Kenesis 26 - Kenesĭs 1914 Ruth 1932 (Erromanga)

¹ Yetĭn tamas ra nūrū mori penūri temas ran dan su eni Ebraham. Im Isak yivē pugi Abĭmelek natemonōk en irora ōveteme Fĭlis ra Kirar.

² Im Iehōva yetūratumpeni pugi mō menūwi pugi memokū, Etūyep ra Ityipt, orokte‐lap‐wi ra nūrū ĭgko mori yx mĭpmenūwi pug kĭk memokū ugi.

³ Orokote‐lap‐wi ra nūrū igko ĭm ya kanti ūndū kĭk woreveīeves kĭk ĭm ya kampunok ĭm novsen enugkĭk nūrū sū imo sū. Ya onampesog nam ūnam enyx mori yx menūwi pugi Ebraham ĭtemen‐e‐kĭk.

⁴ Im ya onumpi novsen enugkĭk worelegetevtevi sugkū mosi sū ūnpōkop mō mampugi novsen enngkĭk nūrū sū ĭgko omwi sū; mov netevokontū sū omwisū ra nemap wampī e ves irora ugi novsen enugkĭk.

⁵ Popōwo Ebraham yĭmsendiuki ves nam enyx memmekompeli nam horog enyx mōvun pasewugi sū, ĭm nam sū alam enyx.

⁶ Im Isak yĭmetĭndōwi ra Kirar:

⁷ mōveteme ra nūrū iyūi dūtagkeli iyi ugi retepon eni, miyi yenūwi memokū, Iyi vĭvenug, ĭt iyi yĭmtetugi worenūwi magkū, Iyi retĭg, kū en tawi ōveteme ra nūrū mori wantalugi iyi ra Rebeka, ĭt iyi fanasiven.

⁸ Mō metepū pol sugkū dan sū ĭsūma worekote lap iyūi, Abĭmelek natemonēk enirora ōveteme Fĭlĭs yokesī‐go ra nilara mō mokesi ĭm pah Isak yale ūndū Rebeka retepon eni.

⁹ Im Abĭmelek yovrugi Isak mō menūwi pugi memokū, Pah iyi ĭtnesog, retepon enugkĭk, Irantiē kimenūwi memōkū iyi vĭven enugkĭk? Im Isak yĭmtamsi memokū, It yx menūwi memokū, Kū en tawi ya amas ra iyi mori.

¹⁰ Im Abĭmelek dōmūnūwi memokū, Tiē imō kĭmumpi? Nagkū sī netme ra netevokontū palē ūndū iyi kĭk petipe noworepatĭvi ĭramam.

¹¹ Im Abĭmelek yĭmpasewokonda ov netevokontū memokū, iyi mori osugkori imō neteme kū retepon eni amas.

¹² Penūri Isak yōwi ra nūrū yūi mō mevī ima nevi wun hunder ra sī: ĭm Iehōva yivīeves iyi.

¹³ Im Isak yetepū nūsian mō mumproketeli horoge sah mafeli nĭmpugon iyi yeti ra nūsian tamas.

¹⁴ Eni ōvun sĭmsĭmak ra ov nūrah mōvun torugat sikat mōveteme Fĭlĭs dūarekara iran.

¹⁵ Mov nū‐itokeli sū ōvun torugat eni Ebraham ĭtemen dokoil, ōveteme Fĭlĭs dūsumpat mō mūsevi gi navivon nemap.

¹⁶ Im Abĭmelek yōmenūwi pugi Isak memokū, Eve marug kam, ĭt e kĭk oti mōmū nusian ĭramam.

¹⁷ Im Isak yivē pelah mō metipe tent eni ra nomolsep Kirar, mō metĭndōwi yūi.

¹⁸ Im Isak yokōl ōvun nū‐itokeli mori irora dūpmokol ran dan sū eni Ebraham ĭtemen eni, it irora ōveteme Fĭlĭs dūmūsevi irora penūri Ebraham yimas; miyi yatov ninda memokū ugi ōvun ninda ĭtemen eni yĭpmatov ninda.

