Kenesis 46 - Kenesĭs 1914 Ruth 1932 (Erromanga)

¹ Miyi Isrēel yĭmtatevote, mō ĭmpe ra nūrū Birsiba, mō ĭm sokowar ugi ōvun sokowar iran Nōbū eni Isak ĭtemen eni.

² Im Nōbū yenūwi pugi Isrēel ra ōvun nilasĭvrovora ra pūmrok, mō menūwi memokū, Iēkob, Iēkob.

³ Miyi yenūwi memokū, Yx ĭgko. Miyi yōmenūwi memokū, Yx Nōbū, Nōbū eni ĭtemen‐e‐kĭk; etūmtetugi woriyep ra Ityĭpt, ĭt ya onumpi kĭk numpūn lō tamas iyūi.

⁴ Ya īyep ūndū kĭk ra Ityĭpt, ĭm ya ōmĭntōrok ĭgko, ĭm Yōsef antipe nokoben eni ran tan nĭmtum.

⁵ Im Iēkob yitūok ra Birsiba; mōvun nĭtnĭme eni Isrēel dūtōri Iēkob ĭtemen en irora, mōvun nĭtnĭme en irora, mōvun reteponeme en irora, ran tan ōvun nūrah sū mori woralō, mori Fērō yitamūl‐ōra woruriuki tan iyi.

⁶ Mirŏra dūvī ōvun kūrimatx en irora, ĭm nōete sū en irora mori dūmūsĭmsĭmugi ra nūrū Kēnan, mō mūve ra Ityipt, Iēkob, mōvun nĭtnĭme omwisū eni dal iyi, ĭtōvatemen mitvasiven ōvun nĭtĭndeme dal iyi,

⁷ ov novsen eni omwisū, yĭmtōr‐ōra omwisū ra Ityĭpt.

⁸ Imo sū dūti ov ninda ōvun nĭtnĭme eni Isrēel mori dūve ra Ityĭpt; Iēkob mōvun nĭtnĭme eni. Itnetemefi eni Iēkob, Rūben.

⁹ Mōvun nĭtnĭme eni Rūben dūti Hanok ĭm Falū, ĭm Hesron, ĭm Karmī.

¹⁰ Mōvun nĭtnĭme eni Sĭmion Yemūel, ĭm Yamin, ĭm Ohad, ĭm Yakĭn, ĭm Sōhar, ĭm Saūl, nĭtni eni sī nasiven Kēnan.

¹¹ Mōvun nĭtnĭme eni Livī dūti Kerson, ĭm Kōhat ĭm Merērī.

¹² Mōvun nĭtnĭme eni Yūda dūti, Er, ĭm Onan, ĭm Sila, ĭm Fares, ĭm Sara: Er ĭm Onan dūmas ra nūrū Kēnan. Mōvun nĭtni eni Fares dūti Hesron ĭm Hamūl.

¹³ Mōvun nĭtnĭme Isakar dūti, Tōla, ĭm Fūva, ĭm Yōb, ĭm Sĭmron.

¹⁴ Mōvun nĭtnĭme eni Sebūlon dūti Sered, ĭm Ilon, ĭm Yahlil.

¹⁵ Mōvun nĭtnĭme eni Lia, mori iyi yivī eni Iēkob ra Padanaram dūti irora sū mori, ĭm Dīna nĭtni ĭtnasiven eni. Mōvun nĭtnĭme eni itōvateman mitōvasiven eni, omwi sū turti‐tri.

¹⁶ Mōvun nĭtnĭme eni Kad dūti, Sĭfion, ĭm Hakī, ĭm Sūnī, ĭm Esbon, ĭm Irī, ĭm Arōdī, ĭm Arēlī.

¹⁷ Mōvun nĭtnĭme eni Ashur dūti Yĭmna, ĭm Isūa, ĭm Isūī, ĭm Birīa, ĭm Sēra, vevĭn en iro ra Mōvun nĭtnĭme eni Birīa dūti Hiber, ĭm Malkiēl.

