Kenesis 38 - Kenesĭs 1914 Ruth 1932 (Erromanga)

¹ Mō metepū ra nĭmpugon mori, Yūda iyep marokonda ravĭnsīeme eni, mō ĭmpe morokotewi ūndū sī neteme Adulam, nin eni Hīra.

² Im Yūda yokesi yūi sī nĭtni ĭtnasiven eni neteme Kēnan, nin eni mori Sūa, miyi yive ūnesog pugi.

³ Miyi misara mō impī iran nĭtni mō matov nin eni memokū Er.

⁴ Miyi yōīmsara mō ĭmpī nĭtni, mō matov nin eni memokū Onan.

⁵ Miyi yōĭmsara mō ĭmpī nĭtni, mō matov nin eni memokū Sila, yumol iyi ra nūrū Kesiv.

⁶ Im Yūda yivī retepon nĭsekon Er nĭtni eni, nin eni Tamar.

⁷ Im Er, ĭtnetemefe eni Yūda yeti narekĭndi ūnĭpmi eni Iehōva ĭm Iehōva yĭmtī iyi.

⁸ Im Yūda yenūwi pugi Onan memokū, Eve ūnesog pugi retepon eni avĭnsī kĭk, metovrugi iyi mō ĭmpī ōvun nĭtni woretampenememugi apmi sī.

⁹ Im Onan yokili mokū ōvun novsen mori otū anti eni, ĭm pol sugkū yive ūnesog pugi retepon avĭnsī eni yitanĭmpe ra nemap woretūvugi nĭtni woretampenemugi avĭnsi.

¹⁰ Mimō mori iyi yumpi yeti sat ūnīpmi eni Iehōva; miyi yĭmtī iyi sugkū.

¹¹ Im Yūda yenūwi pugi Tamar rovugon memokū, Etendōwi neviumpūwi ra nimō eni ĭtemen‐e‐kĭk, mafeli nĭmpugon Sila nĭtūg onalam, ĭt iyi yĭpmenūwi memokū, kū en tawi iyi amas sugkū ravĭneme eni; ĭm Tamar yive mō metendōwi ra mumpon nimō eni ĭtemen eni.

¹² Penūri dan sū sikat nĭtnĭ eni Sūa, retepon eni Yūda yimas; ĭm Yūda yorĭgi ves, mō ĭmpe pun ōra mori dūovi ōvun pugipugi eni, ra nūrū Tĭmna, ĭm Hīra, neteme Adulam, avĭn eni ūndū.

¹³ Yetĭn enūwi pugi Tamar memokū, Pah ĭtemen eni asūm umampe ra Tĭmna worovi ōvun pugipugi eni.

¹⁴ Miyi isēoviap ugi ōvun memas yevīugi nĭmpugon iyi neviumpūwi, mō ĭm seni nĭpmi eni gi nemas, mō metōeti iyi, mō metesep ra selemsug ūselat ra Tĭmna; ĭt iyi yokesi ma Sila yalam, mō metūvugi woreti retepon eni.

¹⁵ Im Yūda yōkesi iyi memokū nasiven tōeri, ĭt iyi yeseni nĭpmi eni.

¹⁶ Miyi yovlagkx, woreve pugi ra selat, mō menūwi memokū, Ya kum nakīug kĭk magkū ya ampe ūndū kĭk, (it iyi yetūkili iyi rovugon,) miyi yĭmtamsi memokū, Kĭmagkū worovo‐yx en tie worevelum ūnesog po yx?

¹⁷ Miyi yōmenūwi memokū, Ya ampunok nĭtni nani marugi sĭmsĭmak. Miyi yōĭmtamsi memokū, Kĭmagkū worovo‐yx sī en tiē sī woretevĭnepon mafeli nĭmpugon kontamūli pe po yx kū?

¹⁸ Miyi yōmenūwi memokū, Ya kampunok woretevĭnepon lap kĭmagkūn‐tiē? Miyi yōĭmtamsi memokū, Notorevam, ĭm nūrah mori, ĭm woresentūru ra nokopmi enugkĭk. Miyi yōĭmtamsi memokū, Notorevam, ĭm nūrah mori, ĭm woresentūrū ra nokopmi enugkĭk. Miyi yovugi, mō ĭmpe ūnesog pugi, miyi yisara.

¹⁹ Im nasiven itūok mō ĭmpe pelah, mō ĭm sēōviap ugi nemas woreseni nĭpmi eni, mō mevīugi ōvun nemas ra neviumpūwi.

²⁰ Im Yūda yitamūli neteme Adulam avĭn pugi gi nĭtni nani, mokū iyi ōmampī ov nūrah sū eni marugi, kō yetō kesi iyi.

²¹ Miyi yĭmtagkel‐ōra ra nūrū yūi memokū, Yēi nasiven tōeri mori yetisep ra selemsug ūselat? Mirora dūtamsi mūmokū, Tawi sĭ nasiven sugkū ra nūrū ĭgko.

²² Miyi yĭmtorileki pugi Yūda memokū, Ya osorugi ūri yx, mōveteme ra nūrū yūi dūnūwi mūmokū, Tawi sī nasiven tōeri yeti ra nūrū ĭgko.

²³ Im Yūda yōmenūwi memokū, Aremī iyi ampī nĭsekon, kū en tawi ka kū osesakam: pah ya okotamūli imō nĭtni nani, im kotōkesi iyi mori.

²⁴ Mō metepū penūri itīs en desel, Yūda yorigi nam, Tamar rovugon enugkĭk yitampalx, ĭm pah yisara ugi tampalx. Im Yūda yenūwi memokū, Tōri iyi ĭgko ilat, woretni.

²⁵ Dūtōri iyi ilat, miyi yimtamūli nam pugi ĭtemen asūon eni memokū, Ya kum misara ugi neteme mori eni imo sū; miyi yōmenūwi memokū, Tavri nūrian, magkili, imo sū ene mē? notorevam, ĭm nūrah mori, ĭm woresentūra.

²⁶ Im Yūda yokili, mō menūwi memokū, Iyi tanepō mōmū irag, ĭt ya otūvugi iyi Sila nĭtūg; miyi yetūkili iyi nĭmpugon sī mōmū.

²⁷ Mō metepū nĭmpugon iyi yĭgara pah, umaleme ūnetnĭn eni.

²⁸ Im ra nĭmpugon yĭgara sī mori ēevan gi nokoben; ĭm nasiven naveri yēeti nokoben gi nelĭs navilara, memenūwi memokū, Iyi mori itī selat mōbūm.

²⁹ Mō metepū pol sugkū yefalĭmpūt gi nokoben ūnesog, pah, avĭnsī itūratumpeni ilat, miyi yōmenūwi memokū, Pah, nokowo kĭk umlele iram? miyi yatov nin eni memokū Fēres.

³⁰ Penūri avinsī mori gi nelĭs navilara ra nokobĭn, yivēlum ilat; miyi yatov nin eni memokū, Sara.