1 Kronika 2 - Biblia alo Ŋɔŋlɔ Kɔkɔe La Le Eʋegbe Me 1913

Yakob kple Yuda-viwo.

¹ Israel viwo nye si: Ruben, Simeon, Lewi kple Yuda, Isaxar kple Zebulon,

² Dan, Yosef kple Benyamin, Naftali, Gad kple Aser.

³ Yuda viwo nye: Ger, Onan kple Sela; wo ame etɔ la Sua vinyɔnu, Kanaan-nyɔnu la, dzi nɛ. Ke esi Yuda ƒe ŋgɔgbevi Ger ƒe nu medze Yehowa ŋu o la, ewui.

⁴ Eye lɔ̃xoa Tamar dzi Perez kple Zerax nɛ. Yuda viwo katã le wo ame atɔ̃.

⁵ Perez viwo nye: Xezron kple Xamul.

⁶ Zerax viwo nye: Zimri, Etan, Heman, Xalkol kple Dara; wole ame atɔ̃.

⁷ Karmi vi nye: Axan, amesi he dzɔgbevɔ̃e va Israel dzi, le esi wòtsɔ busunuawo ƒe ɖe ta.

⁸ Etan vi nye: Azarya.

⁹ Xezron ƒe vi, siwo wodzi nɛ, wonye: Yeraxmeel, Ram kple Kelubai.

¹⁰ Ram dzi Aminadab, eye Aminadab dzi Naxeson, amesi nye Yuda-viwo ƒe amegã

¹¹ Naxeson dzi Salma, Salma dzi Boas,

¹² Boas dzi Obed, Obed dzi Isai.

¹³ Isai dzi Eliab, amesi nye eƒe ŋgɔgbea, evelia nye Abinadab, etɔ̃lia nye Simea,

¹⁴ enelia nye Netaneel, atɔ̃lia nye Radai,

¹⁵ adelia nye Ozem, adrelia nye Dawid.

¹⁶ Wo nɔvinyɔnuwo nye Zeruya kple Abigail, eye Zeruya viwo nye Abisai, Yoab kple Asahel; wole wo ame etɔ̃.

¹⁷ Abigail dzi Amasa, eye Amasa fofo enye Ismaeltɔ Yeter.

¹⁸ Kaleb, Xezron vi, kple srɔ̃a Azuba kple Yeriot wodzi viwo: wo viawo nye esi: Yeser, Sobab kple Ardon.

¹⁹ Esi Azuba ku la, Kaleb ɖe Efrat, eya dzi Xur nɛ.

²⁰ Xur dzi Uri, eye Uri dzi Bezaleel.

²¹ Emegbe Xezron de asi Maxir, amesi nye Gilead fofo la ƒe vinyɔnu ŋu, eye woxɔe ɖe, esime wòxɔ ƒe blaade, eya dzi Segub nɛ.

²² Segub dzi Yair, amesi si du blave vɔ etɔ̃ no le Gilead-nyigba dzi.

²³ Ke Gesuritɔwo kple Aramtɔwo xɔ Yair-kɔƒeawo le wo si hekpe ɖe Kenat kple eŋu kɔƒewo ŋuti, wole du blaade. Amesiawo katã nye Maxir, si nye Gilead fofo la ƒe viwo.

²⁴ Le Xezron ƒe ku megbe la Kaleb va Efrat. Xezron srɔ̃ ŋkɔ nye Abiya, eya dzi Asxur nɛ, amesi nye Tekoa fofo.

²⁵ Eye Xezron ƒe ŋgɔgbevi Yeraxmeel viwo nye: Ram, eƒe ŋgɔgbevi, Buna, Oren, Ozem kple Axiya.

²⁶ Eye srɔ̃ bubu ganɔ Yeraxmeel si, si ŋkɔ nye Atara; eya nye Onam dada.

²⁷ Yeraxmeel ŋgɔgbevi Ram ƒe viwo nye: Maaz, Yamin kple Eker.

