Ruth 3 - Kenesĭs 1914 Ruth 1932 (Erromanga)

NEVLUGHON NETAIYI 3

¹ In Nehomi dineme eni yenuwi pugi iyi memoku, Ah netug, ya konesorugi tovunok sai nampon nemindug, ma kante aremai iram, kuentawi?

² Im marima, Boas ote numpunarant, im kimete dal ovasiven eni, kuentawi? Pah, iyi umsendumsi whit imo pumrok ra nampon nevselatevi whit.

³ Popowo imo sugku, orowugkik mavui kik, mevai wugkik nemas enugkik meve ra nampon nevselatevi whit. Aremai neteme ko?-?tuagkilok mafeli iyi koeni momoneki isuma.

⁴ Im kantepu nagku iyi konaleyepo kagkili nampon mori iyi konaleyepo iyui, im kampelum mampai nemas ra nowon eni monaleyepo miyi kontampnemigkik tie konumpi.

⁵ Miyi yemtamsi pugi memoku, Omwisu mori kimenuwi poyau ya onumpi.

⁶ Miyi yeyep ra nampon nevselatevi whit memumpi omwisu mori dineme eni yempa?-?sewugi.

⁷ Im Boas yeni memoneki nemete aremai iran, mevelum memaleyepo ra nisah ra tainar mori, im Ruth yemoropomevelum mempai nemas mori ra nowon eni memaleyepo.

⁸ Memetepu ra yetunemes neteme mori yemnemetet memtorileki im pah sai nasiven yemaleyepo ra nampon nowon eni.

⁹ Miyi yenuwi memoku, Kikme? Miyi yemtamsi memoku, Yau Ruth nasiven torugat enugkik; maremai kafinte torugat enugkik, it kik sai numpunarag.

¹⁰ Miyi yenuwi memoku, Kik nevaieves ugi Novsuromon, ah netug, it kik umpi numpe?-?leves ra nisah momu iran ra novum, popowo kimetumurinandu ovun neviarep, nagku noramel ku noete.

¹¹ Marima, ah netug, etutetugi; ya konumpi nesihon omwisu mori kik anuwi magku ugi; it ovetemesu ra nemote enyau umagkili ma kik nasiven tanepo.

¹² Itnesug yau sai numpunaram, ko ote sai umampum irag.

¹³ Etelap imo pumrok, im mran nagku iyi konumpi nisehom sugku aremai iran sai numpunaram, aremai iyi konumpi pe; im nagku iyi kotuonumpi sugku aremai iran sai numpunaram, yau ya konumpi pe, sugku Novsuromon umnomurep; aleyepo mafeli dan.

¹⁴ Miyi yemaleyepo ra nampon nowon eni mafeli dan, miyi yemtur ra numtidan poleku sai neteme tawi faneteme worohesives sai, popowo Boas yenuwi memoku, Tawi aremai wagkili ma sai nasiven yivelum ra nampon nevselatevi whit.

¹⁵ Miyi yenuwi memoku, Vai mevelum semplauon mori ra kik, melehavi pe; miyi yelehavi pe, miyi yovugi misekai talug barli memtipe ra tan; miyi yivesu ra nemote.

¹⁶ Miyi yivelum pugi dineme eni, mori yenuwi pugi memoku, Kik me, netug? Miyi yemtampenigi tiamesu neteme yepnumpi.

¹⁷ Miyi yenuwi memoku, Iyi yovoyau imosu mesikai talug barli it iyi yenuwi poyau memoku, Etuve pugi dinum im tawi nipmi dalekik.

¹⁸ Miyi yenuwi memoku, Etelap netug, mafeli kagkili nohwo kantepu iram, it neteme mori kotuandu ko konakomplisu imo tiame ire.