Kenesis 31 - Kenesĭs 1914 Ruth 1932 (Erromanga)

¹ Im Iēkob yorĭgi nam en irora ōvun nĭtnĭme eni Lēban mūmokū, Iēkob yivī parugi ĭtemene‐kos tiame sū, mō marugi nōetē eni ĭtemene‐kos yesepen numpi iyi horogesah.

² Im Iēkob yokesi nĭpmi eni Lēban yetōkesi ves iran sugkū ĭtetūī.

³ Im Iēhōva yenūwi pugi Iēkob memokū, Torĭleki ra nimō eni ĭtemen‐e‐kĭk pun ōra rapmisīeme ĭm ya anti manti ūndū kĭk.

⁴ Im Iēkob yĭmtamūli worovrugi Rētyel ĭm Lia ra nūrū yui ōvūn sĭmsĭmak sū eni.

⁵ Mō menūwi pun ōra memokū, ya kum magesi nĭpmi eni ĭtemen‐e‐kūm tawi irag sugkū ĭtetūī; kō Nōbū eni ĭtemen‐e‐yx otĭndōwi ūndū yx.

⁶ Im kĭmi umagkili ma yx mĭntorugat iran ĭtemen‐ē‐kūm ugi horog omwisū enyx.

⁷ Mĭtemen‐e‐kūm yĭmpiri‐woko‐yx, yorūnenūwi nam po yx nĭmpugon sū ten memokū ugi nĭpmi nĭsekog, kō Iehōva yetūtenĭmpe iyi worumpi sat irag.

⁸ Nagkū iyi yenūwi memokū, Mōvun nelumelum wanti enugkĭk, penūri sĭmsĭmak sū duvī ov nĭtni nelumelum; ĭm nagkū iyi yenūwi memokū, Wanti enugkĭk ōvun toritori, penūri ōvun sĭmsĭmak mūvī toritori.

⁹ Im Nōbū yivī nōete eni ĭtemen‐e‐kūm mō movo?-?yx.

¹⁰ Mō metepū ra nĭmpugon ōvun sĭmsĭmak dūsar yx melasah ra nemĭviak enyx memokesi, ĭm pah, ōvun nani itōvateman mori dūsuki tan ōvun sĭmsĭmak dūti toritori ĭm nelumelum ĭm tasĭgitasĭgi.

¹¹ Im nagelō eni Iehōva yenūwi po yx ra nemĭviak memokū, Iēkob, ĭm yx mĭntamsi memokū, Pah, yx ĭgko.

¹² Miyi yomenūwi memokū, Elasah, mokesĭ, ōvun nani ĭtōvatemau mori dūsuki tan ōvun nani ĭtōvasiven oti toritori, ĭm nelumelum, ĭm tasĭgi‐tasĭgi, ĭt yx mokesi sū mori Lēban umnumpi iram.

¹³ Yx Nōbū ra Betel yūi kĭk mosĭlĭgi gi dumpon pĭlar mori, yx mori kĭk menūwi nam ūnam po yx; etūok marima meveve marugi imō nūrū, ĭm torĭleki ra nūrū en irora rapmisīeme.

¹⁴ Im Rētyel ĭm Lia dūtamsi mō mūnūwi pugi mūmokū, umante nĭsekomam sĭ en tiē sĭ ra mumpon nimō eni ĭtemen‐e‐kam, kū?

¹⁵ Kam en dūrū sugkū ōvun dōmō iran kū? ĭt iyi yivasĭgi kam, mō ĭmpī parug‐kam muni sū enugkam sugkū.

¹⁶ Popōwo nōetē omwisū mori Nōbū yĭpĭmpĭ marugi ĭtemen‐e‐kam oti enugkam, men irora ōvun nĭtnĭme enugkam; marima omwisū mori Nōbū onūwi pug kĭk, umpi sugkū.

¹⁷ Im Iēkob yevsora mō metipe sah ōvun retepon mōvun nĭtnĭme eni ran tan ōvun kamel,

¹⁸ mō ĭmtōr‐ōra ōv nūrah sū eni ĭm nōetē sū eni mori yĭpīmpī, omwisū mori iyi yĭpĭmpī ra Padanaram, woreve pugi Isak ĭtemen eni ra nūrū Kēnan.

¹⁹ Im Lēban yivē worovi noveliran ōvun pugipugi eni; ĭm Rētyel yumprok ōvun safi eni ĭtemen eni.

