Kenesis 27 - Kenesĭs 1914 Ruth 1932 (Erromanga)

¹ Mō metepū pol sugkū Isak yeti numpūmetūo mō mēi, yetōkesi, miyi yovrugi Iso ĭtnetemefi eni mō menūwi memokū, Nĭtūg; miyi yĭmtamsi pugi memokū, Pah, yx ĭgko.

² Miyi yōmenūwi memokū, Pah, marima ya oti numpūmetūo, ya otūkili nĭmpugon dan ya amas.

³ Marima, ya kum nesenug kĭk, vī nēet ĭm nefani enngkĭk mō ĭmpe ūnavunavo woretī ov nūrah nĭsekog;

⁴ worumon nevag aremī nĭsekog sugkū ya kum nelentugi, mō ĭmpī ĭm pelum irag ĭm ya oneni, ma naviat enyx ampīeves kĭk nĭmpugon ya otū mas.

⁵ Im Rebeka yorĭgi nam polekū Isak yam pugi Iso nĭtni eni; ĭm Iso yive ūnavunavo woretī ov nūrah worevī.

⁶ Im Rebeka yenūwi nam pugi Iēkob nĭtni eni memokū, Pah, ya origi nam mori ĭtemen‐e‐kĭk onūwi pugi Iso mori apmi sī.

⁷ Vī ĭm pelum po yx nevag, worumon nevag aremī nĭsekog, ĭm ya kampīeves kĭk ūnĭpini eni Iehōva ra nĭmpugon ya otū mas.

⁸ Im marima nĭtūg, Sĭndiuki naviag, umpi sugkū ya kum pasewug kĭk.

⁹ Eveve marima ran sĭmsĭmak, mō ĭmpī ĭm pelum nĭtni en dūrū nūval, ĭm ya onumpi gi nevag aremi nĭsekon ĭtemen‐e‐kĭk sugkū iyi umnelentugi.

¹⁰ Kampugi ĭtemen‐e‐kĭk miyi oneni, ĭm naviat eni ampīeves kĭk pol sugkū iyi otū mas.

¹¹ Im Iēkob yenūwi pugi Rebeka dĭneme eni memokū, Pah, Iso avūgsī oti neteme novĭliran ĭm ya oti neteme naviavia:

¹² nagkū ĭtemen‐e‐yx ontavtavi yx iyi agkū yx neteme nĭmpiri, ĭm ya kampī navoret irag ĭm tawi nevīeves.

¹³ Yōmenūwi dĭneme eni pugi memokū Eti irag navoret enugkĭk, nĭtūg; kō sĭndiuki naviag, eveve mō ĭmpī ĭm pelum po yx.

¹⁴ Miyi yive mō ĭmpī ĭmpelum, mō movugi dĭneme eni, ĭm dĭneme eni yiworumon nevag aremī sugkū ĭtemen eni yelĭntugi.

¹⁵ Im Rebeka yivī sĭmplxon aremi eni Iso ĭtnetemefi eni mori ra mumpon nimō ūndū iyi, mō mevīugi iran Iēkob nĭtni eni ĭtevirok.

¹⁶ Miyi yĭnovsen gi nokolĭstan ōvun nĭtni nani ra nokoben eni, ĭm ra naviavia nōwan eni.

¹⁷ Miyi yovugi nevag mori ĭm yōūp mori iyi yiworomon ra mumpon nokoben eni Iēkob nĭtni eni.

¹⁸ Miyi yive pugi ĭtemen eni mō menūwi memokū, Itemen‐e‐yx, miyi yĭmtamsi memokū, Yx ĭgko; kĭk e mē nĭtūg?

¹⁹ Im Iēkob yĭmtamsi pugi ĭtemen eni memokū, Yx Iso ĭtnetemefi enugkĭk, ya umpi sugkū nĭmpa‐sewugi enugkĭk, Etūok, ya kum mĭntagkolok, etesep meni ra nevag enyx, ma naviat enugkĭk ampī eves yx.

²⁰ Im Isak yenūwi pugi nĭtni eni memokū, Tiē imō? Kik osorugi ĭtnum nĭtūg. Miyi yĭmtamsi memokū, Ima mori Iehōva Nōbū ēnugkĭk umpi worevelum ūnĭmtug.

²¹ Im Isak yōmenūwi pugi Iēkob memokū, Elum potipot, ĭm ya ontavtavi kĭk, nitūg, nagkū kĭk nĭtūg Iso kū tawi.

²² Im Iēkob yive potipot Isak ĭtemen eni, miyi itavtavi iran, mō menūwi memokū, Navian eni Iēkob, kō nokoben enĭ Iso.

²³ Miyi yetūkili aremī, ĭt nokoben en dūrū dūti noviliran sugkū nokoben eni Iso; miyi yivīeves iyi, mō menūwi memokū.

²⁴ Kik Iso nĭtūg kū? Miyi yĭmtamsi memokū, Yx.

²⁵ Miyi yōmenūwi memokū, vī ĭmpelum ĭgko ra nokoren enyx, ĭm ya oneni nevag eni nĭtūg, ĭm naviat enyx ampīeves kĭk. Miyi yivī ĭm pelum ra nokoren eni, miyi yivī ĭm pelum wīn, miyi moneki.

²⁶ Im Isak ĭtemen eni yōmenūwi pugi memokū, Elum potipot, ya kum nakīugkĭk, ĭm sūgū irag, nĭtūg.

