Kenesis 35 - Kenesĭs 1914 Ruth 1932 (Erromanga)

¹ Im Nōbū yenūwi pugi Iēkob memokū, Etūok meve sah ra Betel, mō metĭndōwi yūi; mumpi yūi sī nefati iran Nōbū mori yĭpmetūrat‐umpeni pug kĭk nĭmpugon kĭmalō marugi nĭpmi eni Iso apmisī.

² Im Iēkob yenūwi pun ōra ra mumpon nimō eni, momwi sū dal iyi, Uwi sep ōvun safi sū namlī dal‐e‐kĭmī,

³ ūsĭndumsi ves kĭmi, mūvīugi ōvun nemas ĭtevx; ĭm kos ke lĭntūok mōmampe ra Betel, ĭm ya onumpi nefati yūi nĭsekon Nōbū ĭyi mori yĭmtamsi po yx ran dan nilaswoni‐yx, mō meti ūndū yx ra selat mori yx mavan?-?go sū.

⁴ Mirora dūvugi Iēkob ōvun safi sū namlī en irora ra numpon nokobĭnda, ĭm nĭveli sū mori duti ran tele?-?gonda, ĭm Iēkob yetiumpeni sū ra mumpon nē ōk potĭpot Sikem.

⁵ Mirora dūavan; ĭm Nōbū yetipe neve?-?kōrakōra iranda ōvun tĭmne sū nagkxugi irōra, mirora dūtūteles‐ōra ōvun nĭtnime eni Iēkob.

⁶ Im Iēkob yive ra Lus ra nūrū Kēnan mori oti Betel, iyi mirora netevokontū sū dal iyi.

⁷ Miyi yumpi nefati yūi, mō movrugi ra nūrū yūi, memokū, Nōbū ra Betel; ĭt iyi Nōbū yetūratumpeni pugi iyūi nĭmpugon iyi yalō maruui nĭpmi eni avtnsī eni.

⁸ Im Debora nasiven nivūo eni Rebeka yimas, dūtĭnemi iyi ra Betel, ra mumpon ōk, miyi yatov nin ōk mori memokū, Nūrūn‐ageri.

⁹ Im Nōbū yōmetūratumpeni pugi Iēkob nĭmpugon iyi yimnē ra Padanaram, mō ĭmpĭe vesyi.

¹⁰ Im Nōpū yenūwi pugi memokū; nin e kĭk Iēkob; kotū onatōv nin enugkĭk magkū Iēkob, Isrēel anti nin e kĭk.

¹¹ Im Nōbū yōmenūwi pugi memokū, Yx Nōbū ra nūsian ugō sū, tandamsah melegetevtevi, wamnē narug kĭk sī numpūn lō ĭm sī sĭmsĭmak ra numpūn lō sū, wamnē marug kĭk ōvun fan lō.

¹² Nemap mori yx mĭpmovgi Ebraham ĭm Isak, ya kum mampunok, ĭm ya kōmampun‐ora ov novsen enugkĭk, penūrok.

¹³ Im Nōbū yisah marugi iyi, marugi nūrū mori iyi yenūwi nam pugi.

¹⁴ Im Iēkob yetipe pĭlar ra nūrū mori Nōbū yenūwi pugi, yumpi ugi nevat, miyi yiwosĭligi ran tan sī sokowar ugi nū, miyi yiwosĭlĭgi dumpon ran tan pe mori sugkū.

¹⁵ Im Iēkob yatov nin nūrū mori Nōbū yenūwi pugi yūi, memokū, Betel.

¹⁶ Mirora dūmnavan dūmnē ra Betel woresenter‐umpeni ra Efrata, ĭm Rētyel yorĭgi nĭtni yiwīok polekū potipot nūrū mori yūi, miyi yĭgara tamas;

¹⁷ mō metepū pol sugkū yĭgara, nasiven woresitū iran yenūwi pugi memokū, Etūemtetugi, kĭk ampī imō nĭtum sugkū.

¹⁸ Im pol sugkū iyi yĭmtī nūrū, ĭt iyi yimas, yatov nin nĭtni eni memokū, Benoni; mĭtemen eni yatov nin eni memokū Benyomĭn.

¹⁹ Im Rētyel yimas, mō mūtĭneme iyi ra Betlehem, mori potipot Efrata.

²⁰ Im Iēkob yokolugi pĭlar ran tan maverĭmpora eni, pe mori oti pĭlar eni Rētyel mafeli imō dan.

²¹ Im Isrēel yōmavan mō metipe tent eni ratekompe ra nimō tantop ra Edar.

²² Mō metepū polekū Isrēel yetĭndōwi ra nūrū yūi, Rūben yalō ūndū Bĭlha sī nasiven eni ĭtemen: ĭm Isrēel yorĭgi ugi.

²³ Mōvun nĭtnĭme eni Iēkob twelv. Mōvun nĭtnĭme eni Lia dūti Rūben, ĭtnetemefe eni Iēkob, ĭm Sĭmion, ĭm Livī, ĭm Yūda, ĭm Isakar, ĭm Sebūlon.

²⁴ Mōvun nĭtni eni Rētyel dūti Yōsef, ĭm Benyomĭn.

²⁵ Mōvun nĭtnĭme eni Bĭlha, nasiven torugat eni Rētyel dūti Dan, ĭm Naftalī.

²⁶ Mōvun nĭtni eni Sĭlpa nasiven torugat eni Lia dūti, Kad ĭm Aser. Irora mori dūti ōvun nĭtnĭme ĭtōvateman eni Iēkob, mori dumprokomol iran ra Padanaram.

²⁷ Im Iēkob yivē pugi Isak ĭtemen eni, ra Mamrē ūntĭmnē Arba, mori oti Hebron; yūi Ebraham ĭm Isak dūpmorekote lap wi.

²⁸ Dan sū eni Isak dūti nevi sū wun hunder ĭm ēti.

²⁹ Im Isak ĭsūma nesumsah mō mas, dūmuriuki iyi pun ōra ravĭneme eni, yeti numpūmetūo, sikat nevi sū iran: ĭm Iēkob ĭm Iso ov nĭtni eni dūtĭnemi iyi.