²⁰ Im Iēkob yenūaveni navan pugi Lēban neteme Sĭria, yetūnūwi pugi iyi mokū woralō.

²¹ Miyi yalō dal omwi sū eni; yitūok mō metuvogones ra nĭntelep, ye?-?sareki numpūo Kĭliad.

²² Ran dan deselugi Lēban yorĭgi nam Iēkob yalō.

²³ Miyi yĭmtor‐ōra ravĭnsĭeme eni dal iyi mō mūlesi dan sū seven, mō mosenterugi iyi ra numpūo Kĭliad.

²⁴ Im Nōbū ivelum pugi Lēban neteme Sĭria ra nemĭviak eni pūmrok, mō menūui pugi memokū, Efĭnte kĭk e pe kĭk woretūnūwi pugi Iēkob mampum aremī penūri sat.

²⁵ Im Lēban yūosenterugi Iēkob; ĭm Iēkob yētīpe tent eni ran tan numpūo; im Lēban sugkū, ĭm ravĭnsīeme eni, dūtipe en irora ra numpuō Kĭliad.

²⁶ Im Lēban yenūwi pugi Iēkob memokū, Tiē imō kĭk umpi, kotūnuaveni navan enugkĭk po yx, mō ĭmtōr‐ōra pelah ōvun nĭtūgeme sugkū nagkū umondor‐ōra ra ūbrami?

²⁷ Irantiē kĭmalō metiumpeni sugkū, mempiri?-?woko‐yx, kotūnūwi po yx, ma yx pitanĭmpe kĭk ugi navos, mugi narufo ĭm nxerugis ĭm harp.

²⁸ Kotuvo‐yx worosūgū iranda ōvun nĭtūgeme ĭtnateman mitnasiven, kĭk umpi mori otū e ves iram.

²⁹ Yx faneteme woretampenĭgi nugkugo iram, kō Nōbū eni ĭtemen‐e‐kĭk onūwi po yx ninū pūmrok memokū, Efĭnte kĭk e pe kĭk woretūnūwi pugi Iēkob mampūm aremī penūri sat.

³⁰ Im kĭk okeve, ĭt kĭk yūrūn‐akīugi tamas woreve ra nimō eni ĭremen‐e‐kĭk, kō irantiē kĭmumprokugi ōvun safi enyx?

³¹ Im Iēkob yĭmtamsi pugi Lēban memokū, Popōwo yx nĭmtetug kĭk, it yx menūwi memokū, Nagkū kĭk peto?-?rĭferugi paroko‐yx ōvun nĭtnĭme ĭtnasiven enugkĭk.

³² Nagkū kagesi sī ra ōvun safi enugkĭk ūndū sī, iyi mori otū omūrep; tavri nūrian enugkĭk ūndū yx, ūnimĭnda ravĭnsīeme enugkos, mō mampī enugkĭk, ĭt iyi Iēkob yetūkili ma Rētyel yumprokugi irora.

³³ Im Lēban yivē ūnesog ōvun tent eni Iēkob ĭm Lia, mōvasiven torugat en dūrū sugkū kō yetōkesi; penūri yetūratumpeni ilat ra tent eni Lia mō ĭmtempent ra tent eni Rētyel.

³⁴ Im Rētyel yĭpimpī ōvun safi mori mō metiumpeni ra mumpon ov nūrah ra ōvun Kamel mō metesep ran tanda. Im Lēban yĭmesor‐emelĭmel tent mō metōkesi.

³⁵ Miyi yenūwi pugi ĭtemen eni memokū, Narisah enyx, etūaloke po yx ĭt ya otū faneteme woretūok ra nĭmtum, īt yx marima sugkū ovasiven. Miyi yĭmesoremelĭmel mō metōkes‐ōra ōvun safi mori.

³⁶ Im Iēkob yarakī mō mevriori Lēban; ĭm Iēkob itamsi mō menūwi pugi Lēban memokū, Nagka‐agkx en yx tiē?

³⁷ Sat enyx en tiē? ma kĭk melesi yx ĭtnum. Kĭk mēoremelĭmel nōete sū enyx, kokesi en tiē marugi nōetē omwi sū ra nimō enugkĭk? etipe sep ĭgko ra nimĭnda ravūgsīeme ĭm rapisīeme, mirora wonūrian pug kos.

³⁸ Nevi sū twenti yx metĭndōwi ūndū kĭk, ōvun pugipugi mōvun nani ĭtovasiven tawi umlat, ĭm yx metū‐eni ĭtōvateman ra sĭmsĭmak enugkĭk.

