Kenesis 21 - Kenesĭs 1914 Ruth 1932 (Erromanga)

¹ Im Iehōva yenteme Sēra memokū ugi nam mori iyi yĭpmenūwi; ĭm Iehōva yumpi iran Sēra ugi nam mori iyi yĭpmenūwi.

² It iyi Sēra yitandiokumpōk mō ĭmpī nĭtni iran Ebraham nĭmpugon iyi numpūmetūo, ra nĭmpugon mori Iehōva yĭpmenūwi pugi memokū ugi.

³ Im Ebraham yatov nin nĭtni mori yeti nevī iran memokū Isak, iyi mori Sēra yĭpĭmpī toveni.

⁴ Im Ebraham yumpi namon ra Isak nĭtni eni nĭmpugon dan sū ēt yeti iran, sugkū Iehōva yĭmpasewugi iyi.

⁵ Dūti nevi sū wun hunder iran Ebraham ra nĭmpugon Isak yeti nevī iran.

⁶ Im Sēra yenūwi memokū, Iehōva mumpo yx woravosūwi momwi sū mori wandĭgi ugi wonavos dal yx.

⁷ Miyi yōmenūwi memokū, Mē pokū pugi Ebraham ma Sēra mamiampūni nĭtni? It yx ĭmpī nĭtni iran pol sugkū iyi numpūmetūo.

⁸ Nĭtni mori yalam yōwi ni; ĭm Ebraham yumpi narĭgari ran dan mori Isak yōwi ni.

⁹ Im Sēra yokesi nĭtni eni Hēkar nasiven Ityĭpt mori iyi yĭpĭmpi iran Ebraham miyi yĭmagepī iran.

¹⁰ Im Sēra yenūwi pugi Ebraham memokū, Satevugi imō nasiven torugat ĭm nĭtni eni, ĭt iyi nĭtni eni nasiven torugat otū onevatum ūndū nĭtug, ūndū Isak.

¹¹ Im Ebraham yorĭgi sat tamas popōwo ugi nĭtni eni.

¹² Kō Iehōva yōmenūwi pugi Ebraham memokū, Etūrĭgi sat popōwo ugi nalx mori ĭm popōwo ugi nasiven torugat enugkĭk, sĭndiuki nam eni Sēra mori sū iyi yenūwi punok, popōwo ugi Isak novsen enugkĭk anti novrugi.

¹³ Im ya onumpi nĭtni eni nasiven torugat sī numpūn lō, ĭt iyi sugkū novsen enugkĭk.

¹⁴ Im Ebraham yĭvsora ra numti dan mō ĭmpī yōūp ĭm sī botel gi nū, mō movugi Hēkar, yetipe ra nĭvlokon eni, ĭm nĭtni, mō ĭmtamūli iyi pelah; miyi yive, mō mavan ra nūrū wokon Birsiba.

¹⁵ Im nū yumwi ra botel, miyi yetipe nalx ra mumpon nē tobūtovū.

¹⁶ Miyi yive mō metisep pelah ūnĭpmi eni sagkū wor etenĭmpe nagasx, ĭt iyi yenūwi memokū ya otū agesi nalx mamas; miyi yetisep pelah ūnĭpmi eni mō mageri sah.

¹⁷ Im Iehōva yorĭgi Hēkar marugi pōkop mō menūwi pugi memokū, Tiē iram Hēkar? Etūmtetugi, ĭt Iehova morĭgi nageri eni nalx nĭmpe.

¹⁸ Etūok muriuki nalx malekoleki iyi gi nokopmū, ĭt ya onumpi iyi numpūn lō tamas.

¹⁹ Im Nōbū yitī pelah nĭpmi eni miyi yokesi nūĭtokeli mō ĭmpe mō movūwarugi nū ra botel mō movugi nalx woromoneki.

²⁰ Im Nōbū yeti ūndū nalx mori, miyi yalam mō metĭndōwi ilūwx, mō mete en semelĭmel gi nefani.

²¹ Miyi yetĭndōwi ra nūrū wokon Pēran, ĭm dĭneme eni yivī nĭsekon sī nasiven Ityĭpt.

²² Mō metepū ra nĭmpugon mori Abĭmelek ĭm Fīkol, nivūo tentūrū sū ūbrami eni, yenūwi pugi Ebraham memokū, Nōbū oti ūndū kĭk ugĭn tiame sū mori kĭk umnumpi.

²³ Marima enūwi nam ra nin eni Nōbū magkū kĭk otū anūwi namlī po yx ĭm nĭtūg ĭm ramo?-?kopugeme, nevīeves sugkū ima mori yx mumpi iram, tampenĭgi sugkū ima mori yx mumpi iram, tampenĭgi sugkū poyx ĭm nūrū mori yūi kĭmorokotewi.

²⁴ Im Ebraham yenūwi memokū Ya anūwi ūnam.

²⁵ Im Ebraham yenūamwūs pugi Abĭmelek ugi sī nūĭtokeli mori ōvun lĭvsx eni Abĭmelek dūpmōvī parok?-?onda.

²⁶ Im Abĭmelek yōĭmtamsi memokū, yx metūkili iyi mori yumpi imō ĭm kĭk otūnūwi po yx ugi; ya otūrigi ugi mefeli nĭmpugon marima.

²⁷ Im Ebraham yivī ōvun pugipugi mōvun kūrimatx ĭtnateman mō movugi Abĭmelek; miroran dūrū dūmūnūwi nam ūnam pun ōr en dūrū.

²⁸ Im Ebraham yivī ōvun pugipugi, mō metipe pelah sī ōvun nĭtnĭme pugipugi seven ĭtovasiven ra sĭmsĭmak.

²⁹ Im Abĭmelek yitagkeli Ebraham memokū, Irantiē kĭk okotipe pelah‐e‐sī ōvun nĭtĭme pugipugi ĭtnasiven?

³⁰ Miyi yĭmtamsi pugi memokū, It irora ōvun nĭtnime pugĭ?-?pugi seven itōvasiven, kĭk ampī maroko‐yx, mirora wanti numpūvsok po yx ma yx mokeli imō nūĭtokeli.

³¹ Im popōwo ugi imō iyi yatov nin nūrū mori memokū Birsiba, ĭt iyūi irora dūmūnūwi nam ūnam.

³² Miroran dūrū dūmūnūwi nam ūnam pun ōra ra Birsiba, miyi Abĭmelek yitūok ĭm Fīkol, nivūo en irora ōvun umpako eni, mō mūtorĭleki ra nūrū en irora ōveteme Fĭlĭs.

³³ Im Ebraham yĭmōwi sī nē ra Birsiba, im yūi yĭmovru?-?gi ra nin eni Iehōva, Nōbū mori umante ūvum nevi sū ĭndōwi.

³⁴ Im Ebraham yĭmorokote lap ra nūrū en irora ōveteme Fĭlĭs sikat en dan.