Kenesis 50 - Kenesĭs 1914 Ruth 1932 (Erromanga)

¹ Im Yōsef yumol ran tan nĭpmi eni ĭtemen eni mō mageri iran, mō ĭm sūgū iran.

² Im Yōsef yĭmpasewokonda ōvun livsx eni, ōveteme tavū, woresoveli nokolĭsiran eni ĭtemen; mōveteme tavū dūmūsoveli Isrēel ugi ov nūrah nĭmpen‐e‐ves.

³ Mirora dumnumpi dan sū forti nĭsekon, sugkū irora umnumpi iranda mori; mōveteme Ityĭpt dūmnageri nĭsekon dan sū seventi.

⁴ Isūma dan sū worakūr, ĭm Yōsef yenūwi pun ōra ra mumpon nimō eni Fērō memokū, Ya kum magkū, nagkū kĭmi kūmagesi‐yx‐ves,

⁵ Unūwi pugi Fērō magkū, Itemen‐e‐yx yumpi yx worenūwi nam ūnam magkū, Pah, ya kum mamas; mūneveli enyx mori woretĭnemi ra nūrū Kēnan, mori yx mumpi nisekog, kĭk ontĭnemi yx yūi; ĭm marima, tenĭmpe yx worevesah, ya kum nesenug kĭk woretĭnemi ĭtemen yx, ĭm pah, ya kō mampelum.

⁶ Im Fērō yōmenūwi memokū, Eve mō ĭmtĭnemi ĭtemen‐e‐kĭk sugkū iyi yumpi kĭk worenūwi nam ūnam ugi.

⁷ Im Yōsef yive woretĭnemi ĭtemen eni mōvun nivūo eni Fērō dūve sah dal iyi, mōveteme talam ra nimō eni, mōveteme talam ra nūrū sū Ityĭpt.

⁸ Momwi sū ra nimō eni Yōsef, ĭm ravĭnsī eme, mirora ra nimō eni Iēkob; kō ōvun nalalx mōvun sĭmsĭmak sū en irora dūisep ra nūrū Kōsen.

⁹ Dūsah dal iyi ovnurah woralō mōveteme mori dusuki tan hors, mirora lō tamas.

¹⁰ Miroran dūve ra nūrū eni Atad, nūrū worosendokon novuan, mori nugkon ūmpe Yordan, mirora dūmnageri iyūi mō mumnakur tamas wokon; miyi yumpi nakūr nĭsekon itemen eni dan sū seven.

¹¹ Mōveteme ra nūrū mori, ōveteme Kēnan dōkesi pe nakūr ra nūrū mori eni Atad mūmūnūwi mūmokū, Imō nakūr tamas en irora ōveteme Ityĭpt; ĭm popōwo sugkū sī yĭmatov nin nūrū mori memokū, Abel‐Mĭtsrēīm mori nugkon ūmpe Yordan.

¹² Mōvun nĭtnĭme eni dūmumpi tovuni sugkū iyi yĭpĭmpase‐wokonda.

¹³ Mōvun nĭtnĭme mori dūmurīuki iyi ra nūrū Kēnan, mō mūtĭnemi iyi ūneveli ra mumpon nūrū Makpila, mori Ebraham yĭpĭmpasĭgi ra Efron neteme Hĭtī ra nokoren Mamre, nūrū woretĭnematemas.

¹⁴ Im Yōsef yōĭmtorĭleki ra Ityĭpt, iyi mirora ravĭnsīeme, mirora sū mori dūmūve woretĭnemi itemen eni; ĭsūma wortĭneme iyi.

¹⁵ Mirora ravĭnsīeme eni Yōsef dokili ma ĭtemen en irora yimas mō mūnūwi mūmokū, Nagkū Yōsef onakan pug kos kū? mō mĭntampenĭgi irant magkū ugĭn tiame sat kos ĭm lĭpĭmlumpi iran.

¹⁶ Mirora dutamūli tandekō pugi Yōsef mūmokū, Itemen‐e‐kĭk yĭmpasewi nĭmpugon yetūmas memokū.

¹⁷ Unūwi pugi Yōsef magkū, Ya kum nesenug kĭk, efielĭntokonda sat sū en irora ravĭnsīeme enugkĭk, ĭt irora dupmumpi sat iram; ĭm marima ka kĭm lenesĭnug kĭk, efielĭntok‐onda nareki sat en irora ōvun livsx eni Nōbū eni itemen‐e‐kik; ĭm Yōsef yĭma?-?geri polekū irora dūmūnūwi pugi.

¹⁸ Mirora ravinsīeme dūve mō mumol unipmi eni mūmūnūwi mūmoku, Pah kam ōvun livsx enugkĭk.

¹⁹ Im Yōsef yōmenūwi pun ōra memokū, Utū ūmtetugi: Yx ĭm tampenum eni Nōbū kū?

²⁰ Kĭmi kūmokū sat irag; Nōbū yimokū aremī, mō mumpi sugkū kos kĭm lagesi irē pen dan, worefĭnte nomūrep ra irora sikat. Im marima, ūtūmtetugi; ya afĭnte kĭmi mov ūalalx enugkĭmi.

²¹ Miyi yumpeleves iranda, mō menūwi nam memelōkelō pun ōra.

²² Im Yōsef yōmetĭndōwi ra nūrū Ityĭpt, iyi mirora ra nimō, eni ĭtemen; ĭm Yōsef yumūrep nevisū wun hunder ĭm ten.

²³ Im Yōsef yokes‐ōra ōvun nĭtnime eni Ifrēĭm, palsi en desel; miyi yokes‐ōra ovnĭtni eni Makĭr, nĭtni eni Manase, mori dumprokomol ran tan numpūne?-?terĭn eni Yōsef.

²⁴ Im Yōsef yōmenūwi pun ōra ravĭneme eni memokū, Ya kum mĭnti nūrū marima, ĭm Nōbū atneme‐kum; miyi ōmĭūtōrō‐kūm marugi imō nūrū ra nūrū mori iyi yipmenūwi nam unam memokū ugi pugi Ebraham ĭm Isak im Iēkob.

²⁵ Im Yōsef yumpi ōvun nĭtnĭme eni Isrēel worenūwi nam ūnam magkū, Itnesog, Nōbū atneme‐kum, im kimi kwontatevotegi noirag sū marugi nūrū gko.

²⁶ Im Yōsef yimas; dūti nevi su iran wun hunder ĭm ten: mirora dūmūsoveli nokolĭsiran eni wororuleki pe, mō mūtipe iyi ūnesog bokes ra Ityĭpt.