Kenesis 24 - Kenesĭs 1914 Ruth 1932 (Erromanga)

¹ Im Ebraham yeti numpūmetūo dūti nevi sū sikat iran, ĭm Iehōva yĭpĭmpīeves en tiame sū eni.

² Im Ebraham yenūwi pugi nivūo ra nimō eni, iyi mori yefĭnte en tiame sū eni memokū, ya kum nakīugkĭk worumpi imō, Etipe nokopmū ra mumpon nevan enyx.

³ Im ya onumpi kĭk worenūwi nam ūnam ugi Iehōva Nōbū ra pōkop ĭm Nōbū ra nemap ma kĭk otū ampī retepon nĭsekon nĭtūg morokonda ōvasiven Kēnan ĭlebōteven mori ya kum mantĭndōwi.

⁴ Kō kĭk ampe ra nūrū ūnevēekon yx pun ōra ravūgsieme mō mampī retepon nĭsekon nĭtūg nĭsekon Isak.

⁵ Miyi nivūo eni yenūwi pugi memokū Nagkū en tawi nasiven mori otū akīugi worūri yx ra nurū ĭgko, ya kan?-?tōri nĭtum ra nūrū ūnevēekon e kĭk mori kĭmemnē yūi kū?

⁶ Im Ebraham yitamsi pugi memokū, Tawi; Okesi ma kĭk otū ontōri nĭtūg yūi.

⁷ Iehōva Nōbū ūnumpōkop mori yĭmtōri yx marugi nimō eni ĭtemen‐e‐yx mō marugi nūrū ravūgsīeme, iyi mori yĭpmenūwi po yx nam ūnam memokū, Ya kampugi novsen enugkĭk imō nūrū, iyi ontamūli nagelō eni ūnĭmtum ĭm kĭk ampī retepon nĭsekon nĭtūg marugi nūrū iyūi.

⁸ Im nagkū nasiven mori otū onakīugi worūrok, penūri kĭk antĭn sūli marugi nam ūnam enyx, kō etū tōri nĭtūg i yūi.

⁹ Miyi nivūo mori yetipe nokoben eni ra numpon nevan eni Ebraham narisah eni mō menūwi pugi nam ūnam ugi imō.

¹⁰ Im nivūo mori yivī kamel ten ra ōvun kamel eni narisah eni mō ĭmpe, ĭm nugkon‐ugo sū eni narisah eni, mĭmtūok mō ĭmpe Mesōpotēmia ran tĭmne eni Nēhor.

¹¹ Miyi yumpi ōvun kamel eni woresumpūneterĭn en irora ran telugon tĭmne, ra nokorĭn nū‐itokeli ugi pōarap, nĭmpugon mori ōvasiven umampe woretalĭgi nū.

¹² Miyi yenūwi memokū, Ah! Iehōva Nōbū eni Ebraham Narisah enyx, ovugi Ebraham Narisah enyx numpelēves irē pen dan.

¹³ Pah ya kum mantūrū ĭgko ra nokoren nū‐itokeli movasiven en irora ōveteme ūntĭmne umampelum woretalĭgi nū.

¹⁴ Umpi imō, aremī iyi ĭtnumpokon mori ya anwi pugi magkū, Ovkisep nūrah enugkik, ya kum nesinug kik ma yx woromoneki nū, miyi pe anūwi magkū, Omoneki, im ya kampun‐ōra ōvun kamel woromoneki sugkū, ya kum nesĭnug kĭk, tamūli iyi mori worevelum ūnĭmtug iyi mori kik umagkū nĭsekon Isak, livsx enugkĭk, ma ya kagkili kĭmumpi nevīeves tovuni narisah enyx.

¹⁵ Mō metepū pol sugkū yetumwi nam eni, pah, Rebeka yivelum, iyi mori yumprokomol iran Betūel nĭtni eni Mĭlka, retepon eni Nēhor avĭnsī eni Ebraham, ĭm nūrah nĭmsĭn nū yeti ra nĭvlokon eni.

