Ruth 1 - Kenesĭs 1914 Ruth 1932 (Erromanga)

NEVLUGHON NETAIYI 1

¹ Yetepu polsugku oveteme nurian dumandu?-?nurian, yemete temas ra nuru mori, im sai neteme yive marugi Betlehem ra nuru Yudah woretendowi ra nuru nomolsep Moab, iyi im retepon eni mov’netnime duru eni.

² Nin eni neteme yete Elimelek, im nin eni retepon yete Nehomi, im nind ov’netnime duru eni dute Mahlon im Kilyon, oveteme Efraem ra Betlehem ra nuru Yudah. Miror dumuvelum ra nuru nomolsep Moab mu?-?tendowi yui.

³ Elimelek asuon eni Nehomi yemas memowi iyi mov netnime duru eni.

⁴ Miroranduru dumuvrokond retepond ovasiven Moab; nin eni sai yete Orpa, im nin eni sai yete Ruth. Miror dutendowi yui sugku nevi narowalim.

⁵ Miroranduru Mahlon im Kilyon dumas, movunyan duru eni masuon eni dumowi nasiven mori.

⁶ Penuri, iyi yemtur dal ovun rovugon eni woretorileki marugi nuru nomolsep Moab, popowo iyi yepmorigi ra nuru nomolsep Moab memku Novsuromon yematnemor lo eni, worevunor youp.

⁷ Miyi yivesu marugi nampon mori iyi yete iyui dal ovun rovugon duru eni, miror dumuve ra selat woretorileki ra nuru Yudah.

⁸ Im Nehomi yemenuwi punor rovugon duru eni memoku, Eve metorileki sai im sai ra mumpon nimo eni dineme eni, im Novsoromon kontugesoveli irami, sugku kimi kumutugesoveli irand mori dumas mirag yau.

⁹ Novsoromon kampugkum worevai nemindug sai im sai ra mumpon nimo eni asuon eni, miyi yemsugu irand miror dumukisah ugi naviand mumuntugageri.

¹⁰ Miror dumunuwi pugi mumoko, Kalontori?-?leki punor lo enugkik undu kik.

¹¹ Im Nehomi yomenuwi memoku, Utorileki, ovunyan enyau, kumagku kampe dal yau? Utelap ov netnime momu unesug netnig worete rasumi, ku?

¹² Utorileki muvewi, it yaunumpumetuo asug; it nagku ya kanuwi magku, Ote tevetuwi irag, ya kampai asug imo pumrok im netugeme sugku;

¹³ Kimi kwantendowi mafeli iror talam, ku? Kimi kwantendowi im tawi rasumi, ku? Tawi, ovunyan enyau, it ya kumandigu mpunu tamas popowo wugkum ma Novsoromon yeyevan gi nohoven eni irag.

¹⁴ Miror dumukisah gi naviand momuntuga?-?geri: im Orpa yemsugu iran dineme eni; ko Ruth yemplesi iran.

¹⁵ Miyi yenuwi memoku, Pah, vivenum koto?-?rilekosu punor lo eni im pugi Nobu eni; torileki kik ra kitan eni vivenum.

¹⁶ Ko, Ruth yemtamsi memoku, Etunuwi poyau moku ya konawi kik mampe marug kik; it ya kampe ra nuru mori kik ampe iyui, im ya kantemdowi ranampon mori kik antendowi iyui; lo enugkik lo enyau, im Nobu enugkik Nobu enyau.

¹⁷ Ra nampon mori kik omas iyui ya kamas im wontenemokoyau yui: aremai Novsoromon konumpi sugku imo irag im momu sugku, nagku nemas kontevavwi irag miram.

¹⁸ Miyi yohesi me iyi yemoku kampe dal iyi, miyi yumti worenuwi iran memoku ugi.

¹⁹ Miroranduru dumorunuve pugi Betlehem, im polsugku iror dumuse ra Betlehem lo omwisu ra nemote dumnavlugi popowo wohond, mumunwui mumoku, Imo Nehomi, ku?

²⁰ Miyi yenuwi punor memoku, Utuatovnig mumagku Nehomi; watovnig mumagku, Marah (Nahan), it Iyi Tantevahepe kumpi nahan wohon poyau.

²¹ Yau mempesu novuarugi, in Novsuromon yomentoroyau wohon; kimi kumatovnig mumagku, Nehomi iransie? Ko Novsuromon kotamsi poyau miyi Tantevahepe kumpi nugkugko irag.

²² Im Nehomi yetendowi im dal iyi Ruth nasiven Moab mori yepmentorileki marugi nuru nomolsep Moab, miror dumuvelum ra Betlehem polsugku duprokonalehon semsemugi barli.