¹⁸ Irora mori ōvun nĭtnĭme eni Sĭlpa, mori Lēban yīpmovugi Lia, nĭtni eni ĭtnasiven, miyi yivī irora‐mō eni Iēkob, omwisū sĭkestin.

¹⁹ Mōvun nĭtnĭme eni Rētyel, retepon eni Iēkob dūti Yōsef ĭm Benyomĭn.

²⁰ Dūti numprokomol eni Yōsef nūrū Ityĭpt Manase ĭm Ifrēĭm, yumol irora Asinat nĭtni ĭtnasĭven eni Potifera, neteme sokowar ra On.

²¹ Mōvun nĭtnĭme eni Benyomĭn dūti Bila, ĭm Biker, ĭm Asbel, ĭm Kira, ĭm Nēaman, ĭm Ihī, ĭm Rōs, ĭm Mupim, ĭm Hupim, ĭm Ard.

²² Irora mori ōvun nĭtnĭme eni Rētyel, mori yumprokomol eni Iēkob: omwi su fōrtin.

²³ Mōvun nĭtni eni Dan, dūti Hūsim.

²⁴ Mōvun nĭtnĭme en Naftalī dūti Yasil, ĭm Kūnī, ĭm Yiser, ĭm Silem.

²⁵ Irora‐mō dūti ōvun nĭtnĭme eni Bĭlha, mori Lēban yĭpmovugi Rētyel nĭtni ĭtnasiven eni; miyi yivī irora mori eni Iēkob: omwi sū seven.

²⁶ Omwisū mori dūvelum dal Iēkob ra Ityĭpt, mori dūmnē ra nokolĭsiran eni, mirora ōvun retepondeme en irora ōvun nĭtneme eni Iēkob: omwi sū‐sĭkesti‐sĭkes,

²⁷ Mov nĭtni eni Yōsef mori yumprokomol eni ra Ityĭpt: irora dūrū: omwisū mori ra nimō eni Iēkob, mori dū?-?muvē ra Ityĭpt, seventi.

²⁸ Miyi yĭmtamūli Yūda worōbūm iran pugi Yōsef, woresareki nĭpmi eni ra Kōsen; mirora dūvelum ra nūrū Kōsen.

²⁹ Im Yōsef yĭmtaves‐e‐ves nūrah woralō eni, mō ĭmpe worevetĭt iran Isrēel ĭtemen eni, mafeli Kōsen, yetūratumpeni pugi; miyi yumol ra nōwan eni, mō mĭmnageri ra nōwan eni.

³⁰ Im Isrēel yenūwi pugi Yōsef memokū, Tenĭmpe yx yōumas marima, ĭt ya okesi nĭmtum ĭt kĭk umnomūrep.

³¹ Im Yōsef yenūwi pun ōra ravĭnsīeme eni, mirora sū ra nimō eni ĭtemen eni memokū, Aremī ya ampe mō mĭntampĭgi pugi Fērō, memenūwi pugi mogkū, Ravūgsīeme, mirora ra nimō eni ĭtemene yx, okevelum dūmnē ra nūrū Kēnan po yx.

³² Mōveteme mori ūmnovūguni ōvun sĭmsĭmak, imō numpūrah en irora dan sū, mirora dūtōr‐ōra ōvun sĭmsĭmak sū mōvun kurimatx, mōvun tiame sū en irora.

³³ Im pol sugkū Fērō amperug‐kūm mō manūwi pug kūm magkū, Tiē ov numpūrah enugkĭmi?

³⁴ kĭmi kwontamsi mūmagkū, Ovun lĭvsx enugkĭk ugi ōvun kūrimatx marugi nĭmpugon dan kam virok mafeli nĭmpugon marima, kam mōvun retemami sugkū, [ūnūwi mūmagku sugkū] ma iyi ontenĭmpe kĭmi woretĭndōwi ra nūrū Kōsen: ōveteme Ityĭpt dūmokesĭndi pun ōra sū mori dūmnovuguni ōvun sĭmsĭmak ra ov nūrah sū.