1 Mose 10 - Biblia alo Ŋɔŋlɔ Kɔkɔe La Le Eʋegbe Me 1913

Dzidzime xexlefia.

¹ Esia nye Noa viŋutsuwo, Sem, Xam kple Yafet ƒe dzidzimeviwo ŋutinya: Le tsiɖɔɖɔ la megbe la wodzi ŋutsuviwo na wo.

² Yaƒet viŋutsuwo nye: Gomer, Magog, Madai, Yawan, Tubal, Mesex kple Tiras.

³ Gomer viŋutsuwo nye: Askenaz, Rifat kple Togarma.

⁴ Yawan viŋutsu wo nye: Elisa, Tarsis, Kititowo kple Dodanitɔwo.

⁵ Amesiawo me dukɔ, siwo nɔa ƒukpowo dzi la, dzɔ tso. Esiawo nye Yafet viŋutsuwo le woƒe anyigbawo, woƒe gbe vovovowo, woƒe ƒomewo kple woƒe dukɔwo nu.

⁶ Xam viŋutsuwo nye: Kus, Mizrayim, Put kple Kanaan.

⁷ Kus viŋutsuwo nye: Seba, Xawila, Sabta, Rama kple Sabtexa; Raema viŋutsuwo nye Seba kple Dedan.

⁸ Kus dzi Nimrod; ame sia de asi gãɖuɖu me le anyigba dzi.

⁹ Ame sia enye adela kalẽtɔ le Yehowa ƒe ŋku me, eyata wogblɔna bena: Adela kalẽtɔ le Yehowa ƒe ŋku me abe Nimrod ene.

¹⁰ Eƒe fiaɖuƒe ƒe gɔmeɖoɖo enye Babel, Erek, Akad kple Kalne le Sinear-nyigba dzi.

¹¹ Eye wòʋu le anyigba sia dzi yi ɖe Asur, eye wotso Niniwe, Rexobot-Ir, Kalax

¹² kple Resen le Niniwe kple Kalax dome, esia enye du gãtɔ.

¹³ Eye Mizrayim dzi Luditɔwo, Anamitɔwo, Lehabitɔwo, Naftuxitɔwo,

¹⁴ Patrusitɔwo, Kasluxitɔwo, amesiwo dome Filistitɔwo dzɔ tso, kple Kaftoritɔwo.

¹⁵ Eye Kanaan dzi Zidon, eƒe ŋgɔgbevi, kple Xet,

¹⁶ Yebusitɔwo, Amoritɔwo kple Girgasitɔwo,

¹⁷ Xiwitɔwo, Arkitɔwo kple Sinitɔwo,

¹⁸ Arwatitɔwo, Zemaritɔwo kple Xamatitɔwo; emegbe Kanaan ƒe ƒome va keke ta ɖe dzi.

¹⁹ Eye Kanaan ƒe anyigba keke tso Zidon ɖo ta Gerar kple Gaza, ɖo ta Sodom, Gomora, Adma kple Zeboyim vaseɖe Lasa.

²⁰ Esiawo nye Xam-viwo le woƒe ƒomewo, gbewo, anyigbawo kple woƒe dukɔwo nu.

²¹ Eye wodzi ŋutsuwo na Sem, amesi nye Eber-viwo katã tɔgbui kple Yafet nɔvi xoxoetɔ.

²² Sem viŋutsuwo nye: Elam, Asur, Arpaxsad, Lud kple Aram.

²³ Aram viŋutsuwo nye: Uz, Xul, Geter kple Mas.

²⁴ Arpaxsad dzi Selax, eye Selax dzi Eber.

²⁵ Eye wodzi ŋutsuvi eve na Eber. Gbãtɔ ŋkɔ nye Peleg; elabena amegbetɔwo mã le eƒe ŋɔli me, eye nɔvia ŋkɔ nye Yoktan.

²⁶ Yoktan dzi Almodad, Salep, Xazarmawet, Yarax,

²⁷ Hadoram, Uzal, Dikla,

²⁸ Obal, Abimael, Seba,

²⁹ Ofir, Xawila kple Yobab. Ame siawo katã nye Yoktan viŋutsuwo.

³⁰ Eye woƒe nɔƒe keke tso Mesa ɖo ta Safar vaseɖe ɣedzeƒetowo gbɔ.

³¹ Esiawo nye Sem viŋutsuwo le woƒe ƒomewo, gbewo, anyigbawo kple woƒe dukɔwo nu.

³² Esia nye Noa viŋutsuwo ƒe ƒomewo le woƒe dzidzimewo kple woƒe dukɔwo nu, eye woawo me anyigba dzi dukɔwo dzɔ tso le tsiɖɔɖɔ la megbe.