¹⁶ Mĭtnumpōkon mori yeti fanasiven yetūkile sī ĭtnateman miyi iyep ra nū‐ĭtokeli mō mūvūarugi nūrah eni mō ĭm sah.

¹⁷ Im neteme mori yalo worevetĭt iyi mō menūwi memokū, Ya kum nesĭnug kĭk, ovo‐yx virok woromoneki marugi nūrah enugkĭk.

¹⁸ Miyi yenūwi memokū, Omoneki, narisah enyx, miyi yĭmetevūi sah ĭtnum nurah eni ra mumpon nokoben eni mō movugi iyi woromoneki.

¹⁹ Im pol sugkū yokompeli worovugi nū yenūwi memokū, Ya kantalĭgi nĭsekonda ōvun kamel sugkū mafeli wono?-?moneki montampeli.

²⁰ Miyi yoratevetevi mō ĭmwosĭlĭgi marugi nūrah eni ra mumpon nūrah woromoneki mō malō ra nū‐ĭtokeli mĭmtavi okugi, mō moreveni nĭsekonda ōvun kamel eni.

²¹ Miyi neteme yavlugi ūgi iyi mō metūnūwi pugi, ĭt iyi yakīugi worokili nagkū Iehōva umpi numpūrah eni nalōves, kū tawi.

²² Mō metepū pol sugkū ōvun kamel dūmoneki mō mū?-?tāmpeli, neteme mori yivī nivele kōld ĭm natūrevam kōld, dūrū tamas worovī sep ra nokoben eni.

²³ Mō menūwi memokū, Kĭk nĭtni ene mē? Enūwi po yx, ya kum mĭntagkolok; nūrū ra mumpon nimō ĭtemene‐kĭk nĭsekomam wororokote lap wi kū?

²⁴ Miyi yōmenūwi pugi memokū, yx nĭtnĭ eni Betūel mori nĭtni eni Mĭlka mori iyi yivī iran Nēhor.

²⁵ Miyi yomenūwi memokū, Topavū ĭm nevag enugkam sikat, ĭm nūrū wororokote lap wi ūnesog.

²⁶ Miyi neteme yitelasep mō mesesiē ves ūnĭpmi eni Iehōva mō menūwi memokū.

²⁷ Nevīeves Iehōva Nōbū eni Ebraham narisah enyx mori yetūwi narisah enyx woretūvugi iran numpelēves mĭtnesog eni; ĭt iyi Iehōva yimtōri yx polekū yx mavan ra selat ra nimō enirora ravĭneme eni narisah enyx.

²⁸ Miyi ĭtnumpōkon yalō mō manūatumpeni imo sū pun ōra ra mumpon nimō eni dineme eni.

²⁹ Im Lēban avĭnsī eni Rebeka yalō pugi neteme mori ra nū‐ĭtokeli:

³⁰ Iyi yĭpmokesi nivele kōld ra nakoben vĭven eni, ĭm pol sugkū yorĭgi nam eni Rebeka vĭven eni mori iyi yenūwi memokū, Neteme mori onūwi po yx sugkū imō, Lēban yive pugi neteme mori yumprokotūrū ra nokoren ōvun kamel ra nū‐ĭtokeli.

³¹ Miyi yenūwi pugi memokū, Elum ūnesog kĭk nevīeves eni Iehōva, Irantiē kĭk emanturū ratilat, ĭt ya kokesiman nimo mori ĭm nūrū nīsekonda ōvun kamel.

³² Miyi yĭmtōri neteme mori ūnesog nimo, mō ĭmsulōra ōvun kamel mō movugi nĭsekonda ōvun kamel topavū ĭm nevag, ĭm nū wororowugi nōwon eni, ĭm nōwonda ōveteme dal iyi.

³³ Mirora dūtipe ra nokorĭn eni woreni, kō iyi yōmenūwi memokū, Ya otū oneni mafeli nĭmpugon ya anuatumpeni nam enyx. Im Lēban yōmenūwi memokū, Enūwi pe.

