Kenesis 43 - Kenesĭs 1914 Ruth 1932 (Erromanga)

¹ Im temas mori yelĭleki irora ra nemap;

² mō metepū pol sugkū irora dūmoni mūmwi nōvūan mori dūmu?-?sĭnduri marugi Ityĭpt, ĭtemen en irora yōmenūwi pun ōra memokū, Uve mūvī nĭsekont mōmū nevag.

³ Im Yūda yenūwi pugi memokū, Neteme mori yenūate?-?kĭsah pug kam memokū, Nagkū avĭnsī kĭmi ĭtevirok tawi dal‐e‐kĭmi,

⁴ kūtū‐agesi nĭmtug; nagkū kĭk ontamūli avĭnsi kam dal‐e‐kam, ka ke lēĭp mō mampasĭgi nevag nĭsekom;

⁵ ĭm nagkū kotū ontamūli iyi, ka ke letūiyep, ĭt iyi mori yenūwi pug kam memokū, Kĭmi kūtū agesi nĭmtūg nagkū avĭnsī kĭmi tawi dal‐e kĭmi.

⁶ Im Isrēel yōmenūwi memokū, Irantiē kĭmi mūtipe nesorū irag worenūwi pugi neteme mori mokū avĭnsī kĭmi sī mōmū?

⁷ Mirora dūtamsī mūmokū, Neteme mori yorūn‐tagkole‐kam ugi kam, mugi rapmami, memokū, Itemen‐e‐kūm umnomūrep kū? Avĭnsī enugkĭmi kū? ĭm kam lenūwi pugi memokū ugi imo sū. Kam tawi faneteme worokili ma iyi penūwi pug kam magkū, Utōri ĭgko avĭnsī kĭmi, kū?

⁸ Im Yūda yōmenūwi pūgi Isrēel ĭtemen eni memokū, Tamūli avūnyan mori ūndū yx, im ka ke lĭntūok mō mampe; aremī kam lenomūrep letūmas, kam, ĭm kĭk, mōvun nalalx enugkos.

⁹ Ya anti woretampenemugi iran; oserugi iyi ra nokobūg; nagkū ya otū ontōri iyi pug kĭk mō mantipe ūnĭmtum, penūri ya anti noworepatevi ĭndōwi.

¹⁰ Im nagkū ka kūtūm mūpmorkote‐wi, kam pūve ĭm pū‐torĭloki nĭmpugon marima.

¹¹ Im Isrēel ĭtemen en irora yōmenenūwi pun ōra memokū, Nagkū sugkū, mumpi imō, ūvī ra imo sū aremī nūsian ra nūrū ĭgko, mūvugi neteme mori ĭtemas, nugkon dumpon avemī, ĭm nugkon huni, ĭm nugkon ōvun nĭmpen‐e‐ves, ĭm nagī, mov novūan mōvun amond.

¹² Mūvī muni mōmū ra nokopmi; ĭm muni mori ūvitoriloki sū kūn tawi yeti neseparū.

¹³ Mūtōri apmi?-?sīeme mūtūok,

¹⁴ mō mūvē pugi neteme mori; ĭm Nōbū ra nūsian‐go‐sū ovug kūm nelendiuki ves ūnĭpmi eni neteme mori woretamūli pelum Sĭmion, avĭnsī kĭmi, ĭm Benyomĭn; ĭm yx, nagkū ya otū omampī nĭtūgeme, anti aremī sugkū.

¹⁵ Mirora dūvī ĭtemas mori, ĭm muni metevūrak ugi ra nobobĭnda, ĭm Benyomĭn, mirora dūūok mō mūve Ityĭpt,

¹⁶ mō mūtūrū ūnĭpmi eni, Yōsef, Im Yōsef yokesi Benyomĭn dal; miyi yenūwi pugi nivūo ra ūnesog nimō; mūtī sī nūrah, mumpi nevag ĭt irora woneni dal yx pōakaspōakas.

¹⁷ Im nivūo mori yumpi sugkū nam eni Yōsef miyi neteme yĭmtōr‐ōra ūnesog nimō eni Yōsef.

