Kenesis 29 - Kenesĭs 1914 Ruth 1932 (Erromanga)

¹ Im Iēkob yavan ra selat eni mō ĭmpe ra nūrū en irora ōveteme ūnūrū.

² Miyi yokesi ĭm pah, nū‐ĭtokeli ra sī nūrū, mōvun sĭmsĭmak en desel ra ōvun pugi‐pugi dūmalē ra nokoren pe, marugi nū‐ĭtokeli mori ōveteme dūvun‐ora ōvun sĭmsĭmak sū nū, ĭm nevat tamas yeti ra naveran eni nū‐ĭtokeli.

³ Mōvun sĭmsĭmak dūsĭmsĭm?-?ugi yūi, dūovolevoli nevat ra naveran nū‐ĭtokeli mō movun‐ora ōvun sĭmsĭmak nū mō mūtipe nevat ran tan naveran nū‐ĭtokeli ra nūrūn pe.

⁴ Im Iēkob yenūwi pun ōra memokū, Ravūgeme, kūm nēa? Mirora dūtamsi mūmokū, Kā ke lemnē Hēran.

⁵ Miyi yĭmtagkel‐ōra memokū, Kĭmi umagkili Lēban nĭtni eni Nēhor kū? Mirora dūtamsi mūmokū, Ka kĭm lagkili iyi.

⁶ Miyi yōmenūwi pun ōra memokū, Iyi ra nĭnparata kū? Mirora dūtamsi mūmokū, Nĭnparata, ĭm pah Rētyel, nĭtni ĭtnasiven eni, umprokevelum dal ōvun sĭmsĭmak.

⁷ Miyi yōmenūwi memokū, Pah, pōakas wokon, aremī mesĭmsĭmok‐onda ov nūrah sū marima kū? Miyi yōmenūwi memokū Uvun‐ōra ōvun sĭmsĭmak nū mō mūve worevōvū.

⁸ Mirora dūnūwi, Ka ke letū faneteme mafeli nĭmpugon sĭmsĭmak sū wosĭmsĭmok‐onda, pol ka ke lenevolevoli nevat marugi naveran nū‐ĭtokeli, ĭm ka ke lampun‐ōra ōvun pugipugi nū.

⁹ Polekū iyi yumprokam pun ōra Rētyel ivelum dal ōvun sĭmsĭmak sū eni ĭtemen, ĭt iyi yafĭnte irora.

¹⁰ Mō metepū pol sugkū Iēkob yokesi Rētyel nĭtni eni Lēban, avĭnsī eni dĭneme eni Iēkob, yive potipot mō mevolevoli nevat marugi naveran nū‐ĭtokeli mō movugi sĭmsĭmak eni avĭnsī dĭneme eni nū.

¹¹ Im Iēkob yĭmsūgū iran Rētyel, mō ĭm tugageri sah.

¹² Im Iēkob yenūatumpeni pugi Rētyel memokū iyi avĭnsī eni dĭ neme eni, nĭtni eni Rebeka; ĭm Rētyel yalō mō manūatumpeni pugi ĭtemen eni.

¹³ Mō metepū pol sugkū Lēban yorĭgi nam ugi Iēkob nĭtni eni vĭven, iyi yalō worevetĭt iran miyi yĭmalekep mō ĭm sūgū iran, mō ĭmtōri ra nimō eni. Miyi yitampĭgi imo sū pugi Lēban.

¹⁴ Im Lēban yenūwi pugi memokū, Itnesog kĭk oti nōirag ĭm fan enyx. Im Iēkob yetĭndōwi ūndū iyi sī itīs omwi sū.

¹⁵ Im Lēban yōmenūwi yugi Iēkob memokū, Popōwo kĭk oti avĭnsī yx kĭk otū ontarugat irag wokon, Enūwi po yx, antĭn nevasi enugkĭk, Kĭmagkūn‐tiē?