³⁴ Miyi yenūwi memokū, Yx lĭvsx eni Ebraham. Im Iehōva yivīe ves en tamas narisah enyx,

³⁵ īt iyi ra nūsian; yĭmovugi iyi ōvun sĭmsĭmak sū ra ov nūrah, ĭm sĭlver ĭm kōld, movun torugat ĭtnateman mĭtnasiven, mōvun kamel mōvun as.

³⁶ Im Sēra retepon eni Narisah enyx yivī nĭtni iran narisah enyx nĭmpugon yeti numpūmetūo, miyi yitanĭmpe pugi tiame sū eni.

³⁷ Im narisah enyx yumpi yx worenūwi imō nam ūnam memokū, kĭk otū ampī retepon nĭsekon nĭtūg marokonda ōvasiven Kēnan ra nūrū mori en irora ya kum mantindōwi.

³⁸ Kĭk ampe ra nimō eni ĭtemen‐e‐yx, iranda ravūgsīeme mō mampī retepon nĭsekon nĭtug.

³⁹ Im yx menūwi pugi narisah enyx memokū, Nagkūn tawi nasiven mori otū onūri yx?

⁴⁰ Miyi yitamsi po yx memokū, Iehōva ra nĭpmi eni ya kum navan dan sū ontamūli nagelō eni ūndū kĭk worumpi nalōves numpūrah enugkĭk; ĭm kĭk ampī retepon nĭsekon nĭtūg morokonda ravūgsī eme marugi nimō ĭtemen‐e‐yx.

⁴¹ Im kĭk antĭn sūli marugi nam ūnam enyx; pol sugkū kĭk ampe pun ūra ravūgsīeme, ĭm nagkū irora ūtū wampug kĭk iyi, kĭk antĭn sūli marugi nam ūnam enyx.

⁴² Im ya kokevelum irē pen dan ra nū‐ĭtokeli mō menūwi memokū, Ah! Iehōva, Nobū eni Ebraham narisah enyx, marima nagkū kĭk onumpi nalōves numpūrah enyx:

⁴³ pah, ya kum mantūru ĭgko ra nokorĭn nū‐itokeli, antepū pol sugkū ĭtnumpōkon mori ampelum woretalĭgi nū, ĭm ya anūwi pugi magkū, ovo‐yx nū virok marugi nūrah enugkĭk woromoneki;

⁴⁴ miyi akanūwi po yx magkū, Omoneki‐wi, ĭm ya kantaviokugi nĭsekonda ōvun kamel sugkū, aremī Iehōva worovugi nĭsekon nĭtni eni narisah enyx imō nasiven woreti nasiven eni.

⁴⁵ Im pol sugkū yx metūnūwi sū ūnōwag, pah, Rebeka ivelum ilat, ĭm nūrah ra nevlokon eni mō mēyep ra nū?-?ĭtokeli mĭmtaviokugi, ĭm ya onūwi pugi, Ovo‐yx woromoneki, ya kum nesenugkĭk.

⁴⁶ Miyi oratevetevi mō movkisep nūrah eni, mō movkisep nūrah eni, mō menūwi memokū, Omoneki, ĭm ya kampun‐ōra ōvun kamel sugkū woromoneki. Im ya omoneki miyi yovun‐ōra ōvun kamel woromoneki sugkū.

⁴⁷ Im ya koketagkeli iyi memokū, Kik nĭtni ene mē? miyi yitamsi po yx memokū, Nĭtni eni Betūel, nĭtni eni Nēhor mori Mĭlka yivī iran: ĭm ya kokotipe nivele ran telugon eni ĭm naturavam ra mumpon nokoben.

⁴⁸ Im ya kotelasep mō mesesiē ves ūnĭpmi eni Iehōva, mō ĭmpīeves Nōbū eni Ebraham, miran Iehōva narisah enyx mori okotōri yx ra selat nugkō ves worevī nĭsekon nĭtni eni narisah enyx, mori nĭtni eni avĭnsī eni narisah enyx.

