Kenesis 40 - Kenesĭs 1914 Ruth 1932 (Erromanga)

¹ Mō metepū penūri imo sū Fērō fan lō Ityĭpt yeleke pun ōra neteme torugat ĭm neteme woroworūm eni dūumpi sat iran.

² Fērō fan lō Ityĭpt. Im Fērō yĭmarakī pun ōra ōvun lĭvsx en dūrū eni, potni tarugat, ĭm potni woroworūm.

³ Miyi yetipe irora ra mumpon nimō eni neteme navlĭs ra nimō nugkugko, yūi Yōsef yēeti.

⁴ Miyi nivūo ra ōvetemĭndi ra nimō yetipe irora ra mumpon Yōsef, miyi yĭmelĭvsx iranda: mirora dūti ūnesog sĭ wik.

⁵ Miroran dūrū dūmeviak ov nemeviak en iroran dūrū pūmrok sīteven, ugi yenūatokeli nemeviak eni, iyi neteme torugat, miyi neteme woroworūm eni Fan lō Ityĭpt mori dūiti ūnesog nimō nugkugko.

⁶ Im Yōsef yivelum ūnesog pun ōra prūbokom mō mokes‐ōra, ĭm pah, yevivat nimĭnda.

⁷ Miyi yĭmtagkel‐ōra, ōvun nivūo eni Fērō mori dal iyi woraveri ra mumpon nimō eni Narisah eni, memokū, Irantiē nimetemi oti nevivat irē?

⁸ Mirora dūnūwi pugi mūmokū, Ka kū meviak sī nemeviak, ĭm tawi sī worenūatokeli pe pug kam. Im Yōsef yōmenūwi pun ōra memokū, Eni Nōbū worenūatokeli sū kū? Tampĭgi pe po yx.

⁹ Miyi neteme torugat yitampĭgi nemeviak eni pugi Yōsef, mō menūwi pugi, Ya okomeviak memokū mokesi nōesen vīn ūnĭmtūg!

¹⁰ Im ra mumpon vīn nevlokon desel, sugkū nafōk; mō ĭm tasĭsi, ĭm novūan numkī ra nifiri.

¹¹ Im kup eni Fērō ra nokobūg; ĭm ya okevī novūan mō mavsi ūnesog kup eni Fērō; ĭm ya ovugi ra nokoben eni Fērō kup mori.

¹² Im Yōsef yōmenūwi pugi memokū, Imō oti worenūatokeli ugi:

¹³ nevlokon desel oti dan desel; mōmū lap dan deselugo ĭm Fērō onetnĭmok mō mantipe kĭk ra nūrū enugkĭk, im kĭk ōmampugi Fērō kup ra nokoben eni sugkū kĭpmumpidan sū neteme torugat eni.

¹⁴ Entime irag nĭmpugon kĭk onavos mumpele ves irag, ya kum mĭntagkolok, menūwi nam pugi Fērō, magkū ugi yx, woretori‐yx marugi imō nimō;

¹⁵ dumprok‐woko‐yx ĭtnesog mō mūtōri yx marugi nūrū ōveteme Hibrū; ĭm ra nūrū ĭgko, yx metū umpi sĭ en tiē sĭ woretipe yx ūnesog imō sĭlebok nĭlebōkevat.

¹⁶ Miyi neteme woroworūm yokesi mokū worenūatokeli aremi, miyi yenūwi pugi Yōsef memokū, Ya okomeviak sugkū, ĭm pah woretovi en desel gi yōūp nesebo ra numpūg.

¹⁷ Mūnesog semet yovūarugi nevag tiame sū nĭseken Fērō, mōvun menok dwoni sū ra woretovi ra numpūg.

¹⁸ Im Yōsef yitamsi memokū, Imō oti worenūatokeli pe mori: Woretovi en desel oti dan desel.

¹⁹ Dan desel ĭm Fērō ontan tevi numpūn, mōvun menok woneni fan enugkĭk.

²⁰ Mō metepū ran dan deselugi, dan mori Fērō yumprokomol‐wi, iyi yumpi narĭgari nĭsekonda ōvun lĭvsx sx eni; miyi yōmetipe neteme torugat dal ōvun lĭvsx eni, ĭm neteme woroworūm sugkū.

²¹ Miyi yōmetipe nĭvūo ra ōvun torugat ra numpūrah eni, miyi yomovugi Fērō kup ra noboken eni.

²² Miyi nĭvūo ōveteme woroworūm yĭmaleki‐wan iyi, sugkū Yōsef yĭpmenūwi pun ōra.

²³ Kō iyi neteme torugat mori yetūĭnteme Yōsef, yitavrĭvri ugi iyi.