²⁸ Onam viwo nye Samai kple Yada. Samai viwo nye: Nadab kple Abisur.

²⁹ Abisur srɔ̃ ŋkɔ nye Abixail, eya dzi Axban kple Molid nɛ.

³⁰ Nadab viwo nye: Seled kple Apayim; ke Seled medzi via ɖeke hafi ku o.

³¹ Apayim viwo nye: Yisi, eye Yisi vi nye Sesan, Sesan vi nye: Axelai.

³² Semai nɔvi, Yada ƒe viwo nye Yeter kple Yonatan; ke Yeter medzi via ɖeke hafi ku o.

³³ Yonatan viwo nye Pelet kple Zaza. Amesiawo nye Yeraxmeel ƒe viwo.

³⁴ Sesan medzi ŋutsuvia ɖeke o, negbe nyonuviwo ko. Ke kluvia ɖe nɔ Sesan si, amesi tso Egipte, eŋkɔ nye Yarxa.

³⁵ Eye Sesan tso vianyɔnu na eƒe kluvi Yarxa wòɖe; eya dzi Atai nɛ.

³⁶ Atai dzi Natan, eye Natan dzi Zabad

³⁷ Zabad dzi Eflal, eye Eflal dzi Obed.

³⁸ Obed dzi Yehu, eye Yehu dzi Azarya;

³⁹ Azarya dzi Xelez, eye Xelez dzi Eleasa.

⁴⁰ Eleasa dzi Sisemai, eye Sisemai dzi Salum.

⁴¹ Salum dzi Yekamya, eye Yekamya dzi Elisama.

⁴² Yeraxmeel nɔvi Kaleb ƒe viwo nye: eƒe ŋgɔgbea nye Mesa, eya nye Zif toto, kple Maresa, si nye Xebron lolo ƒe viwo.

⁴³ Xebron viwo nye Korax, Tapuax, Rekem kple Sema.

⁴⁴ Sema dzi Raxam, si nye Yorkeam fofo, eye Rekem dzi Samai.

⁴⁵ Samai ƒe viŋutsu enye Maon, eye Maon enye Bet-Zur fofo.

⁴⁶ Eye Kaleb ƒe ahiã Efa dzi Xaran, Moza kple Gazez; ke Xaran ye dzi Gazez.

⁴⁷ Yadai viwo nye: Regem, Yotam, Gesan, Pelet, Efa kple Saaf.

⁴⁸ Kaleb ƒe ahiã Maaxa dzi Seber kple Tirxana.

⁴⁹ Eya kee dzi Saaf hã, amesi nye Madmana fofo, Sewa, si nye Maxbena kple Gibea fofo; eye Kaleb ƒe vinyɔnu enye Axsa.

⁵⁰ Kaleb ƒe viwo nye esi: Efrata ƒe ŋgɔgbea Xur ƒe viwo nye: Sobal, si nye Kiryat-Yearim fofo;

⁵¹ Salma, si nye Betlexem fofo; Xaref, si nye Bet-Gader fofo.

⁵² Eye Kiryat-Yearim fofo Sobal ƒe viwo nye: Haroe kple Menuxottɔwo ƒe afã.

⁵³ Kiryat-Yearim ƒe ƒomewo nye: Yitritɔwo, Putitɔwo, Sumatitɔwo kple Misraitɔwo. Woawo me Zoreatitɔwo kple Estaolitɔwo dzo tso.

⁵⁴ Salma viwo nye: Betlexem, Netofatitɔwo, Atarot, Bet-Yoab kple Manatitɔwo ƒe afã, eya nye Zoreatitɔwo,

⁵⁵ agbalẽŋlɔlawo ƒe ƒome, si le Yabez, Tiratitɔwo, Simatitɔwo kple Suxatitɔwo, amesiawo nye Kinitɔwo, amesiwo dzɔ tso Xamat, amesi nye Rexab ƒe aƒekɔ ƒe fofo la me.