²⁷ Miyi yive potipot mō ĭm sūgū iran, miyi yorĭgi nĭmpen‐e‐ves ra sĭm‐plxon eni mō ĭmpīeves iyi, mō menūwi memokū, Pah, nĭmpen‐e‐ves eni nĭtūg, oti sugkū nĭmpen‐e‐ves ra nūrū mori Iehōva yivīe ves.

²⁸ Aremī Iehōva ampunok ra neneman ūnumpōkop ĭm nūval ra nemap, ĭm nevag ĭm wīn tamas wokon;

²⁹ aremī netevokontū sū worotorugat iram, mov numpūn lō sū wontelasep iram, kĭk anti narisah en irora ravĭnsīeme enugkĭk, wontelasep iram ōvun nĭtnĭme eni dĭneme kĭk; irora mori umnavoret iram, anti nevī‐e‐ves iranda sū.

³⁰ Mō metepū pol sugkū Isak isūma worevīevs Iēkob, im Iēkob yīve marugi nĭpmi eni Isak ĭtemen eni, Iso avĭnsī eni yĭmtorĭmpe ūnesog yĭmne ra ilūx.

³¹ Miyi yiworomon nevag aremī sugkū mō ĭmpī ĭmpelum iran ĭtemen eni mō menūwi pugi ĭtemen eni memokū, Itemen‐e‐yx, Etūok, meni ra nevag eni nĭtum, ma naviat enugkĭk ampīeves yx.

³² Im Isak ĭtemen eni yenūwi pugi memokū, Kĭk e mē? Miyi yĭmtamsi memokū, Yx, Iso, nĭtum ĭtnetemefi enugkĭk.

³³ Im Isak yevekōrekōra tamas wokon, mō menūwi memokū, Mē iyi mori okoworumon nevag aremī mō ĭmpī ĭm pelum po yx ĭm ya kapmeni ra omwisū nĭmpugon kĭk otū velum, mō ĭmpīeves iyi, mĭtnesog iyi oti nevīeves.

³⁴ Pol sugkū Iso yorĭgī imō nam eni ĭtemen eni yĭmtugageri sah ugi nasora ta‐mas, mō menūwi pugi ĭtemen memokū. Pīe‐ves yx, yx sugkū, nate yx.

³⁵ Im Isak yōmenūui memokū, Avĭnsī kĭk okevelum ugi nĭmpiri mĭpĭmpī nevīeves enugkĭk.

³⁶ Miyi yōmenūwi memokūv, Yatov nin eni memokū Iēkob kū? Itnesog; ĭt iyi nĭmpugon dūrū yevsi nōwog, iyi yĭpĭmpī paroko yx ima mori ugi ĭtnetemefi enyx, ĭm pah, marima iyi yevī paroko‐yx nevīeves enyx. Im Iso yim?-?tagkeli memokū, Kik okevī nevīeves sīteven nĭsekog kū?

³⁷ Im Isak yĭmtamsi pugi Iso memokū, Pah, ya kup?-?mumpi iyi narisah enugkĭk, mirora ravĭnsīeme sū eni ya kovugi woretorugat iran; ĭm ya okesitū iran gi nevag ĭm wīn, ĭm ya onumpĭn‐tiē nĭsekom, nĭtūg?

³⁸ Im Iso yōmenūwi pugi ĭtemen eni memokū, Ah! nate yx, enugkĭk nevīeves sīteven wokon kū? Pī‐eves yx, yx sugkū, Ah, nate yx; ĭm Iso yōīmtugageri sah.

³⁹ Im Isak ĭtemen eni yōĭmtamsi pugi memokū, Pah, anti nevīeves enugkĭk ugi nūval ra nemap, ĭm ra neneman ūnumpōkop amnē ra ĭmĭlūo.

⁴⁰ Im kĭk omūrep ugi nxetūga enugkĭk, ĭm kĭk on tarugat iran apmi sī; mantepū pol sugkū kĭk horogesah otū ontarugat iram mōmū.

⁴¹ Im Iso yĭmakan pugi Iēkob popōwo ugi nevīeves mori ĭtemen eni yĭpĭmpīeves iyi ugi; ĭm Iso yesepen enūwi ūnowan eni memokū, Isūma dan sū wor akūer ra ĭtemen‐e‐yx, penūri ya ontī Iēkob avĭn sī yx.

⁴² Im sī yenūatumpeni pugi Rebeka, imō nam eni Iso; miyi itamūl‐ōra woretōri Iēkob nĭtni ĭtevirok, eni mō menūwi pugi memokū, Pah, avĭnsī kĭk umōavki‐wug kĭk;

⁴³ nĭtūg, sĭndiuki naviag, Etūok malō iran Lēban avugsī ra Hēran;

⁴⁴ orokote lap wi ūndū iyi mafeli nĭmpugon narakī eni avĭnsī kĭk umpi iran,

⁴⁵ penūri ya ōntamūl‐ōra woretōrok igko marugi nūrū yūi; pah wanti nevī paroko‐yx kĭm en dūrū ran dan sīteven kū?

⁴⁶ Im Rebeka yōmenūwi pugi Isak memokū, Ya otum nakīugi woromūrep popōwo ugi ov nītnĭme ĭtnasiven eni Het; nagkū Iēkob andiuki nasiven eni marok‐onda ĭtōvasiven eni Het sugkū irora‐mō ra nūrū ĭgko, tiē aremī nomūrep enyx irag?