¹⁶ Nĭtni ĭtnasiven en durū eni Lēban, nin eni ĭtnetemefi Lia, ĭm nin eni ĭtevirok Rētyel.

¹⁷ Nĭpmi eni Lia yeti nĭmtumdi, kō Rētyel yeti fanasiven, yalepēves.

¹⁸ Im Iēkob yelīntugi Rētyel mō menūwi memokū, ya ontarugat iram nevi sū seven ra Rētyel nĭtni ĭtnasiven ĭtevirok enugkĭk.

¹⁹ Im Lēban yōmenūwi memokū, Mōmū aremī worovunok iyi ra neteme sī, Etĭndōwi ūndū yx.

²⁰ Im Iēkob yitorugat iran nevi sū seven ra Rētyel, miyi yimokū irora nĭmpugon potipot popōwo ugi nelĭntugi eni nĭsekon Rētyel.

²¹ Im Iēkob yenūwi pugi Lēban, Ovo‐yx retepon enyx, ĭt yx mĭntampeli dan sū woretorugat iram, ĭm ya ampe ūnesog iran.

²² Im Lēban yesĭmsĭmok‐onda ōveteme sū ra nūrū mori mō mumpi narĭgari.

²³ Mō metepū ra pōarap‐arap iyi yivī Lia nĭtni ĭtnasiven eni mō ĭmtōri pugi. Im Iēkob ivē ūnesog pugi.

²⁴ Im Lēban yovugi Lia nĭtni eni Sĭlpa ĭtnumpōkon eni woreti nasiven torugat eni Lia.

²⁵ Mō metepū prūbokom, pah, Lia; ĭm Iēkob yōmenūwi pugi Leban memokū, Tiē imō kumpi irag? Yx ĭm torugat iram ra Rētyel kū? Irantie kĭm nĭmpiri‐woko?-?yx?

²⁶ Im Lēban yĭmtamsi memokū, Ra nūrū kam ka ke letū ampugi nĭtni ĭtevirok mam‐pum;

²⁷ okompeli wik eni ĭm ka ke lampunok iyi mori sugkū, ĭm kĭk ontarugat irag nevi sū seven mōmū.

²⁸ Im Iēkob yumpi sugkū mō mokompeli wik eni Rētyel, ĭm Lēban yovugi iyi Rētyel nĭtni eni nĭsekon retepon eni Iēkob.

²⁹ Im Iēkob yovugi Rētyel nĭtni eni Bĭlha ĭtnumpokon eni ra nasiven torugat eni Rētyel.

³⁰ Miyi yive ūnesog iran Rētyel, miyi yelĭntugi Rētyel mōmū aremī ra Lia, mō ĭm torugat iran Lēban, nevi sū seven mōmū.

³¹ Im Iehōva yokesi ma Lia yeti nokesisat, miyi yovugi nĭtni, kō Rētyel yeti umlat.

³² Im Lia yisara mōĭmpī nĭtni mō matov nin eni memokū, Rūben, ĭt iyi yenūwi memokū, itnesog, Iehōva yokesi norĭg‐umpūnū enyx, ĭm marima asūg onelĭntugi yx.

³³ Miyi yōmisara mō ĭmpī nĭtni mō menūwi memokū, Iehōva yorĭgi ugi nokesi sat po yx ĭt iyi yovo‐yx imō sugkū, miyi yatov nin eni memokū Sĭmion.

³⁴ Miyi yōĭmpī nĭtni sī mōmū mō menūwi memokū, Imō nĭmpugon asūg onelĭntugi yx tamas, ĭt yx mevī iran nĭtnĭ en desel, popōwo pe sugkū sī yatov nin eni memokū Livī.

³⁵ Miyi yōĭmpĭ nĭtni sī mōmū mō menūwi memokū, Nĭmpugon marima ya onaaves Iehōva, popōwo pe sugkū yatov nin eni memokū Yūda: miyi yōmetūvī nĭtni.