la, magblɔ o fi!

Mixa gblɔ tete ɖe anyi ɖi.

¹⁴ Esi wòva fia la gbɔ la, fia la gblɔ nɛ bena: Mixa, mího aʋa yi Ramot-Gilead loo, alo migayi oa? Eɖo ŋu be: Miho yi, adze edzi nami, eye woatsɔ wo ade asi na mi!

¹⁵ Tete fia la gblɔ nɛ bena: Zi nenie maka atam na wò be, nato nyateƒe sɔŋ ko nam le Yehowa ƒe ŋkɔ mea?

¹⁶ Eɖo ŋu be: Mekpe Israel blibo la woka xlẽ ɖe towo dzi abe alé, siwo kplɔlaa ɖeke mele wo nu o ene; eye Yehowa gblɔ be; Aƒetɔa ɖeke mele amesiawo nu o, wo dome amesiame negbugbɔ yi eƒe me faa!

¹⁷ Tete Israel-fia gblɔ na Yosafat bena: Nyemegblɔe na wò be, metoa nya nyuia ɖeke nam o, negbe vɔ̃a ko oa?

¹⁸ Eye wògblɔ nɛ be: Azɔ se Yehowa ƒe gbe: Mekpɔ Yehowa wòbɔbɔ no eƒe fiazikpui dzi, eye dziƒoʋakɔ blibo la le tsitre le eƒe ɖusi kple mia me.

¹⁹ Eye Yehowa gblɔ bena: Ameka ayi aɖaflu Israel-fia Axab, ne wòaɖatsi aʋa le Ramot-Gilead a? Amesi be ale, ame keme be ale.

²⁰ Tete gbɔgbɔa ɖe do ɖe Yehowa ŋku me gblɔ bena: Mayi aɖaflui! Yehowa gblɔ nɛ bena: Aleke nawɔe?

²¹ Eɖo ŋu bena: Mayi aɖanye aʋatsogbɔgbɔ anɔ eƒe nyagblɔɖilawo katã, ƒe nu me. Eye wògblɔ bena: Ate ŋu aflui vavã. Heyi ɖawɔ alea!

²² Eyata kpo ɖa, Yehowa ye ɖe aʋatsogbɔgbɔ wò nyagblɔɖila siawo nu; elabena Yehowa do dzɔgbevɔ̃e ɖe ŋuwò.

²³ Tete Zedekya, Kenaana vi, te va ƒo to me na Mixa gblɔ bena: Afika Yehowa ƒe gbɔgbɔ dzo le gbɔnye yi hafi va ƒo nu kpli wò?

²⁴ Mixa ɖo ŋu bena: Kpɔ ɖa, àkpɔe le gbesigbe nasi atso xa me ayi xɔ me, be naɣla ɖokuiwò!

²⁵ Tete Israel-fia gblɔ bena: Milé Mixa, ne miakplɔe agbugbɔ ayi dumegã Amon kple fiavi Yoas gbɔ,

²⁶ eye migblɔ bena: Ale fia la gblɔ esi: Mitsɔ amesia de gaxɔ me, eye mina abolo via ɖe koe wòaɖu kple tsi via ɖe koe, vaseɖe esime matrɔ agbɔ le ŋutifafa me.

²⁷ Mixa ɖo ŋu bena: Ne ètrɔ gbɔ le ŋutifafa me la, ekema menye Yehowa ye ƒo nu to dzinye o. Eye wògblɔ bena: Mi dukɔwo katã, miele esema?

Axab ƒe ku.

²⁸ Tete Israel-fia kple Yuda-fia Yosafat woho yi Ramot-Gilead.

²⁹ Eye Israel-fia gblɔ na Yosafat bena: Maɖo li nye awuwo, eye mayi aʋa la nu, ke wò la wò awuwo nenɔ ŋuwò! Eye Israel-fia ɖɔ li eƒe awuwo heyi aʋa la nu.

³⁰ Ke Aram-fia de se na eƒe tasiaɖam-amegãwo gblɔ bena: Migakpe kple ame tsɛ loo alo amegãa ɖeke o, ke boŋ mikpe kple Israel-na ɖeɖeko!

³¹ Esi tasiaɖam-amegãwo kpo Yosafat la, woɖe to ɖee, be woakpe kplii, elabena wobu be, eya nye Israel-fia la. Tete Yosafat de asi aƒadodo me; eye Yehowa xɔ nɛ, eye Mawu ble wo dzoe le eŋu.

³² Esi tasiaɖam-amegãwo kpɔ be, menye Israel-fia lae o la, wotrɔ dzo le eŋu.

³³ Ke ŋutsua ɖe vu eƒe da me heda ɖe ya me, eye wote Israel-fia le gawua kpeƒe. Tete wògblɔ na eƒe tasiaɖamkplɔla bena: Trɔ, ne nakplɔm dzo le aʋa la nu, elabena mexɔ abi!

³⁴ Aʋa la nu sẽ gbemagbe, eye Israel-fia tsi tre ɖe tasiaɖam la me le Aramtɔwo kasa vaseɖe fiẽ, eve woku, esime ɣe ɖo to.