Ruth 2 - Kenesĭs 1914 Ruth 1932 (Erromanga)

NEVLUGHON NETAIYI 2

¹ Yete iran Nehomi sai numpunaran, neteme im noete sikat iran, marugi savut eni Abimelek, im nin eni Boas.

² Im Ruth nasiven Moab yenuwi pugi Nehomi memku, Tenimpe yau woreve ra nete nuru woralehon semsemugi ra ov’novugon ra kitan eni mori iyi kagesives yau. Miyi yenuwi poyau memoku, Eve, netug.

³ Miyi yive memalehon semsemugi ra nete nuru ra kitand oveteme umnalehon semsemugi yui; miyi yive ra nevlughon nete nuru eni Boas numpunaran eni Abimelek.

⁴ Im pah, Boas yive marugi Betlehem memenuwi punor oveteme umnalehom semsemugi, memoku, “Ete Nobu dalekimi.” Miror dumunuwi pugi mumoku, “Aremai Nobu kagesives kik.”

⁵ Im Boas yenuwi iran neteme nempasewugi irand oveteme umnalehon semsemugi memoku, Imo netni itnasiven eni me?

⁶ Im neteme mori yemtamsi memenuwi pugi Boas memoku, Iyi sai nasiven Moab mori yemtorileki undu Nehomi marugi nuru nomolsep Moab.

⁷ Miyi yenuwi memoku, Tenimpe yau woralehon semsemugi ilevoteven ovunnait ra kitand oveteme umnalehon semsemugi. Miyi kokevelum motendowi penuri provohum mafeli marima, ko iyi yetelap ra mumpon nimo.

⁸ Boas yemenuwi pugi Ruth memoku, Ah netug, kik emandigi pe kuentawi? Etuve woralehon ra nete nuru sai, metuvesu marugi igko, ko etendowi igko ra nohorend ovasiven enyau.

⁹ Etopotneme iran nete nuru mori iror umnalehon semsemugi iyui, meve ra kitand. Ya kokempasewohond ov’neviarep enyau moku utuonumpi ur iram, ku entawi? Im nagku kampamomeki, kampe irand ovun nurah momoneki marugi nu mori ov’neviarep utaligi.

¹⁰ Miyi Ruth yumol ra nipmi eni memtampup ra nemap memenuwi pugi memoku, Ya kokevai itemas ra nimtum ma kik umagesi yau ves, yau domo, irantie?

¹¹ Boas yemtamsi iran memoku, Dumorune?-?nuwi poyau mumoku ugi tiamesu kimumpi nisehon dineme asum, penuri asum yemas, memowi itemenakik im dinum muneveyehon enugkik memevelum ilevoteven lo kimetu?-?kili newemi.

¹² Aremai Novsuromon kontampnemmok ugi nompurah enugkik, im nipmi kante nisehon tamas marugi Novsuromon Nobu eni Israel mori kimevelum woreffinte kik ra mumpon nevlok eni.

¹³ Miyi yenuwi pugi memoku, Ah Narisah enyau, ohesoyauves, popowo kik umpi nomolsep nowag, memenuwi aremai pugi nasiven torugat enugkik, im yau tawi sugku sai ra ovasiven torugat enugkik.

¹⁴ Im Boas yenuwi iran memoku, Ra nempugon neni, elum potipot igko im koneni nugkon youp montavi nevugkon enugkik ra vinekar mori. Miyi yemtesep ra nohorend oveteme umnalehon semsemugi miror dumuavugi korn noromon, miyi yeni memtali memowi pe.

¹⁵ Miyi yemtuk woralehon semsemugi, im Boas yempasewohond oveteme torugat eni memoku, Aremai iyi konalehon semsemugi ilevoteven ovun niat, im kimi kutuanuwi nugkugko iran.

¹⁶ Mumol nugkon nisekon iyi marokond ovun niat mowi pe miyi konalehon semsemugi pe im kimi kutuanuwi nugkugko iran.

¹⁷ Miyi yemalehon semsemugi ra nete nuru mafeli powakas, miyiyemmentai pe mori iyi yepmalehon, im yete sugku sai efah.

¹⁸ Miyi yevai pe sah meve ra nemote, im dineme eni yohesi omwisu mori iyi yepmalehon miyi yevai memovugi iyi nugkon penuri iyi yepmeni.

¹⁹ Im dineme eni yenuwi pugi memoku, Iyi kokalehon semsemugi ire? Iyi kimompu?-?rah? Nevaieves numpunaram; Miyi yemenuwi pugi dineme eni tiamesu mori iyi yemumpi dal iyi, memenuwi memoku, Nin eni neteme mori yau mompurah ire dal iyi Boas.

²⁰ Im Nehomi yenuwi pugi rovugon eni memoku, Nevaieves Novsuromon mori kotuowi tugesovoli eni irand ov’nomurep mirand ovun nemas. Miyi Nehomi yenuwi pugi rovugon eni memoku, Neteme mori sai numpanarant, miyi konsevasiugi nete nuru su enugkos nisekont.

²¹ Im Ruth nasiven Moab yenuwi memoku, Monokowo, iyi yenuwi poyau memoku, Kantendowives ra nohorend ovun torugat enyau, mafeli nempugon iror wonakomplisu nalehon semsemugi omwisu nisekug.

²² Im Nehomi yenuwi pugi Ruth rovugon eni memoku, Aremai pe, netug, it kantendowi dal ovun torugat eni, miror utuonumpi nugkugko iram ra nete nuru sai.

²³ Miyi yete dal ovasiven torugat eni Boas woralehon semsemugi mafeli aveni nalehon barli im nalehon whit, metendowi dal dineme eni.