Kenesis 23 - Kenesĭs 1914 Ruth 1932 (Erromanga)

¹ Dūti nevi sū omwi sū iran Sēra, wun hunder ĭm twenti seven.

² Im Sēra yimas ra Kĭrsatarba mori oti Hebron ra Kēnan; ĭm Ebraham yive ūnesog worakūr memageri tovuni.

³ Im Ebraham itūok marugi nĭpmi eni nasiven eni okemas, memenūwi pun ōra ōvun nĭtnĭme eni Het memokū,

⁴ Yx dōmō, ĭm ya kum morokote lap dal‐e‐kĭmi, ūvo‐yx nūrū woretĭneme dal‐e‐kĭmi woretĭnemi nemas enyx marugi nĭmtug.

⁵ Mōvun nĭtnĭme eni Het dūtamsi pugi Ebraham mūmokū, Orĭgi kam,

⁶ narisah enyx, Kĭk natemonok ra nūsian dal‐e‐kam, Tampoli sī neveli nūsian aremī woretenemi nemas enugkĭk, tawi sī kam osiugi neveli eni marug kĭk woretūtĭ?-?nemi nemas enugkĭk,

⁷ Im Ebraham yitūok sah mō ĭm telasep iranda netevokontū ra nūrū iyūi iyi yitelasep iranda ōvun nĭtnĭme eni Het.

⁸ Miyi yam dal irora memokū, Nagkū kūmagkū aremī yx woretĭnemi nemas enyx marugi nĭmtug, ūrĭgi yx im wosenog pugi Efron nĭtni eni Sōar nĭsekog,

⁹ ma iyi ampo‐yx neveli eni mori ra Makpila ra navlūtni nūrū eni; iyi ampasi po yx, ĭm ya kampugi muni nĭpmi nūrū mori worentĭnemi ra mumpon.

¹⁰ Im Efron yitesep dal ōvun nĭtnĭme eni Het mori dūvelum ūnesog ra pūketampet ūntĭmne memenūwi memokū.

¹¹ Tawi, narisah enyx, orĭgi yx, ya ontalokugi nūrū mori pug kĭk, ĭm neveli sugkū ya kampug kĭk wokon ūnimĭnda ōvun nĭtnĭme en irora netevokontū enyx, ya ontalokug kĭk ugi, Etĭnemi iyi nemas enugkĭk.

¹² Im Ebraham itelasep ūnimĭnda netevokontū ra nūrū iyūi.

¹³ Mō menūwi pugi Efron ran telĭgunda netevokontū mori yūi, memokū, Nagkū kĭk andĭgi yx lap ya kampunok muni ra nūrū mori; vī pe sū maroko‐yx ĭm ya antĭnemi nemas enyx iyūi.

¹⁴ Im Efron yitamsi pugi Ebraham memokū,

¹⁵ Narisah enyx, orĭgi?-?yx, aremī kĭk ampo‐yx muni sĭlver fōr hunder, tiē imō irag miram? penūri kĭk ontĭnemi nemas enugkĭk.

¹⁶ Im Ebraham yevendagugi nam eni Efron, ĭm Ebraham yĭmtī nīsekon Efron sĭlver mori iyi yĭpmenūwi ugi ra nimĭnda ōvun nĭtnĭme eni Het, muni sĭlver fōr hunder, aremi ūnimĭnda ōveteme nevasi.

¹⁷ Im nūrū mori eni Efron ra Makpila ūnĭpmi Mamre ĭm neveli ra mumpon, ĭm nē sū ra nūrū mafeli ra ōvun avlūtni nūrū mori nagkxugi Ebraham yivī woreti eni ĭndōwi,

¹⁸ ūnimĭnda ōvun nĭtnĭme eni Het mūnimĭnda sū mori dūmūve ūnesog pūketampet ra ūntĭmne eni.

¹⁹ Penūri iyi Ebraham yitĭnemi Sēra retepon eni ūneveli ra nūrū Makpila ūnĭpmi Mamre mori oti Hebron ra nūrū Kēnan.

²⁰ Nūrū mori ĭm neveli ūnesog irora nĭtnĭme eni Het duvasĭgi pugi Ebraham, eni ĭndōwi, nūrū worentĭnemi ov nemas eni.