³⁹ Yx metūvunok ima mori yeti nelĭntevi, yx mĭntampenemugi, mēugūri yx nagku yumprok ran dan kū pūmrok.

⁴⁰ Yx mete sugkū; nen ran dan yetni yx, ĭm ra pūmrok neteponta yiwī yx, ĭm yx ĭmtemsora en dan.

⁴¹ Sugkū imō nevi sū twenti mori yx metĭndōwi ra nimō enugkĭk; yx mĭntorugat ĭram nevi sū fōrtin ra ōvun nĭtnĭme en dūrū enugkĭk, ĭm nevi sū sĭkes ra ov nūrah sū enugkĭk, ĭm kĭk morūnūnūwi nevasi nĭsekog ov nimpugon ten;

⁴² nagkūn tawi Nōbū eni ĭtemen‐e‐yx, Nōbū eni Ebraham, ĭm Nĭmtetugi eni Isak tawi ūndū yx, ĭtnesog kĭk petamūli yx pelah wokon; Nōbū yĭmokesi norĭgumpūnū enyx ĭm nagalx enyx mo menūamwūs pug kĭk ninū pumrok.

⁴³ Im Lēban yĭmtamsĭ pugi Iēkob memoku, Irora itōvasiven enyx, menyx irora ōvun nĭtnĭme, menyx sĭmsĭmak, menyx omwisū mori kĭk emagesi, ĭm yx faneteme worumpĭntiē iranda ōvun nĭtĭme ĭtnasiven enyx, kū iranda ōvun nĭtnĭnda sū mori iroran dūvī?

⁴⁴ Elum, aremī kos manūwi nam ūnam, yx ĭm kĭk, magkū worumpūvsok irant.

⁴⁵ Im Iēkob yivī sī nevat mō metipe ra pĭlar ūnam.

⁴⁶ Im Iēkob yenūwi pun ōra ravĭnsī eme eni memokū, Wosĭmsĭmugi ōvun nevat; miroran dūvī ovun nevat mō mumpi tagesah, mirora dwoni yūi ran tan tagesah mori.

⁴⁷ Im Lēban yatov nin e pe memokū, Tī nara numpūvsok; ĭm Iēkob yatov nin e pe memokū, Tagesah numpūvsok.

⁴⁸ Im Lēban yenūwi memokū, Imo‐Tī‐nara mori oti numpūvsok tovune‐yx ĭm tovunok, irē pen dan, popōwo pe sugkū, yatov nĭn e pe memokū, Kalid;

⁴⁹ sī momū nin mori, Mispa, ĭt iyi yenūwi memokū, Iehōva avles tovune‐yx ĭm tovunok, pol sugkū kos kū mante sī teven?-?go.

⁵⁰ Kĭk otū onelaswon‐ōra ōvun nĭtūgeme ĭtnasiven, kotū onetovrugi ōv asiven mōmū ra ōvun nĭtūgeme, tawi sī neteme dal kos igko, pah, Nōbū iyi numpūvsok tovune‐yx ĭm tovunok.

⁵¹ Im Lēban yenūwi pugi Iēkob memokū, Okesi imō Tī‐nara, mokesi imō tagesah mori ya okotipe ĭlebōteven yx ĭm kĭk.

⁵² Imō Tī‐nara anti numpuvsok ma ya anta?-?sĭgi imō Tīnara woreve punok, ĭm kĭk otū ontasĭgi ĭmō Tīnūrū worevelum po yx magkū worumpi sat.

⁵³ Iyi Nōbū eni Ebraham ĭm Nōbū eni Nēhor, ĭm Nōbū eni itemen iroran dūrū, ūrian irant kos en dūrū, ĭm Iēkob yenūwi nam ūnam memokū ugi Nĭmtetugi eni Isak ĭtemen eni.

⁵⁴ Im Iēkob yĭmsokowar sī sōkōwar ran tan numpūo mō movrok‐onda ravĭnsīeme woreni yōūp; miroran dwoni yōūp mō morokoti lap ra numpūo pūmrok mori.

⁵⁵ Yumti dan ĭm Lēban yevsora mō ĭm sūgū iranda ōvun nĭtnĭme ĭtnateman nĭtnasiven eni, mō ĭmpīeves irora, ĭm Lēban yavan mō ĭmtorĭleki ra nūrū eni.