¹⁹ Mōvun lĭvsx eni Isak dokol ra nūrū nomolsep mō mokesi yūi novuanda mori yorari.

²⁰ Mōv navles ra ōvun sĭmsĭmak ra Kirar dūōil dal ovnavles ra sĭmsĭmak sū eni Isak mūmūnūwi mūmokū, Nū enugkam, miyi yatov nin nu‐itokeli memokū, Nxekūmwi, ĭt irora dūmūrūn‐xore‐wi dal iyi.

²¹ Mirora dōmokol nū‐ĭtokeli nelepon sī mō‐mxorūwi ugi sugkū, miyi yatov nin e pe memokū, Nakan.

²² Miyi yivē pelah marugi nūrū mori mō mokoli nū‐itokeli nĭlepon sī mōmū, mirora dūtūxoruwi mōmū miyi yatov nin nuitokeli mori memokū Tanterum, yōmenūwi memokū, It marima Iehōva yumpi tanterum nĭsekont, ĭm kos wantĭndamsah ra nemap.

²³ Miyi yivesah marugi nūrū mori ra Birsiba.

²⁴ Im Iehōva yetūratumpeni ra pūmrok mō menūwi pugi memokū, yx Nōbū eni Ebraham ĭtemenk kĭk, etū‐emtetugi, ĭt yx ūndū kĭk mō mampīe ves kĭk, mō malegetevtevi novsen enugkĭk popōwo ugi Ebraham lĭvsx enyx.

²⁵ Miyi yumpi nefati yūi mō movrugi iran nin eni Iehōva mō metipe tent eni yūi mōvun lĭvsv eni Isak dokol nū‐ĭtokeli yūi.

²⁶ Im Abĭmelek yivē pugi yĭmnē ra Kirar, ĭm Ahūsō avĭn eni, ĭm Fīkol nivūo ra tentūrū sū ūbrami eni.

²⁷ Im Isak yenūwi pun ōra memokū, Irantiē kĭmi kūvelum pō yx ĭt e kūmnakan po yx mō ĭmtamūli yx pelah marug kūm?

²⁸ Mirora dūtamsi pugi mūmokū, Itneseg kam lokosi ma Iehōva yeti ūndū kĭk ĭm kam lenūwi nūmokū, Aremī kos kĭm lanūwi nam pug kos woreti ĭramam miram,

²⁹ kos lanūwi imō nam mokū, Aremī kos werenūwi nam ūnam magkū kĭk otū onumpi sat ĭramam, ĭm kam letū umpi sī sat iram, ĭm kam lumpi aremī wokon nĭsekon mō īmtamūlok pelah ra nĭnparata, marima kĭk oti nevīeves ugi Iehōva.

³⁰ Miyi yumpi narĭgari nĭsekonda,

³¹ mirora dwoni mō moneki; mō mūtūok, yumtĭn dan dūmūnūwi nam ūnam pun ōra.

³² Im Isak yitamūlōra mirora dūvē marugi ra nĭnparata. Mō metepū ran dan mori ōvun torugat eni Isak dūvelum pugi mō mūnūwi mūmokū ugi nū‐itokeli mori dumprokokol, mūmūnūwi mūmokū, Ka ke lokesi nū.

³³ Miyi yatov nin e pe memokū, Siba popōwo pe nin ūntĭmne yūi oti Birsiba mafeli nĭmpugon marima.

³⁴ Dūti nevi sū forti iran Iso pol sngkū iyi yivī retepon eni nin Yūdĭt nĭtnĭ eni Birī mori neteme eni Hĭtī, ĭm Batsima nĭtni eni Elon, mori neteme eni Hĭtī.

³⁵ Im Isak ĭm Rebeka dūrĭgi sat ugi irora mori.