⁴⁹ Im marima nagkū kūmagkū worumpelē‐ves ĭram narisah enyx mĭtnesog, Enūwi po yx, ĭm ya kagkili tiē worumpi.

⁵⁰ Im Lēban im Betūel dūtamsi mumokū, okovelem imō marugi Iehōva, ka kūtū faneteme worenūwi punok sī en tie sī.

⁵¹ Pah Rebeka oti ūnĭmtum, Tōri iyi mūve; avemī iyi woreti retepon eni nĭtni eni narisah enugkĭk sugkū Iehōva yĭpmenūwi memokū ugi.

⁵² Mō metepū pol sugkū neteme mori eni Ebraham yorĭgi nam en irōra iyi yitampūp mō ĭm tĭvĭta iran Iehōva.

⁵³ Miyi mori yivī ĭmpelum ov nūrah sĭlver mov nūrah kōld mōvun sĭmplxon mō movugi Rebeka miyi yovugi avĭnsī ĭm dĭneme eni, ov nūrah aremī sugkū.

⁵⁴ Mirora dūoni mō moneki, iyi mirora ōveteme dal iyi; mō marokote‐wi pūmrok; mirora dūvsora ra prūbokom; miyi yōmenūwi memokū, Ya kampe pugi narisah enyx.

⁵⁵ Mavĭnsī ĭm dĭneme eni ĭtnumpōkon mori dūnūwi mūmokū, Aremī iyi ĭtnumpōkon umanti dal kam nugkon dan virok; penūri iyi akampe.

⁵⁶ Im neteme mori yĭmtamsi pun ōra memokū, Utū‐tanti‐yx, ĭt Iehōva umpi nalōves numpūrah enyx, Tamūli yx pelah ĭm ya kampe pugi narisah enyx.

⁵⁷ Mirora dūnūwi mūmokū, Ka kū?-?vrugi ĭtnumpōkon mori mō mĭntagkeli iyi.

⁵⁸ Mirora dū?-?movrugi Rebeka mō mūnūwi pugi mūmokū, Kĭk umagkū woreve ūndū imō neteme, kū tawi? Miyi yĭmtamsi memokū, Ya kampe.

⁵⁹ Mirora dūtamūli Rebeka vĭven en irora, ĭm nasiven torugat eni, miyi nivūo eni Ebraham mōveteme eni.

⁶⁰ Mirora dūvīeves ĭran Rebeka mō mūnūwi pugi mūmokū, Kĭk yĭven kam, etepū kĭk dĭneme ra ov numpūn lō sū ōvun txsan, sikat wokon; etĭndōwĭ ūndū novsen enugkĭk pūketampet sū en irora ov novsen nakan enugkĭk.

⁶¹ Im Rebeka movasiven torugat eni dūtūok mō mūsuki tan ōvun kamel mō mūri neteme mori, miyi lĭvsx mori yivī Rebeka mō ĭmpe.

⁶² Im Isak yivelum yĭmnē ūselat ra nūĭtokeli Lahīrōi; miyi yetĭndōwi ra nūrū empak.

⁶³ Im Isak yive ra nūrū wokon pōarap woreveleveli ĭm nĭmpugon pōarap iyi yilasah mō mokesi, ĭm pah ōvun Kamel dumprokeve?-?lum.

⁶⁴ Im Rebeka yelasah mō mokesi Isak, mō mokavsep marugi kamel.

⁶⁵ Myi yenūwi pugi nivūo memokū, Mē neteme mori umnavan ra nūrū wokon worevetet irant? Miyi nivuo yĭmtamsi memokū, Narisah enpx. Im Rebeka yivī nemas mō meseni nĭpmi eni.

⁶⁶ Miyi lĭvsx mori yĭmavsamwi pugi Isak ugĭn tiame sū mori iyi yumpi.

⁶⁷ Im Isak yĭmtōri Rebeka ra mumpon tent eni Sēra, miyi yivī Rebeka waroti retepon eni; miyi yelĭntugi Rebeka; ĭm Isak yorĭgi ves ugi nemas eni dineme eni.