¹⁸ Mōveteme mori dwemtetugi popōwo dūtōr ōra ra mumpon nimō eni Yōsef; mirora dūnūwi mūmokū, Popōwo ugi muni mori dūpmūtipe ūnesog ōvun bak enūgkam ra nōbūm dutōro‐kos ūnesog magkū woresorugi sat ra kos, mō mĭntampenĭgi irant, mō mandalug kos worelĭvsx wokon iran, mōvun as enugkos sugkū.

¹⁹ Mirora dūve pugi nivūo ra nimo eni Yōsef, mirora dūnūwi pugi ra nugon selat mūmokū, Ah!

²⁰ narisah enyx, kam livelum etūī worevasĭgi nevag;

²¹ mō metepū pol sugkū kam live ra siman lō mō mūtī pelah ōvun bak enugkam, pah, muni enugkam ra nugon bak, muni enugkam omwi sū kō ka ke levī torĭloki ra nokopmam.

²² Im muni mōmū ka ke levi livelum ra nokopman worevasĭgi nevag; ka ke letūmlagkili mē iyi yĭpmetipe pe muni enugkam ra mumpon ōvūn bak enugkam.

²³ Miyi yenūwi memokū, eti nĭnparata tovuen‐e‐kūm, ūtū wemtetugi, Nōbū enugkĭmi, ĭm Nōbū eni ĭtemen?-?e‐kum, yovug‐kūm woretovtam ūnesag ōvun bak enugkĭmi; ya okovī muni enugkĭmi; miyi yĭmtōri Sĭmeon ilat pun ōra.

²⁴ Im neteme mori yĭmtōr‐ōra ōveteme mori ra mumpon nimō eni Yōsef, mō movun‐ōra nū, mirora dū norowugi nōwonda; miyi yovuguni ōvun as sugkū en irora.

²⁵ Mirora dūtaves‐e‐ves ugi ĭtemas mūmokū wampugi Yōsef pōakas‐pōakas, ĭt irora dūrigi nam ma iyi ontesĭgi yōūp yūi.

²⁶ Im Yōsef yivē ūnesog nimō, mirora dūvī pelum ĭtemas nĭsekon ūnesog nimo, mō mūtalasep pugi ūnĭpmi eni.

²⁷ Miyi yĭmtagkel‐ōra memokū ugi nĭnparata en irora, memokū, Itemen‐e‐kūm faneteme kū? neteme numpūmetūo mori kūmūnūwi po yx ugi, iyi umūrep kū?

²⁸ Mirora dūtamsi pugi mūmokū, Itemen‐e‐kam, lĭvsx enugkĭk, faneteme, miyi umante, mirora dūmū?-?lasep ugi nimĭnda ranemap.

²⁹ Miyi yĭmelagkx me mokesi Benyomĭn avĭnsī eni, nĭtni eni dĭneme eni, iyi, mō menūwi, Iyi mori anĭnsī kĭmi ĭtevirok, mori kūpmumūwi po yx mokū ugi kū? Miyi yōmenūwi memokū, Nĭtūg px, Nōbū pīeves kĭk.

³⁰ Im Yōsef yoretevetevi popōwo yovūara gi nelentugi nōwan eni ra avĭnsī eni, miyi yosorugi nūrū worageri, miyi yĭntorĭmpe ra sĭlebōk ratekomisah mō mageri yūi.

³¹ Miyi yōworowugi nĭpmi eni moimpe ilat, mō ĭmtanti worageri, mō menūwi memokū, ūtipe nevag.

³² Mirora dūtipe pelah nĭsekon iyi, ĭm nĭsekonda pelah, ĭm nĭsekonda ōveteme Ityĭpt sugkū ĭt irora ōveteme Ityĭpt ūtūmagkū woreni yōūp dal ōveteme Hibrū, oti nĭmrug iranda ōveteme Ityĭpt.

³³ Mirora dūtesep ūnĭpmi eni, iyi ĭtnete mefi ugi nevi sū iran, miyi ĭtevirok ugi nevi sū mori ivran; mōveteme dūsepeō navlugi tamas pun ōra irora.

³⁴ Miyi yitavūrak‐wokonda nevag sū ūnĭpmi eni, miyi yovugi Benyomĭn nugkon tamas, sūkrĭm mōmū ra irora‐go. Mirora dūmoneki mō mūmno?-?moneki dal iyi.